Fréttablaðið - 01.10.2007, Blaðsíða 6

Umdeilt er hvort
ókeypis dreifing á sprautunálum til
fíkla sé af hinu góða eða ekki. Fram
kom í Fréttablaðinu fyrir skömmu
að slíkar hugmyndir væru uppi til
að reyna að hindra hópsýkingar af
völdum blóðsmitandi sjúkdóma.
Sóttvarnaráð fundaði svo um málið
í síðustu viku.
Haraldur Briem, sóttvarna-
læknir hjá Landlæknisembættinu,
segir þessa aðferð umdeilda í
öðrum löndum. Meðal annars beri
á gagnrýni þess efnis að ókeypis
sprautunálar geti beinlínis verið
hvatning til fólks að sprauta sig. „A
lþjóðaheilbrigðisstofnunin mælir
með því að menn hugi að þessu. En
þá kemur þessi stóra spurning um
hvernig standa eigi að dreifing-
unni. Og þá verður minna um svör,“
segir Haraldur og bætir við að hér
á landi hafi verið sú stefna höfð að
hafa gott aðgengi að sprautunálum
í lyfjaverslunum.
„En síðan hafa menn viljað ganga
lengra og hafa þær enn aðgengi-
legri. Ég verð hins vegar að játa að
ég hef ekki getað komið auga á
neina einhlíta lausn á ókeypis
dreifingu.“
Að undanförnu hafa hópsýkingar
látið á sér kræla meðal sprautu-
fíkla, þar sem um er að ræða HIV-
smit samhliða lifrarbólgu B. „Það
furðulega er að gerast nú að þeir
sem greinast með HIV-smit
greinast samtímis með bráðalifrar-
bólgu B,“ segir Haraldur „Þetta
rennir stoðum undir að báðar þess-
ar veirur séu að ganga manna á
milli nú. Það má segja að um hóp-
sýkingu sé að ræða.“
Þeir sem smitast af lifrarbólgu B
verða veikir og gulir, að sögn sótt-
varnalæknis. Um 95 prósent fá
bata, en hjá fimm prósent sjúklinga
verður sjúkdómurinn „krónískur“,
sem getur þá verið ávísun á lifrar-
skemmdir og fleira.
Forsætisráðherra Íraks,
Nouri al-Maliki, segir að skipting
Íraks upp í svæði eftir trú og
þjóðerni yrði „stórslys“ en
tillaga þess efnis var lögð fyrir
efri deild Bandaríkjaþings í
síðustu viku.
Samkvæmt stjórnarskrá Íraks
mætti koma á fót sambandsríki í
Írak þar sem sjíar í suðri, kúrdar
í norðri og súnníar í vestri og
miðju landinu gætu sett upp
svæði með takmarkaðri sjálfs-
stjórn.
Deilur, aðallega um nýtingu
auðugra olíuauðlinda, hafa staðið
í vegi fyrir viðræðum um slíkt.
Skipting Íraks
yrði stórslys
Bandarísk stjórn-
völd hafa nú veitt fjórtán „mikil-
vægum“ föngum í Guantanamo-
fangabúðunum heimild til að fá
sér lögfræðing.
„Eins og allir aðrir fangar í
Guantanamo hafa mikilvægu
fangarnir einnig tækifæri til að
andmæla stöðu sinni sem óvin-
veittir bardagamenn,“ segir J.D.
Gordon, talsmaður bandaríska
varnarmálaráðuneytisins.
Meðal fanganna fjórtán er
Khalid Sheikh Mohammed, sem
sagður er hafa skipulagt árásirnar
á tvíburaturnana í New York
haustið 2001. Hvorki hann né hinir
fangarnir þrettán hafa til þessa
haft minnsta tækifæri til að leita
til lögmanna, hvorki eftir að þeir
voru fluttir til Guantanamo á
Kúbu fyrir ári síðan, né þau ár
sem bandaríska leyniþjónustan
CIA hafði þá með leynd í haldi.
Þeir höfðu þó allir svokallaðan
„persónulegan talsmann“ þegar
þeir mættu fyrir úrskurðarnefnd í
Guantanamo fyrr á árinu, þar sem
tekin var afstaða til þess hvort
þeir teldust „óvinveittir bardaga-
menn“ og ættu því samkvæmt
skilningi Bandaríkjamanna að
vera áfram í haldi í fangabúðun-
um á Kúbu um ótilgreindan tíma
og jafnframt verða dregnir fyrir
þá sérdómstóla hersins sem fjalla
um málefni fanganna þar.
Fyrst eftir að bandaríski herinn
setti á stofn fangabúðirnar við
Guantanamo-flóa var föngum
haldið þar án þess að nöfn þeirra
væru birt opinberlega. Þeir fengu
heldur ekki að hafa lögmenn sér til
fulltingis.
Með úrskurðum dómstóla hafa
þó orðið breytingar á þessu.
Meðal annars fengu fangarnir
fyrir tveimur árum rétt til að
leita til lögmanna. „Mikilvægu“
fangarnir fjórtán hafa hins vegar
til þessa ekki fengið þann rétt, en
nú hafa þeir fengið eyðublað í
hendur til að leita eftir lögmanns-
aðstoð vilji þeir andmæla því að
þeir teljist „óvinveittir bardaga-
menn“.
Samkvæmt bandaríska dag-
blaðinu Washington Post, sem
fyrst skýrði frá þessu í lok síð-
ustu viku, hafa bandarísk stjórn-
völd til þessa ekki viljað veita
þeim þennan rétt af ótta við að
lögmennirnir fái frá föngunum
fjórtán upplýsingar um yfir-
heyrsluaðferðir og leynifangelsi
CIA.
Fjórtán fangar fá
lögmannsaðstoð
„Mikilvægu“ fangarnir fjórtán, sem CIA hélt í leynifangelsum þangað til þeir
voru fluttir til Guantanamo fyrir ári, hafa nú fengið leyfi til að leita eftir lög-
mannsaðstoð eins og hinir fangarnir í Guantanamo höfðu á endanum fengið.
Gurbanguly
Berdimuhamedov, forseti
Túrkmenistans, bauð Ólafi Ragnari
Grímssyni, forseta Íslands, í
opinbera heimsókn, þegar þeir
hittust í Nýju Jórvík í síðstu viku.
Túrkmenistan liggur við
Kaspíahaf og sagði Ólafur að
Íslendingar gætu hugsanlega
aðstoðað Túrkmena við sjávar-
útvegsmál. Mögulega mætti koma
á sterkum viðskiptatengslum milli
landanna.
Ólafi boðið til
Túrkmenistans
„Hefurðu orðið var við að Íslendingar
beiti sér mikið til að rétta hjálparhönd hinni ofsóttu
þjóð Palestínumanna?“ spyr Jón Baldvin Hannibals-
son, fyrrum utanríkisráðherra.
Í Lesbók Morgunblaðsins um helgina varpar Jón
fram þeirri spurningu hvort Íslendingar geti verið
lengi í „varnarbandalagi við heimsveldið [Bandarík-
in]“.
Jón var staddur erlendis þegar Fréttablaðið náði tali
af honum í gær. Hann sagðist þá ekki hvetja til
úrsagnar úr NATO, „ekki að svo stöddu“: „Ég er að vísa
til þess að við eigum að beita okkur meira innan NATO.
Aðildin er partur af okkar öryggisstefnu en við eigum
ekki að vera þar þegjandi þátttakendur.
Við höfum áður veitt kúguðum lið, til dæmis
Eystrasaltsþjóðum og Króötum, og það var NATO-
þjóðin Ísland sem gerði það, þrátt fyrir að það væri
ekki ríkjandi skoðun alþjóðasamfélagsins á þeim tíma.“
Ingibjörg Sólrún Gísladóttir utanríkisráðherra
heimsótti Palestínu á dögunum og ræddi við þá
leiðtoga landsins sem eiga í viðræðum við Ísraels-
menn. Hún ræddi ekki við leiðtoga stærsta stjórn-
málaflokksins, Hamas.
Ísland beiti sér meira í NATO
Á að fella niður allt veiðigjald?
Hefurðu séð kvikmyndina
Börn?