Fréttablaðið - 07.07.2007, Side 80

Ég er ekki einn af þeim sem hafa gert ráðstafanir til þess að gera
eitthvað rosalega spes í dag, en í
dag er 7. júlí 2007, sem er einstak-
lega fallegur dagur út frá talnalegu
sjónarmiði. Ég hyggst til dæmis
ekki kvongast í dag, en fréttir hafa
borist um það að einstaklega marg-
ir hugðust um tíma ganga í heilagt
hjónaband á þessum degi, en svo
bárust reyndar tíðindi af því nú í
vikunni að margir höfðu hætt við
af einhverjum orsökum.
hafa pör hætt við
vegna þess að þau hafa fundið það
út í samræðum sín á milli að ekki er
endilega farsælt að rjúka í hjóna-
band – með tilheyrandi daglegum
deilum um hversdagslega hluti –
bara vegna þess að einhver sérstök
dagsetning sé aðlaðandi. Falleg
dagsetning ein og sér getur aldrei
orðið grunnur að góðu hjónabandi,
en þó verð ég að játa að ég skil vel
þau sjónarmið sem liggja að baki
því að fólk velji þennan dag, að því
gefnu að allt annað sé í þokkalegu
lagi.
og sér í lagi held ég að
það geti komið mörgum karlmönn-
um til bjargar í framtíðinni að dag-
setning brúðkaupsins sé þess eðlis
að það sé auðvelt að muna hana.
Öfugt við þá kynbræður sína sem
þurfa að þola hinn nístandi refsi-
vönd þagnarinnar innan heimil-
is í hvert einasta skipti sem þeir
gleyma brúðkaupsafmælinu, geta
þeir sem kvænast í dag prísað sig
sæla. Karlmenn sem muna ekki
þessa dagsetningu eiga ekkert er-
indi í hjónaband.
dagsetning er líka þess
eðlis að hún myndi – ef pör eru á
annað borð þannig innstillt – sóma
sér ágætlega sem húðflúr. Þar með
yrði auðvitað gulltryggt – nema í til-
viki fordæmalausrar heimsku – að
karlmaðurinn gleymdi ekki brúð-
kaupsafmælinu. Í tilviki tveggja
karlmanna – ef mál hafa æxl-
ast þannig – þarf auðvitað ekki að
hafa mörg orð um það, í ljósi þess
sem hér hefur þegar verið reifað,
hversu heppilegt það er fyrir þá að
ganga í hjónaband í dag. Þó myndi
ég alltaf í slíkum tilvikum mæla
sterklega með húðflúri líka.
til skilnaðar kemur og húðflúr-
ið 070707 er til staðar er alltaf hægt
að bæta við einu núlli fyrir fram-
an og halda því fram að húðflúrið
sé til minningar um það að þann 7.
júlí 2007 hafi viðkomandi séð ein-
staklega skemmtilega mynd með
James Bond. Einnig er hægt að
bæta við einhverri tölu af handa-
hófi, eins og til dæmis tveimur, og
halda því fram að á ákveðnu tíma-
bili í lífinu hafi viðkomandi verið
fangi númer tuttugu, sjötíu, sjö-
hundruðogsjö.
að það eru margar leið-
ir í þessu. En auðvitað þarf fólk
ekki endilega að nota þennan dag –
sem svo fagurlega er tölulega sam-
ansettur af almættinu – til þess að
gifta sig. Það má gera margt annað.
Í dag hugsa kannski einhverjir að
gott sé að selja kvótann sinn úr
byggðarlaginu. Öðrum finnst þetta
góður dagur til þess að kaupa sér
þyrlu. En líklega finnst flestum
þetta bara ágætis dagur til þess að
fara í bíltúr, lesa bók eða vinna í
garðinum. Það má alltaf slá.
070707 ÚTSALA
5. júlí - 29. júlí