Fréttablaðið - 05.11.2007, Qupperneq 2

Friðrik, var Davíð fræ / sem
fékk þann dóm / að falla í
jörð / en verða aldrei blóm?
Tveir piltar undir
lögaldri voru stöðvaðir af
lögreglu við Þverás í Reykjavík
um þrjúleytið aðfaranótt
sunnudags.
Piltarnir höfðu bakkað á
kyrrstæðan bíl og við athugun
lögreglu kom í ljós að í bíl
þeirra var mikið magn áfengis.
Viðurkenndu þeir að hafa ætlað
að selja það ungu fólki í miðbæ
Reykjavíkur.
Lögreglan lagði hald á
áfengið. Drengirnir voru fluttir
á lögreglustöð þar sem haft var
samband við foreldra þeirra
sem því næst komu og sóttu
börn sín.
Foreldrar sóttu
unga sprúttsala
Eigendur tveggja jarða
við bakka Þjórsár hafa slitið við-
ræðum við Landsvirkjun. Þeir
segja tilgangslaust að reyna að
semja við fyrirtækið, og saka það
um að beita landeigendur þrýst-
ingi við undirbúning virkjana í
Þjórsá. Landsvirkjun hafnar þess-
um ásökunum alfarið.
„Þó að Landsvirkjun segist vera
að semja við landeigendur eru þeir
að gera það með afarkostum,“
segir Guðbjörg Friðriksdóttir. Hún
á hluta af jörðinni Haga í Skeiða-
og Gnúpverjahreppi og hefur verið
með sumarhús þar í um áratug.
„Það er í raun verið að snúa upp
á handleggina á landeigendum. Ef
þeir semja ekki verður landið tekið
af þeim, því Landsvirkjun á vatns-
réttindin eftir því sem þeir segja,“
segir Guðbjörg.
Lögmaður sumarhúsaeigend-
anna hefur sent Landsvirkjun bréf
þar sem fram kemur að þeir legg-
ist alfarið gegn fyrirhuguðum
virkjunarframkvæmdum við
Þjórsá og mótmæla harðlega
áformuðum skerðingum á lóðum
þeirra vegna framkvæmda.
Guðbjörg segir að hún og aðrir
sumarhúsaeigendur á svæðinu
hafi átt einn fund með fulltrúum
Landsvirkjunar.
„Það er alveg gagnslaust að vera
á fundum með þessum mönnum,
þeir hlusta ekki á það sem aðrir
segja. Þeir gera bara nákvæmlega
það sem þeir vilja. Þeir sýndu
okkur það sem þeir ætla að gera,
við vorum einskis spurð,“ segir
Guðbjörg.
Eftir fundinn ákváðu tveir af
fjórum eigendum sumarhúsa og
lóða nærri þar sem áformað er að
reisa Hvammsvirkjun að hafna
fyrirhuguðum framkvæmdum,
sem og frekari fundum með full-
trúum Landsvirkjunar.
Snúið upp á hand-
leggi landeigenda
Eigendur jarða við bakka Þjórsár segja tilgangslaust að ræða við Landsvirkj-
un um virkjanir. Semja með afarkostum segir einn landeigenda. Þegar gerðar
breytingar á virkjunum að ósk landeigenda segir talsmaður Landsvirkjunar.
Nicolas Sarkozy Frakk-
landsforseti skrapp til Tsjad í
gærmorgun, átti fund með hinum
umdeilda Idriss Deby forseta og
hélt til baka síðar um daginn með
sjö af þeim sautján Evrópubúum
sem handteknir voru og sakaðir
um að hafa ætlað að ræna 103
börnum til ættleiðingar.
„Þeir eru frjálsir. Þetta er búið.
Þetta eru málalokin,“ sagði Jean-
Bernard Padare, lögmaður hinna
handteknu.
Hin sjö frjálsu eru þrír fransk-
ir fréttamenn og fjórar spænskar
flugfreyjur. Eftir sitja þó enn tíu
Evrópubúar í fangelsi í Tsjad.
Fólkið var handtekið 25. októb-
er þegar mannúðarsamtökin
L‘Arche de Zoé urðu uppvís að
því að ætla að flytja 103 börn frá
Tsjad til Evrópu án leyfis. Sam-
tökin sögðu börnin vera frá hinu
stríðshrjáða Darfúr-héraði og
þeim yrði komið fyrir hjá fjöl-
skyldum í Evrópu. Þegar rætt
var við börnin kom hins vegar í
ljós að flest þeirra höfðu búið hjá
foreldrum sínum í þorpum
skammt frá landamærum Súd-
ans.
Þetta er í annað sinn frá því
Sarkozy komst til valda í vor sem
hann blandar sér í deilur um
afdrif evrópskra fanga í Afríku.
Þeir sem enn sitja í fangelsi eru
starfsmenn hjálparsamtakanna,
þar á meðal sex Frakkar.
Lögreglan á Grænlandi
hefur stefnt danskri konu eftir að
afi í bænum Qaanaaq kærði hana
fyrir ærumeiðingar.
Karen Littauer stýrði verkefni á
vegum samtakanna Red Barnet í
bænum Qaanaaq. Þegar hún sneri
heim til Danmerkur sagði hún frá
skelfilegum aðstæðum sem mörg
börn þar byggju við. Þar á meðal
var ungbarn með heilahimnubólgu.
Afi þess kom því undir læknis-
hendur að sögn vegna þess að
foreldrarnir stóðu ekki í fæturna
vegna drykkju. Þar sem Qaanaaq
er lítið samfélag telur afinn að
hægt sé að þekkja fjölskyldu hans
af lýsingunni og því hafi Littauer
vegið að æru hennar.
Kærir Dana fyr-
ir ærumeiðingu
Met verður líklega
slegið í Belgíu nú á miðvikudaginn,
nema sigurvegurum þingkosning-
anna í sumar takist að koma sér
saman um ríkisstjórn fyrir þann
tíma. Aldrei fyrr hefur landið
nefnilega verið án ríkisstjórnar í
meira en 150 daga. Yves Leterme,
leiðtoga Kristilegra demókrata,
hefur ekki enn tekist að ná
samkomulagi við Frjálslynda
flokkinn um stjórnarsáttmála, þótt
reynt hafi verið af miklum krafti.
Flokkarnir deila enn efnahags-
mál, aukna sjálfstjórn handa
Flandri og Vallóníu, og kjördæma-
skiptingu í Brussel.
Metið verður
slegið í vikunni
Íslensk skip
veiddu 18.928 tonn af norsk-
íslenskri síld í september
síðastliðnum, samkvæmt
upplýsingum Fiskistofu. Rúmlega
9.715 tonn voru veidd á norsku
hafsvæði, 2.558 tonn á íslensku
hafsvæði og 5.119 tonn á alþjóð-
legu hafsvæði. Alls hafa verið
veidd 134.014 tonn af norsk-
íslenskri síld það sem af er árinu,
þar af 106.760 tonn á íslensku
hafsvæði eða um 80 prósent
aflans.
Íslensk skip veiddu í sama
mánuði 1.669 tonn af úthafskarfa.
Mest af aflanum fékkst á
alþjóðlegu hafsvæði eða 1.305
tonn. Heildarafli íslenskra skipa
er nú 19.199 tonn sem er litlu
minna en í fyrra. Í september
veiddust um 443 tonn af makríl
og 769 tonn af kolmunna.
Mest veitt í ís-
lenskri lögsögu
„Við höfum verið að byggja upp
heilbrigðiskerfi og styðja við skóla. Þarna er verið
að byggja upp þessa innviði samfélagsins,“ segir
Sighvatur Björgvinsson, framkvæmdastjóri
Þróunarsamvinnustofnunar Íslands. „Við afhend-
um aldrei peninga beint yfir borðið.“
Í viðtali í Fréttablaðinu í gær sögðu Sigríður
Snæbjörnsdóttir og Sigurður Guðmundsson frá
reynslu sinni í þróunarverkefni í Malaví. Þau
gagnrýndu að vestræn ríki dældu peningum til
Afríku án árangurs.
Sighvatur tekur undir það sjónarmið. „Við erum
ekkert að afhenda spilltum stjórnvöldum peninga.
Það er ekki okkar háttur,“ segir Sighvatur. „Við
höfum óháðar úttektir á öllum okkar verkum,
hvort það hafi tekist vel eða illa. Þessar úttektir
hafa yfirleitt komið mjög vel út.“
ÞSSÍ rekur þróunarverkefni í sex löndum í
Afríku, Asíu og Mið-Ameríku. Stofnunin fer með
um 35 prósent af allri opinberri þróunaraðstoð
Íslendinga.
„Við höfum gert talsvert af því að byggja upp
gæðamál varðandi útflutningsafurðir eins og
fisk,“ segir Sighvatur. „Við viljum tryggja að
þessar vörur þróunarríkjanna komist á markaði,
til dæmis í Evrópusambandinu. Þau eiga að fá
sama markaðsaðgang og við njótum.“
Afhenda aldrei peninga beint