Fréttablaðið - 08.05.2007, Blaðsíða 4

Af ótta við truflun á
alþingiskosningum krafðist lög-
regla þess að áætlaðri leið
franska götuleikhússins Royal
de Luxe um götur miðborgar
Reykjavíkur á kjördag yrði
breytt.
„Upphaflega vildu þau fara
leiðir í kring um ráðhúsið en við
tókum ekki í mál að það væri
farið í nærliggjandi götur við
ráðhúsið,“ segir Árni Friðleifs-
son, varðstjóri hjá umferðar-
deild lögreglunnar. Ein kjör-
deilda Reykvíkinga er í
ráðhúsinu.
Franska sýningin, sem er opn-
unaratriði Listahátíðar í Reykja-
vík, fjallar um svokallaða risessu
sem freistar þess að hemja föður
sinn sem óvart er vakinn af alda-
löngum svefni og er í versta
skapi.
„Við höfum átt marga sam-
ráðsfundi með lögreglunni og
höfum samræmt leiðirnar eftir
þeirra óskum. Það verður til að
mynda ekki farið hjá ráðhúsinu,“
segir Þórunn Sigurðardóttir, list-
rænn stjórnandi listahátíðarinn-
ar.
Risessan er átta metra há
brúða sem stýrt verður víða um
miðborgina. Ferð hennar hefst í
Hljómskálagarðinum klukkan
hálf ellefu á föstudag. Þá gengur
hún Fríkirkjuveg, Pósthússtræti,
Tryggvagötu, Hafnarstræti að
Lækjartorgi og þaðan upp Banka-
stræti og Skólavörðustíg að Hall-
grímskirkju þar sem hún leggur
sig til hvílu klukkan eitt. Eftir
tveggja tíma blund heldur ris-
essan aftur niður Skólavörðustíg
og Klapparstíg, upp Laugaveg og
þaðan norður Snorrabrautina og
vestur Sæbrautina að hafnar-
bakkanum þar sem hún leggst til
svefns.
Laugardaginn 12. maí, á kjör-
dag, fer risessan frá hafnarbakk-
anum klukkan hálf ellefu og
gengur að Ingólfstorgi. Þaðan
fer hún um Aðalstræti, Lækjar-
götu og Fríkirkjuveg og aftur að
Lækjartorgi. Lokaganga risess-
unnar hefst þennan sama dag
klukkan þrjú. Þá gengur hún frá
Lækjartorgi, upp Hverfisgötuna,
aftur upp á Snorrabraut og niður
á Sæbraut og að hafnarbakkan-
um þar sem verkinu lýkur um
klukkan fimm. Götum verður
lokað rétt á meðan sýningin fer
þar um.
Þórunn lofar borgarbúum
miklu sjónarspili. „Eurovision
og kosningarnar munu falla
algerlega í skuggann – ég lofa
því.“
Óttuðust að ganga risabrúðu
truflaði alþingiskosningar
Lögreglan og Listahátíð í Reykjavík hafa náð lendingu um tilhögun opnunaratriðis hátíðarinnar. Lögregl-
an óttaðist að för átta metra hárrar brúðu um götur borgarinnar myndi hefta för kjósenda að ráðhúsinu.
„Það er nánast allt ónýtt,“
segir Ríkharð Guðmundsson, 47
ára maður sem bjargaði sér út úr
brennandi húsi sínu á Selfossi í
fyrrinótt.
Ríkharð var að koma úr sturtu
þegar hann fann lykt af reyk og
heyrði píp í reykskynjara. „Ég
opnaði hurðina fram á gang og sá
að þar var allt fullt af reyk og svo
mikill eldur að ég þorði ekki að
hlaupa þvert yfir ganginn til að
komast út um svaladyrnar.“
Ríkharð greip þá til þess ráðs að
brjóta rúðu í þvottaherbergi við
hlið baðherbergisins, og flýja eld-
inn út um gluggann. Við það skarst
hann á hendi. „Ég er með djúpt sár
á hendinni sem ég fékk sjálfsagt
þegar ég var að klifra niður úr
glugganum. Svo held ég að ég sé
með glerbrot í hælnum, það er svo
vont að stíga í hann,“ segir Rík-
harð sem var berfættur í náttföt-
um þegar hann yfirgaf húsið.
Ríkharð, sem býr einn í húsinu,
fór til nágranna síns og lét hringja
eftir hjálp. Slökkvilið kom skömmu
síðar og gekk greiðlega að ráða
niðurlögum eldsins. Húsið er afar
illa farið en eldsupptök eru ekki
kunn.
Ríkharð var fluttur á heilsu-
gæslustöð þar sem gert var að
sárum hans, og fékk síðan inni hjá
vandamönnum. „Maður er hálf-
ráðvilltur eftir svona og veit eig-
inlega ekki hvað maður á af sér að
gera,“ segir hann.
Ekkert hefur enn
spurst til Madeleine McCann,
þriggja ára gamallar breskrar
stúlku sem hvarf af hótelherbergi
í Portúgal á fimmtudagskvöld.
Talið er að stúlkunni hafi verið
rænt og grátbað móðir hennar
ræningjana að meiða hana hvorki
né hræða í átakanlegu ákalli sem
sjónvarpað var í Portúgal í gær.
Að því er fram kemur á
fréttavef BBC hefur portúgalska
lögreglan nú til rannsóknar
vitnisburð sjónarvotta sem
segjast hafa séð sköllóttan mann
draga litla stúlku með sér að
bátahöfn skammt frá hótelinu.
Fyrrum lögregluforingi í
Portúgal sagði í viðtali að grunur
léki á að ræninginn væri breskur
og að ránið væri þaulskipulagt.
Foreldrar Madeleine eru vel
efnaðir og hafa heitið hundrað
þúsund pundum í verðlaun fyrir
upplýsingar um afdrif dóttur
sinnar.
Grátbiður stúlk-
unni vægðar
Tveir búðarhnupl-
arar fengu óvenjulegan dóm á
dögunum fyrir að stela úr búðinni
Wal-Mart í bænum Attalla í
Alabama. Þeir voru dæmdir til að
standa fyrir utan búðina í fjórar
klukkustundir tvo laugardaga í
röð með spjöld þar sem á stóð:
„Ég er þjófur, ég stal úr Wal-
Mart“, eða sitja að öðrum kosti í
fangelsi í 60 daga.
Niel Hawkins, framkvæmda-
stjóri Wal-Mart í Attalla, var
ánægður með niðurstöðu dómar-
ans og sagði að nú myndi fólk
kannski hugsa sig tvisvar um
áður en það reyndi að stela úr
búðinni.
Með spjald sem
sagði þá þjófa