Fréttablaðið - 14.06.2007, Blaðsíða 40

14. JÚNÍ 2007 FIMMTUDAGUR
Tími sumarblómanna er loks
að renna upp og óhætt að fara
að planta þeim í garðinn.
Sumarblómin eru einærar plöntur
og eru í blóma yfir sumartímann
í öllum regnbogans litum og lífga
upp á umhverfið. Blómin má setja
í ker, potta eða beð með fjölærum
plöntum og runnum til skrauts. Í
Gróðrarstöðinni Storð í Kópavogi
má finna gríðarlegt blómahaf og
er hægt að velja sér blóm af öllum
stærðum og gerðum fyrir sum-
arið. Jón Ragnar Björgvinsson,
starfsmaður í Storð, segir nauð-
synlegt að gefa sumarblómunum
áburð og mælir sérstaklega með
að notaður sé fljótandi áburður
eins og settur er á stofublóm.
Sumarblómin stór og smá
Sólbrúður er svipuð mölvunni og stendur í blóma megnið af
sumrinu. Hún verður þó ekki eins há og malvan og þarf enga
sérstaka meðferð aðra en sólríkan stað.
Cosmos er líkur sólbrúðinni í umhirðu og gildir það sama um
þessi blóm.
Skrautsalvía er mikið notuð í samplantanir og í ker, til dæmis
með hengiplöntum því hún stendur upp úr.
Hengitóbakshorn er afbrigði af venjulegu tóbakshorni. Þetta
er hengiplanta sem greinir sig og það er gott að slíta af tvo til
þrjá lengstu endana framan af greinunum því þá þéttist hún
mikið og getur myndað heilt teppi. Þetta blóm er mjög gott
að nota í beð og á leiði því það skríður eftir moldinni og er
mjög sterkt. Er til í hvítu, purpurarauðu, rauðu og fjólubláu og
blómstrar allt sumarið.
Skógarmalva blómstrar um mánaðamótin maí-júní og er í
blóma lungann af sumrinu. Hún er yfirleitt í lilluðum litum og
verður nokkuð há, þannig að hún þarf gott skjól og gott er að
setja við hana stuðning. Skógarmalvan er mjög dugleg planta
en nauðsynlegt er að gefa henni góðan áburð eins og öðrum
sumarblómum.
FRÉTTABLAÐIÐ/VILHELM