Fréttablaðið - 19.05.2007, Side 35

Seglbílar eru vinsæl skemmtun meðal fyrir-
tækjahópa og ferðamanna. Í sumar verða þeir
einnig í boði úti í Viðey á fjölskylduvænu verði.
„Bílarnir komu til landsins fyrir rúmu ári. Við fund-
um þessa afþreyingu í Hollandi, en pöntuðum bíl-
ana frá Nýja-Sjálandi þar sem þeir eru framleidd-
ir,“ segir Jón Ólafur Magnússon, framkvæmdastjóri
Ferðaþjónustunnar HL.
Að sögn Jóns eru bílarnir mjög vinsælir í Evrópu
þar sem þeyst er eftir þar til gerðum brautum. Á
Íslandi hafa bílarnir verið notaðir á flugvellinum á
Skógum, við Kleifarvatn, Stokkseyri og á Þingvöll-
um meðal annars.
Bílarnir eru oftast notaðir á afmörkuðu svæði
en að sögn Jóns eru engar reglur sem stríða á móti
notkun bílanna á götum úti.
„Um daginn voru tveir úr hópnum hjá okkur sem
fóru frá Þingvöllum niður í Mosfellsdal. Bílarn-
ir virkuðu mjög vel og þeir náðu hæst 60 kílómetra
hraða á leiðinni,“ segir Jón.
Flestir þeirra sem keyra bílana eru íslenskir og
erlendir fyrirtækjahópar í hvataferð, auk erlendra
ferðamanna. Viðtökur hafa verið ótrúlegar að sögn
Jóns og þrátt fyrir að hafa aldrei auglýst var full-
bókað allt síðasta sumar.
Bílarnir eru tólf talsins en innan skamms er von
á tíu í viðbót til að anna eftirspurn. Í sumar verður
samastaður seglbílanna í Viðey, þar sem þeir verða
í boði fyrir einstaklinga og fjölskyldur. „Við höldum
áfram með hópa sem endranær, en ætlum einnig að
bjóða fjölskylduvænt verð úti í Viðey í sumar,“ segir
Jón.
Bílarnir eru fyrst og fremst afþreying og mark-
miðið er að bjóða þá víðs vegar um land með tíð og
tíma.
„Ég sé fyrir mér að bílarnir geti verið nýr tekju-
möguleiki fyrir ferðaþjónustuna um land allt. Þá
geta hótel og fjölfarnir ferðamannastaðir boðið upp
á bílana á sumrin svo ferðamenn geti þeyst um þönd-
um seglum,“ segir Jón.
Bílarnir eru úti í Viðey á milli klukkan 12-16 alla
laugardaga í sumar. Nánari upplýsingar um Ferða-
þjónustuna HL er að finna á vefnum: www.hl.is
Þeysir um
þöndum seglumJeppadekk
ALORKA • Vagnhöfða 6 • Sími 577 3080
Betra verð á
heilsársdekkjum
235/65R17, kr. 12.900
245/70R17, kr. 13.900
265/70R17, kr. 14.900
275/60R17, kr. 15.900
Úrval annarra stærða upp í 38".
Felgustærð 15", 16" 17" og 18".
Sendum frítt um land allt!
Við mælum með míkróskurði
P
IPA
R
• S
ÍA
• 70753
Nánar á jeppadekk.is
550 5000
AUGLÝSINGASÍMI