Fréttablaðið - 05.11.2007, Side 13

Dick Cheney,
varaforseti Bandaríkjanna, hefur
viðurkennt opinberlega að honum
svipi til Darth Vader, illmennisins
úr Stjörnustríðsmyndunum.
„Ég hef verið spurður hvort
þetta viðurnefni angri mig,“ sagði
varaforsetinn í ræðu nýverið.
„Svarið er nei. Darth Vader er eitt
af því skásta sem ég hef verið
kallaður undanfarið.“
„Ég spurði varaforsetann hvaða
búningi hann ætlaði að klæðast á
hrekkjavöku í ár,“ sagði George
Bush Bandaríkjaforseti á fundi á
dögunum. „Hann sagðist þegar
vera í honum. Svo muldraði hann
eitthvað um myrku hlið máttar-
ins.“
Bush uppnefnir
varaforsetann
Lögmenn sem starfa
hjá fyrirtækjum og félagasam-
tökum eru 34 prósent starfandi
lögmanna. Um 38 prósent þessara
lögmanna starfa hjá hinu opin-
bera en meirihlutinn, 62 prósent,
er hjá fyrirtækjum og félaga-
samtökum. Af þeim eru lang-
flestir hjá fjármálafyrirtækjum.
Þetta kemur fram í Lögmanna-
blaðinu.
Hlutfallslega fleiri konur en
karlar starfa hjá opinberum
aðilum en jafnari skipting er
innan fjármálafyrirtækja. Um
þriðjungur kvenna á aldrinum 30-
39 ára, eru framkvæmdastjórar
eða forstöðumenn en 36,4 prósent
karla. Konur eru oftar deildar-
stjórar eða yfirlögfræðingar en
karlar. „Samkvæmt því eru konur
í yngri aldurshópunum að vinna
á,“ segir Hrafnhildur Stefáns-
dóttir lögmaður í blaðinu.
Ungu konurnar
eru að vinna á
Borgarráð hefur samþykkt kaup
á einkahlutafélaginu Austurstræti 22 ehf. og
eignast þar með byggingarrétt við Austur-
stræti 22. Eignin fer því úr eigu afkomenda
Haraldar sem rak Haraldarbúð á fyrri hluta
síðustu aldar.
Eigendur skemmtistaðarins Pravda lýstu á
sínum tíma áhuga á að halda rekstri áfram í
húsinu.
„Niðurstaðan varð sú að húsið er ónýtt og
leigusamningur því úr gildi fallinn,“ segir
Kristbjörg Stephensen borgarlögmaður.
Eignamiðlun mat verðmæti byggingarrétt-
arins á 170 milljónir króna. Umsamið kaup-
verð er 263 milljónir króna en með kaupunum
fylgja vátryggingabætur að fjárhæð 95
milljónir. Nettókaupverð fyrir byggingarrétt
á lóðinni er því 168 milljónir.
Kristbjörg segir samninginn um Austur-
stræti hafa verið forgangsverkefni og að ekki
hafi verið tekin ákvörðun um hvort nauðsyn-
legt sé að borgin eignist Lækjargötu 2, en þær
hugmyndir sem komið hafi fram um uppbygg-
ingu hússins séu í samræmi við hugmyndir
borgarinnar.
Á borgarráðsfundi lagði borgarstjóri fram
erindisbréf um skipun stýrihóps vegna
uppbyggingar í Kvosinni. Hópnum er gert að
þróa frekar skipulagshugmyndir í Kvosinni og
kanna kosti þess að stofnað verði þróunarfé-
lag um framkvæmd og framvindu verkefnis-
ins að hluta til eða í heild.
Úr eigu afkomenda Haraldar í Haraldarbúð
39 ára gamall breskur
maður kom í leitirnar í vikunni,
daginn eftir að fjölskylda hans
taldi sig hafa verið viðstadda
líkbrennslu hans.
Í október fann lögreglan í
Nottingham lík óþekkts manns.
Starfsmaður á nærliggjandi geð-
sjúkraheimili taldi þetta vera
mann sem hún hafði annast
seinustu sex mánuðina. Var því
haft samband við fjölskyldu
mannsins, líkið brennt í lík-
brennsluofni og útför haldin.
Daginn eftir fann lögreglan
manninn sprelllifandi og
misskilningurinn kom í ljós.
Birtist lifandi
eftir líkbrennslu