Fréttablaðið - 06.09.2007, Blaðsíða 66

Hinn gríski Hómer kallaði perur gjöf
guðanna í Ódysseifskviðu sinni. Perur,
sem flestir borða beint úr ávaxtaskál
heimilisins, fara líka afar vel í mörgum
matréttum. Þær má hægelda í krydd-
uðu soði, og fara afar vel í eftirrétti í
þeirri birtingarmynd. Ferskar perur
smellpassa líka við ýmiss konar osta og
og hnetur. Tíminn ræður því hversu
mikið er færst í fang við framreiðslu
þeirra. Perur má til dæmis fylla með
osti, eða baka áður en osturinn kemur
til sögunnar. Hins vegar má líka bera
ferskar perusneiðar fram á brauði eða
kexi ásamt gorgonzola og pekanhnet-
um, geitaosti og möndum eða brie-osti
og heslihnetum, svo eitthvað sé nefnt. Þessar blöndur má líka nota í
skemmtileg salöt.
Ef perur eru keyptar harðar út úr búð er um að gera að skella
þeim í bréfpoka og bæta banana í hópinn. Það hraðar þroskunarferl-
inu svo þær nái að verða sætar og mjúkar í tæka tíð.
Gjöf guðanna
Þykir gellur ekki geðslegar
Prófaðu...
...að skipta einhverjum af
kaffibollum dagsins út
fyrir yljandi te.
Úrvalið er þvílíkt
að allir ættu að
geta fundið
eitthvað
gómsætt við
sitt hæfi, hvort
sem um ræðir
kamillute,
grænt te, chai
eða fjalla-
grasate.
Kvöldskólarnir fara nú flestir að kynna haustdagskrá sína, enda nám-
skeiðshald rétt að hefjast. Kvöldskóli Kópavogs er á meðal þeirra
sem bjóða upp á matreiðslunámskeið fyrir áhugafólk.
Á meðal þeirra námskeiða sem boðið verður upp á í ár er gerð
bauna-, pasta- og grænmet-
isrétta, námskeið í suðræn-
um réttum, hráfæði, matar-
gerð fyrir karlmenn og
námskeið í bökugerð. Þar
læra nemendur að gera
botna í hvers kyns bökur og
elda allt frá sjávarréttaböku
til eftirréttarböku.
Hverjir þeir sem hafa hug
á að sækja námskeið í mat-
argerð ættu því að drífa sig í
að kynna sér námskrár skól-
anna.
Námskeiðin hefjast
Veitingastaðurinn Domo efnir til
ostrudaga um helgina. Ragnar
Ómarsson, yfirkokkur á Domo,
sagði ætlunina vera að leyfa gest-
um að kynnast ostrum, sem teljast
ansi sjaldséðir hrafnar hér á landi.
„Við ætlum að gefa öllum eina
ostru. Það er mikil forvitni í kring-
um þennan mat, svo við viljum
leyfa fólki að smakka aðeins. Við
munum ganga um með svakalegan
bala og opna eina ostru fyrir þá
sem þora,“ útskýrði hann. „Við
verðum hins vegar líka með mis-
munandi vinaigrettur með, svo
fólk fái ekki bara sjóinn upp í sig,“
bætti hann við.
Ragnari innan handar verður
Alfreð Ómar Alfreðsson, mat-
reiðslumeistari og kokkalandsliðs-
maður. „Alfreð flytur ostrurnar
inn sjálfur og við fáum þær beint
frá Írlandi. Þetta getur ekki verið
ferskara,“ sagði Ragnar. Þeim
gestum sem kunna að meta ostr-
urnar býðst svo að panta disk með
fimm, sex eða tíu ostrum. „Svo
verðum við með fimm rétta mat-
seðil með smá ostruþema líka,
fyrir þá sem hafa áhuga,“ benti
Ragnar á.
Ostrudagarnir standa yfir á
föstudag og laugardag. Borðapant-
anabók Domo er óðum að fyllast
fyrir þá daga, svo þeir sem hafa
áhuga á ostrusmakki þurfa að vera
fljótir til. Aðrir þemadagar í haust
verða villibráðardagar, humardag-
ar og ástralskir dagar, áður en jóla-
hlaðborðatíðin gengur í garð.
Ostrudagar fyrir forvitna
Matthías Hemstock tónlist-
armaður hefur gaman af
framandi matargerð. Hann
eldar mið-austurlenskt fala-
fel í risaskömmtum.
„Ég hef aðallega áhuga á mat sem
kallaðist einhvern tímann „exot-
ískur“ hérna. Það er til dæmis taí-
lenskur matur, indverskur og mex-
íkóskur. Svo finnst mér
mið-austurlenskur matur líka
alveg rosalega fínn. Hann hentar
grænmetisætum líka mjög vel, það
er svo auðvelt að sleppa kjötinu í
honum,“ sagði Matthías, en hann
og fjölskylda hans borða aðallega
grænmetisfæði.
Á fimm manna heimili er í nógu
að snúast, og því grípur Matthías
oft til þess ráðs að elda stórar upp-
skriftir í einu og frysta afgangana.
„Fyrir utan falafelið geri ég stund-
um pottrétti með kúskús eða chilli
sin carne, úr baunum. Það dugar
alveg í þrjár máltíðir fyrir okkur,“
sagði hann.
Falafel-uppskriftin sem hann
lætur lesendum Fréttablaðsins í té
dugar því fyrir allt að tólf manns.
„Þetta er dálítil fyrirhöfn, af því að
maður þarf að djúpsteikja bollurn-
ar,“ sagði Matthías. Hann byrjar á
því að brúna kryddin á pönnu, en
segir lítið mál að nota duft í stað-
inn. Til að djúpsteikja bollurnar
þarf ekki annað en góða steikarp-
önnu og bragðlitla olíu. „Ég nota
wok-pönnu, og ég held að það þurfi
svona um fjóra sentímetra af olíu,“
útskýrði Matthías.
Í næstu viku leggur hann land
undir fót með Rússíbönunum. „Öll
næsta vika er undirlögð í Tónlist
fyrir alla á Vesturlandi. Við verð-
um sveimandi um sveitirnar á dag-
inn, þegar við heimsækjum skóla,
og svo spilum við fyrir fullorðna
fólkið á kvöldin. Þetta er alvöru
tónleikaferðalag,“ sagði Matthías
og hló við.
Kjúklingabaunir lagðar í bleyti
yfir nótt. Allt maukað í matvinnslu-
vél. Gott er að byrja á öllu nema
baununum, blandan svo sett í stóra
skál. Baunir maukaðar og blandað
vel saman við kryddblönduna, helst
í hrærivél. Cayenne-pipar má
sleppa til að milda réttinn.
Olía hituð við meðalháan hita þar
til byrjar að krauma vel í kringum
deigið. Bollur formaðar með tveim-
ur matskeiðum, settar beint í olíu.
Steikið eins margar og komast
fyrir. Steikið í 2-3 mínútur á hvorri
hlið.
Látið þorna aðeins á pappír eða
grind.
Berið fram með pítubrauði og
grænmeti, s.s. agúrkum, tómötum
og salatblöðum. Íslensk pítusósa,
sýrður rjómi, baba ghanoush og
chilliolía fer allt mjög vel með.
Falafel má frysta og hita svo upp
í ofni.