Fréttablaðið - 07.06.2007, Side 48

7. JÚNÍ 2007 FIMMTUDAGUR12 fréttablaðið norðurland
Ingibjörg Björnsdóttir, bóndi á Skútustöðum
II í Mývatnssveit, er einn yngsti bóndi lands-
ins og vill bara vera í sveitinni.
„Bæjarlífið hentar mér engan veginn. Ég bjó
í Reykjavík meðan ég tók fyrsta árið í Bænda-
skólanum á Hvanneyri í fjarnámi. Þá fann ég að
sveitin á best við mig,“ segir Ingibjörg Björns-
dóttir, bóndi á Skútustöðum II í Mývatnssveit.
Ingibjörg er einn yngsti bóndi landsins og var
sjálf alin upp á bænum. Pabbi hennar er einnig
bóndi og er henni innan handar í búskapnum.
„Pabbi fór í Bændaskólann á Hvanneyri á sínum
tíma, en þetta lá samt ekkert beint við fyrir mig.
Mig langaði bara að kanna þennan möguleika,“
segir Ingibjörg, sem tók háskóladeildina á Hvann-
eyri og íhugaði um tíma að gerast ráðunautur.
„Á sumrin var ég í búskap með pabba sam-
hliða náminu og fann hvað þetta átti vel við mig.
Þá ákvað ég að gerast bóndi sjálf,“ segir Ingi-
björg, sem kom inn í búið með pabba sínum fyrir
tveimur árum síðan.
„Þetta smellpassaði einhvern veginn. Pabbi
var farinn að eldast og þá hentaði ágætlega að ég
tæki við. Núna sé ég um búið og fæ góða aðstoð
frá pabba,“ segir Ingibjörg.
Stærri búum fer fjölgandi á Íslandi og minni
búum fer fækkandi að sögn Ingibjargar. „Það er
ekkert grín að kaupa jörð og kvóta í dag. Það er
erfitt að gerast bóndi, nema þú takir við búi for-
eldra eða eigir milljónir í banka,“ segir Ingibjörg,
sem þó mælir eindregið með starfi bóndans ef
fólk hefur möguleika á því.
Hún er eini bóndinn í fimm manna systkina-
hópi og segir unga fólkið í Mývatnssveit fæst
taka við búi foreldra sinna.
„Eldri bróðir minn hefur lúmskan áhuga á bú-
skapnum og hjálpar mér oft í tækjamálum. Yngri
systkinin hafa hins vegar engan sérstakan áhuga
á búskapnum,“ segir Ingibjörg.
Á Skútustöðum II eru tuttugu kýr, tvö hundr-
uð kindur og sex hestar. Auk þess eru hænur og
hundar. Öll dýrin eru í uppáhaldi að sögn Ingi-
bjargar og hún á erfitt með að gera upp á milli
þeirra.
„Dýrin eru öll yndisleg, en á svo ólíkan hátt.
Kýrnar eru með mjög sérstakan og mismunandi
persónuleika. Þegar maður eyðir öllum degin-
um með þeim lærir maður á þær og hvað heldur
þeim góðum. Þær eru mjög skemmtilegar en geta
líka verið bölvaðar tuðrur inni á milli,“ segir Ingi-
björg hlæjandi.
Þrátt fyrir að sakna þess aldrei að búa í borg
eða bæ finnst henni samt alltaf gott að skreppa í
kaupstaðarferð.
„Ég er búin að fá nóg í borginni eftir tvo til
þrjá daga. Þá verð ég að komast aftur út í sveit.
Mér finnst svo gott að að vera ein úti í náttúrunni
og stjórna mínum tíma sjálf,“ segir Ingibjörg,
sem bæði tekur Kennaraháskólann og kennir við
Reykjahlíðarskóla samhliða búskapnum.
„Ég er umsjónarkennari fyrir 7. og 8. bekk og
hitti mikið af fólki í skólanum. Þá fæ ég fullnægt
félagsþörfinni. Síðan finnst mér fínt að komast
aftur út í sveit þar sem er ekkert áreiti og full-
komið frelsi,“ segir Ingibjörg.
rh@frettabladid.is
Frelsið er yndislegt
Ingibjörg Björnsdóttir, einn yngsti bóndi landsins, kann best við sig í faðmi náttúrunnar.
MYND/HEIDA.IS
Hríseyjarferjan siglir reglulega frá Árskógssandi, nokkrum kíló-
metrum sunnan við Dalvík, í allt sumar. Hrísey er sjarmerandi
lítil eyja sem er verulega falleg á sumrin.
Í Hrísey er hægt að leigja sumarhús, gista í tjaldi og borða á
veitingahúsinu Brekku. Skipulagðar gönguferðir um eyjuna eru
í boði á sumrin, ásamt vitaferð og skemmtisigling. Síðan er líka
hægt að skella sér í sund og njóta lífsins.
Nánari upplýsingar um Hrísey er að finna: www.hrisey.is -rh
LÁTTU EFTIR ÞÉR ...
að sigla til Hríseyjar
Hrísey að vori er afar fögur sýn.
EKKI GLEYMA...
... náttúruperlum Norðurlands. Láttu það því eftir þér að ganga um
Dimmuborgir, fara í hvalaskoðun á Skjálfandaflóa eða skoða hinn
magnaða Goðafoss eða gista í Vaglaskógi.
Goðafoss geymir magnaða sögu.
Í júlí verðum við flutt í Kaupvangsstræti 6
Borðapantanir í síma 461 5775 og á netfanginu fridrikv@fridrikv.is
Strandgötu 7 | 600 Akureyri | Sími 461 5775 | www.fridrikv.is