Fréttablaðið - 06.09.2007, Síða 29

Óli Hjörtur Ólafsson vílar ekki fyrir sér að
ganga í snjóþvegnum gallabuxum, enda segir
hann engann hafa mótmælt til þessa og nænt-
ís-peysan hans smellpassaði við innréttingar í
Sykurmolapartíi.
„Þessi peysa er þeim kostum gædd að lýsast stór-
fenglega upp þegar maður fer í „blacklight“ lýsingu,“
segir Óli Hjörtur Ólafsson, fráfarandi rekstrarstjóri
Q-bar og tískuáhugamaður með meiru, en peysuna
góðu keypti hann í Spúútnik þar sem hann vann
stundum í afleysingum.
„Ég nota hana reyndar ekki hversdags, heldur
meira svona við sérstök tilefni,“ segir hann og nefnir
í því samhengi Sykurmolatónleika sem haldnir voru í
Laugardalshöll síðasta vetur.
„Eftir tónleikana var mér boðið í sérstakt eftir-
partí og þegar ég kom þangað inn var einhver snill-
ingur búinn að skreyta rýmið í nákvæmlega þess-
um litum: Bleiku, grænu, gulu og svörtu. Ég varð
eins og hluti af innréttingunni og fólk hafði mig
grunaðan um að hafa planað þetta,“ segir hann
íbygginn og dregur auga í pung.
Spurður út í snjóþvegnu gallabuxurnar sem hann
klæðist nánast á hverjum degi segir hann engar
kvartanir hafa borist til þessa. „Allir vinir mínir
fíla þær rosalega vel og þá sér í lagi stelpurnar.
Stelpur eru vitlausar í snjóþvegnar gallabuxur,“
segir Óli og flissar, en gaman er að geta þess að Óli
Hjörtur er nú fluttur til Kaupmannahafnar þar sem
hann ætlar að ljá Dóru Takefusa starfskrafta sína á
hinum geysivinsæla „Íslendingabar“ Jolene.
Í snjóþvegnum buxum
og alveg með´etta!