Fréttablaðið - 13.10.2007, Qupperneq 31

Hann er smár og knár Smart Roadster-bíllinn
hans Péters Szklenár. Svo er hann líka geysilega
sparneytinn.
„Mig hefur alltaf langað í tveggja manna bíl og Smart-
týpan hefur heillað mig frá því ég sá hana fyrst en hún
er frekar sjaldgæf hér á Íslandi. Ég keypti bílinn í
sumar, hann er af árgerð 2003 og hefur alveg staðist
mínar væntingar,“ segir Péter þegar hann er yfir-
heyrður aðeins um bílinn sinn. Segir hann framleidd-
an hjá Bens í Þýskalandi og inntur eftir verði svarar
hann. „Smart er ekki dýr bíll miðað við til dæmis BMV.
Ég held að miðað sé við að sem flestir geti keypt þá.“
Péter er á öðru ári í viðskiptafræði í Háskóla Íslands.
Hann er ungverskur að uppruna en hefur átt heima
hér á landi í tíu ár og talar málið lýtalaust. Hingað til
hefur hann aðallega sportað sig á Smartinum á götum
borgarinnar og lengstu ferðir eru í Borgarnes og
Keflavík. Hann segir bílinn vekja meiri athygli en
hann hafi búist við. „Ég segi ekki að allir snúi sér við
en ég hef verið stoppaður af og til og spurður út í bif-
reiðina. Það kom mér á óvart.“
Spurður nánar um eiginleika bílsins kveðst Péter
ekki hafa mikið vit á tækniatriðum. „Ég veit bara að
hann eyðir mjög litlu og það er mikill kostur,“ segir
hann. „Framleiðandinn gefur upp 5,1 lítra eyðslu á 100
kílómetra og ég er því svikinn um að fá að leggja
ókeypis í miðborg Reykjavíkur því þar er 5 lítra
hámark. Mér finnst það frekar fúlt því bíllinn minn
tekur varla neitt pláss. Ég er stundum í mestu vand-
ræðum með að finna hann á stórum bílastæðum innan
um fjallajeppana.“
Týnist á bílastæðunum
Aukin ökuréttindi
Næsta námskeið byrjar 22. ágúst
Upplýsingar og innritun í síma 567 0300
Meirapróf-
Nýlegir kennslubílar