Fréttablaðið - 05.11.2007, Side 42

T
B
W
A
\R
E
Y
K
JA
V
ÍK
\
S
ÍA
-
9
0
7
1
3
4
2
Bikarkeppni karla í handb.:
Áskorendakeppni Evrópu:
Ragna Ingólfsdóttir,
margfaldur Íslandsmeistari í
badminton, sigraði í einliðaleik á
Opna ungverska badmintonmót-
inu sem fram fór í Búdapest í
gær. Ragna vann svissnesku
stelpuna Jeaninie Cicognii 21-13
og 21-18 í úrslitaleiknum og segja
má að sigur Rögnu sé góður
áfangi á leið hennar til að vinna
sér þátttökurétt á Ólympíuleikun-
um.
Vann mót í
Ungverjalandi
Barcelona lenti ekki í
teljandi vandræðum með Real
Betis í gær og vann, 3-0.
Thierry Henry kom Barca yfir
um miðjan fyrri hálfleik og
Ronaldinho kláraði leikinn með
tveim glæsilegum mörkum beint
úr aukaspyrnu í síðari hálfleik.
Eiður Smári Guðjohnsen lék
síðustu sex mínúturnar í leiknum.
Glæsimörk hjá
Ronaldinho
Framarar lögðu Aftur-
eldingu örugglega, 30-21, í 16 liða
úrslitum Eimskipsbikars karla í
handbolta í gær. Þótt bikarleikur
hafi hann heitið var enga bikar-
stemningu að finna í húsinu.
Aftureldingarmenn komu mjög
vel stemmdir til leiks og spiluðu
virkilega sterka vörn á upphafs-
mínútunum. Þeir voru búnir að ná
þremur hraðaupphlaupum og
skora úr tveimur þeirra áður en
Framarar svo mikið sem náðu
skoti á markið.
Safamýrarpiltar sneru þá tafl-
inu við, skoruðu sex mörk í röð og
breyttu stöðunni í 6-2. Mestur var
munurinn fimm mörk í fyrri hálf-
leik en góður kafli frá Aftureld-
ingu undir lok hans gerði þeim
kleift að minnka muninn í tvö
mörk í hálfleik, 14-12.
Framarar skoruðu tvö fyrstu
mörk seinni hálfleiks og litu aldrei
til baka. Þeir juku við forskotið
jafnt og þétt með Guðjón Drengs-
son í fararbroddi en hann skoraði
7 mörk, mörg hver á einkar glæsi-
legan hátt. Mörk hans voru það
eina fallega sem sást í leiknum
sem var ekki mikið fyrir augað.
Leikmenn beggja liða virtust illa
stemmdir í leiknum sem var langt
frá því að líkjast einhverju sem á
að heita bikarleikur.
Eini ljósi punktur leiksins, Guð-
jón Drengsson, sagði þetta ekki
hafa verið jafn auðvelt og tölurnar
gáfu til kynna um. „Þetta var ekki
auðvelt. Við vorum að lenda í erf-
iðleikum í fyrri hálfleik þar sem
Afturelding náði að minnka mun-
inn í tvö mörk. Þá spýttum við
aftur í lófana og ákváðum að gera
þetta almennilega sem og tókst,“
sagði Guðjón við Fréttablaðið eftir
leik.
Bjarki Sigurðsson, þjálfari Aft-
ureldingar, sagði sína menn hafa
brotlent. „Mér fannst hvorugt liðið
tilbúið í þennan leik og dapurt af
okkar hálfu að nýta það ekki,“
sagði Bjarki. „Þegar við náðum
ekki að nýta okkur það í seinni
hálfleik þegar Framararnir voru
byrjaðir að brotna þá eiginlega
brotlentum við sjálfir.“
Öruggur Framsigur í tilþrifalitlum bikarleik
Bikarmeistarar Stjörn-
unnar nældu sér í farseðil í átta
liða úrslit Eimskipsbikarsins í gær
þegar liðið lagði HK, 24-23, í mikl-
um baráttuleik í Mýrinni í gær.
Handboltinn sem liðin buðu upp á
var ekki merkilegur en leikurinn
var hnífjafn og spennandi allt til
enda. Bæði lið tókust hraustlega á,
drengilega sem ódrengilega, og
leikurinn var alvöru bikarleikur.
Liðin héldust í hendur nánast
allan fyrri hálfleikinn og aðeins
munaði tveim mörkum á liðunum í
leikhléi, 13-11. Lítið skorað enda
var sóknarleikur liðanna glæp-
samlega slakur. Hann var hægur,
tilviljanakenndur og leikmenn
gerðu sig seka um slæm mistök
hvað eftir annað.
Sama var upp á teningnum í síð-
ari hálfleik og það var ekki fyrr en
rúmlega tíu mínútur lifðu leiks
sem Stjarnan náði þriggja marka
forskoti, 19-16, en það var mesti
munurinn á liðunum allan leikinn.
Reyndar var það mjög slakt af
Stjörnunni að vera ekki búið að
slátra leiknum en Petkevicius
varði ekki skot í seinni hálfleik
fyrr en fimm mínútur lifðu leiks
og lykilleikmenn á borð við Straz-
das og Eitutis voru í tómu rugli.
Strazdas vaknaði undir lokin, skor-
aði fjögur mörk í röð á meðan Pet-
kevicius varði sín einu fjögur skot
í síðari hálfleik.
HK fékk nokkur tækifæri til að
jafna undir lokin en klúðraði þeim
öllum. Það var reyndar furðulegt
að Eitutis skyldi taka lykilskot
undir lokin þegar Strazdas var
sjóðheitur.
Ragnar Njálsson tók síðasta
skotið úr aukakasti en það fór rétt
yfir markið og Stjörnumenn fögn-
uðu hreint ógurlega. Leikmenn
HK voru svekktir og tóku gremju
sína út á góðum dómurum leiks-
ins, Antoni Gylfa Pálssyni og
Hlyni Leifssyni.
„Þetta var fulltæpt fyrir minn
smekk en svona er bikarkeppnin,“
sagði brosmildur þjálfari Stjörn-
unnar, Kristján Halldórsson.
„Menn tókust vel á, kjaftshögg og
rifrildi milli þjálfara. Það fylgir
þessu. Reyndar er Patti alger snill-
ingur í að æsa menn upp. Það var
gaman að þessu,“ sagði Kristján
kíminn en hann sagðist alls ekki
hafa verið nógu ánægður með leik
sinna manna en sigur væri það
eina sem skipti máli í bikar.
Það er óhætt að segja að kappið hafi borið fegurðina ofurliði í leik Stjörnunnar
og HK í Eimskipsbikarnum í gær. Fallegur handbolti þurfti að víkja fyrir alvöru
bikarbaráttu og slagsmálum sem endaði með eins marks sigri Stjörnunnar.