Fréttablaðið - 14.06.2007, Page 58

Um daginn las ég í blöðunum
að háttvirtur forsætisráð-
herra Geir H. Haarde hefði
sérstaklega tekið fram,
þegar hann afhenti Kristj-
áni Leóssyni eðlisverkfræðingi
Hvatningarverðlaun Vísinda- og
tækniráðs á Rannsóknarþingi Rann-
íss, að koss fylgdi ekki með.
Ég rak í fyrstu upp stór augu
við þessa frétt. Fannst það eigin-
lega hálfgerð öfugmæli að þessi orð
skyldu spretta af vörum Geirs, sem
hefur alltaf komið mér fyrir sjónir
sem sannkallaður heimsborgari og
prúðmenni. Þegar betur var að gáð
var forsætisráðherrann þó bara að
gera að gamni sínu, enda þekktur
fyrir einstakt skopskyn.
Hvað sem því líður get ekki ég
ekki varist þeirri hugsun að ein-
hver alvara hafi nú fylgt brandaran-
um og finnst hann eftir á að hyggja
lýsandi dæmi fyrir tilfinningalega
bælingu íslensku þjóðarinnar.
Hvernig væri nú ef við tækj-
um Frakka okkur til fyrirmyndar.
Þessa hámenningarþjóð sem kyss-
ist í gríð og erg og grýtir kartöfl-
um þegar henni er skapraunað. Þar
í landi þykja kossar á milli tveggja
karlmanna jafn eðlilegur hlutur og
að eiga þrjár feitar frillur, sem er
annað tákn um þann menningarlega
hátind sem þjóðin hefur náð.
Meira að segja jafn púrítönsk
þjóð og Bandaríkjamenn tekur
okkur fram í þessum efnum. Þar
í landi eru búnar til heilu kvik-
myndirnar um kúreka sem knús-
ast stundunum saman og karlkyns
kvikmyndastjörnur virðast alveg
óhræddar við að kyssast langt og
innilega í beinni sjónvarpsútsend-
ingu. Þjóðin sem hafnaði brjóstinu
á Janet á ekki í erfiðleikum með að
viðurkenna væntumþykju á milli
karla.
Sjálfur á ég ekki í neinum vand-
ræðum með að knúsa og kyssa aðra
menn, enda alvöru heimsborgari.
Ég hef því af minni einskæru góð-
mennsku ákveðið að gera forsætis-
ráðherra tilboð sem hann getur ekki
hafnað: Kennslustund í kossum.
Bara við tveir, Brokeback Mountain
og kartöflusekkur með í kaupunum.
Ég efast ekki um að endurbættur
forsætisráðherra hafi góð áhrif á
þjóðina.