Fréttablaðið - 01.10.2007, Blaðsíða 41

Hafnfirska hljómsveitin Jakob-
ínarína fær mjög góða dóma fyrir
plötu sína, The Last Crusade, hjá
breska tónlistartímaritinu NME.
Alls fær sveitin átta í einkunn af
tíu mögulegum, sem er vitaskuld
prýðilegur árangur, sérstaklega
miðað við að platan er sú fyrsta
frá strákunum.
„Þetta eru tólf ótrúlega kraft-
mikil pönk-popplög með öflugum
trommum og gítarleik sem hljóm-
ar eins og Johnny Marr [gítar-
leikari The Smiths] hafi verið
eltur af óðum hundum, auk þess
sem Gunnar syngur beint úr
iðrum sér um líf ungmenna,“
segir í umsögninnni. Þar er einn-
ig talað um að lagið Monday I´m
In Vain sé það besta á plötunni,
en það kemur út á mánudag.
Breska tónlistartímaritið Art-
rocker er einnig hæstánægt með
plötuna. Þar segir að aldrei áður
hafi ungmenni átt jafnstóran
þátt í að umbreyta hinu svokall-
aða viðkvæma öryggi indírokks-
ins. „Með því að vera laus við öll
gildi í samfélaginu sem er jafn-
an þröngvað upp á okkur, sýnir
Jakobínarína að hún er sér á
báti. Þessi plata er algjörlega
nauðsynleg,“ segir gagnrýnand-
inn.
Bretar í skýjunum
Umslag þriðju plötu Sigur
Rósar, Ágætis byrjun, hefur
verið valið ellefta flottasta
plötuumslag sögunnar af
tónlistarsíðunni Gigwise.
com.
„Það er kannski við hæfi að hljóm-
sveit sem tjáir sig á undarlegu
tungumáli sem 99,9 prósent okkar
skilja ekki geti búið til plötuumslög
sem eru álíka ótrúleg,“ sagði á síð-
unni um umslag plötunnar, en
Gotti Bernhöft teiknaði veruna
sem þar er að finna.
Í efsta sæti á listanum er plata
Nirvana, Nevermind, í öðru er
Very ´Eavy, Very ´Umble með
Uriah Heep og í því þriðja er
Never Mind the Bollocks með The
Sex Pistols. Fyrir ofan Sigur Rós
eru einnig plötur á borð við Abbey
Road með Bítlunum, Is This It með
The Strokes og The Velvet Under-
ground & Nico með samnefndum
listamönnum, en Andy Warhol
hannaði umslag hennar.
Fyrir neðan Sigur Rós á listanum
eru heimsfræg umslög við plöturn-
ar Sgt. Pepper´s Lonely Hearts
Club Band með Bítlunum, The Dark
Side of the Moon með Pink Floyd og
Sticky Fingers með The Rolling
Stones. Alls voru fimmtíu umslög
tilnefnd á heimasíðunni.
Platan Ágætis byrjun kom út árið
1999 og kom Sigur Rós á kortið
bæði hér heima og erlendis.
Söngkonan Madonna, rappsveitin
Beastie Boys, Leonard Cohen og
John Mellencamp eru á meðal níu
flytjenda sem hafa verið tilnefnd-
ir í Frægðarhöll rokksins.
Þeir fimm sem fá flest atkvæði
verða vígðir inn í höllina þann 10.
mars við hátíðlega athöfn í New
York. Talið er mjög líklegt að
Madonna verði einn hinna
útvöldu, enda á hún langan og
farsælan feril að baki sem hófst í
byrjun níunda áratugarins. Náði
hún alls sautján lögum á topp-tíu
vinsældarlistann í Bandaríkjun-
um á níunda áratugnum.
Tilnefnd í
Frægðarhöll
Bono, söngvari
U2, segist hafa
sofið illa eftir að
hafa séð myndir
frá nýlegum
ofbeldisverkum
í Myanmar.
Óskar hann þess
innilega að
lýðræði komist
á í landinu.
„Ég svaf illa
og er viss um að
þeir sem sáu
þetta líka hafi
einnig sofið
illa,“ sagði
Bono. „Hversu langt eiga þeir að fá
að ganga?“
Bono, sem er 47 ára, hitti nýverið
Aung San Suu Kyi, leiðtoga
stjórnarandstöðuflokksins National
League í Myanmar. „U2 samdi
meira að segja lagið Walk On fyrir
hana,“ sagði Bono. „Bæði Gordon
Brown og George Bush hafa sýnt
áhuga á málinu. Allir ættu að vona
það besta og fara með bænir fyrir
mótmælendurna.“
Ósáttur við
ofbeldisverk