Fréttablaðið - 02.11.2007, Page 56

BLS. 10 | sirkus | 2. NÓVEMBER 2007
HEITUSTU PIPARSVEINAR LANDSINS
PÉTUR JÓHANN SIGFÚSSON LEIKARI
Glaðlegi grínarinn Pétur Jóhann Sigfússon hefur ekki enn fundið
hina einu sönnu ást í lífinu. Sagt er að hláturinn lengi lífið og
eitt er víst að sú heppna mun lifa vel og lengi með Pétri. Pétur
hefur heldur betur slegið í gegn sem leikari og er nú tilnefndur
til Edduverðlaunanna fyrir stjörnuleik sinn í Næturvaktinni.
Pétur þykir afar heillandi og uppátækjasamur og er góður karl-
kostur fyrir hverja hláturmilda konu og hver veit nema að
hann bregði sér í líki villikattarins góðkunna á góðum degi,
eitt er víst að sá villiköttur inniheldur ekki margar
kaloríur.
VIGNIR SVAVARSSON HANDBOLTAMAÐUR
Hann er ekki bara handboltakappi heldur Hafnfirðingur
og golfari með meiru og hefur heillað marga stúlkuna
með töktum sínum innan vallar sem utan. Hann þykir
með eindæmum myndarlegur og ekki spilla breiðar karl-
mannlegar axlir fyrir honum. Vignir hefur mikla unun af
mat og matargerð og því gæti leiðin að hjartanu farið í
gegnum magann. Faðmur hans er efalaust einn af þeim
heitustu á landinu og sú kona sem mun krækja í hann verður
ekki svikinn enda toppleikmaður á ferð sem reikar einsamall
um enn sem komið er.
MAGNÚS GEIR ÞÓRÐARSON
LEIKHÚSSTJÓRI
Hann er búinn að sanna sig en hann var lengi ein
af vonarstjörnum íslensks leikhússlífs. Gárungar
segja hann næsta Borgarleikhússtjóra en það
verður tíminn að leiða í ljós. Eftir að Magnús
fluttist norður um heiðar hefur aðsókn í leikhúsið
þar margfaldast og þykir hann mikill kraftaverka-
maður í öllu því sem hann tekur sér fyrir hendur.
Svo spillir útlitið ekki fyrir honum. Sú kona sem
mun vinna hug og hjarta leikhússtjórans mun eiga
blómlegt og fagurt leiksvið fyrir höndum í fram-
tíðinni.
GUÐMUNDUR ARNARSSON,
RITSTJÓRI GOLFBLAÐSINS
Hann hefur ekki slegið hina einu réttu holu í lífinu
enn þá en hefur sveiflu sem leynist engum þeim
sem til hans þekkja. Hann þykir hrókur alls
fagnaðar á mannamótum og vinirnir sogast að
honum. Guðmundur er ekki bara fjallmyndarlegur
heldur er hann með höfuðið rétt skrúfað á þegar
kemur að húmor og orðheppni. Þeirri sem krækir
í Guðmund ætti ekki að leiðast eina mínútu.
KARL SIGURÐSSON BAGGALÚTUR
Baggalúturinn glaðhýri, Karl Sigurðsson, eða
Kalli eins og hann er kallaður, hefur boðað
alla íslensku þjóðina með sér í gamlárspartí
við miklar vinsældir án þess þó að rekast á
yngismey sem hann hefur viljað fagna með
næstu 30 áramótum eða svo. Ómþýð rödd
hans og glaðleg augun bræða hverja þá
konu sem kynnist Baggalútnum síkáta og
ætti hann að geta sungið sig inn í hjarta
hverrar tengdamóður án þess að blikna.
GUÐJÓN MÁR GUÐJÓNSSON
ATHAFNAMAÐUR
Galdrakarlinn oftast kenndur við Oz hefur ekki framið
ástargaldurinn í lífinu. Hann hefur hins vegar náð langt
í tölvubransanum og hefur heldur betur rétt úr kútnum
eftir að Oz-ævintýrið leið undir lok. Guðjón festi kaup á
Næpunni í Þingholtunum fyrir nokkrum misserum,
sem endurspeglar fágaðan smekk hans og næmt auga.
Galdrahöllin þykir eitt fegursta hús Reykjavíkur og ætti
að rýma mikið af ást.
JÓN ARNÓR STEFÁNSSON KÖRFUBOLTA-
MAÐUR
Körfuknattleikskappinn Jón Arnór Stefánsson er talinn einn
af efnilegustu íþróttamönnum sem Ísland hefur getið af sér.
Jón Arnór hefur sagt skilið við Ameríkuna og NBA-deildina og
leikur nú körfuna í mekka Húlíóanna, Róm á Ítalíu, þar sem
hann gefur hinum súkkulaðibrúnu sísætu töffurum ekkert
eftir. Kappinn þykir svo heillandi og myndarlegur að stúlkur
hafa sett mynd af piltinum á desktoppið hjá sér og sumar
hverjar hafa sofið með mynd af honum undir koddanum.
FJÖLNIR ÞORGEIRSSON ATHAFNAMAÐUR
Hestamaðurinn Fjölnir Þorgeirsson er sannur íslenskur
víkingur. Hann hefur marga fjöruna sopið þegar kemur að
kvennamálum og þekkir kvenmannshjartað af dýpstu
raun. Fjölnir þykir herramaður af guðs náð og ekki spillir
karlmannlegur vöxtur hans, sem lætur hverja konu kikna í
hnjánum. Á meðan Fjölnir riddari þeytist um á hvíta
hestinum einsamall ætti engin kona að örvænta.
ORRI HAUKSSON
FRAMKVÆMDASTJÓRI
Framkvæmdastjórinn Orri Hauksson kemur
ár sinni vel fyrir borð hvar sem hann stígur
fæti. Hann var á sínum tíma aðstoðar-
maður forsætisráðherra í tíð Davíðs
Oddssonar og er fyrrverandi fram-
kvæmdastjóri Símans og er nú eigandi
Tæknivara. Orri þykir einstaklega vel
gefinn og kemur vel fyrir sig orði. Hann
er mikill aðdáandi hljómsveitarinnar
Duran Duran og því gæti hliðartagl og
snefill af 80‘s stemningu hitt Orra beint í
hjartastað.
Það þýðir ekkert
fyrir kvenpeninginn að
kvarta yfir dræmu úrvali
á markaðnum. Sirkus tók
saman heitustu pipar-
sveinana og eins og
listinn sýnir þá eru
engar smámurtur
í boði heldur
stórlaxar..