Fréttablaðið - 15.11.2007, Side 35

Það er að verða eins árviss viðburður hér í landi í nóvember og Bea-
ujolais nouveau-rauðvínið að H&M sendi frá sér tískulínu hannaða
af einhverjum af frægustu tískuhönnuðum heims. Á eftir Karl Lag-
erfeld, Stellu McCartney og Viktor og Rolf er röðin komin að ítalska
hönnuðinum Roberto Cavalli. Cavalli sem er 66 ára stendur í stór-
ræðum en hann opnaði nýlega tískuhús á Avenue Montaigne, dýrustu
götu Parísar. Þótt vissulega sé ekki sami æsingurinn í gangi eins og
fyrir þremur árum þegar tískulína Karls Lagerfeld kom í búðir
H&M og viðskiptavinir biðu í röðum fyrir utan og slógust um flík-
urnar, þá var vissulega líf í tuskunum hjá H&M á fimmtudaginn. Á
laugardagskvöld var ekkert eftir frá Cavalli nema hlébarðamun-
straðar sokkabuxur. Kannski borgarbúar hafi notað síðasta tæki-
færið til að gleyma daglegu hugarangri og verslað, því frá því á
þriðjudagskvöld eru almenningssamgöngur lamaðar í borginni og
flestir hafa um annað að hugsa en tískuna.
Roberto Cavalli er einn þeirra ítölsku hönnuða sem eru uppteknir
af „bimbó-stílnum“ líkt og Dolce & Gabbana og Versace, svo ein-
hverjir séu nefndir. Kjólarnir eru ermalausir og opnir niður að
brjóstum (niður að nafla liggur mér við að segja) gjarnan með dýra-
munstri, til dæmis hlébarða- og sebramynstri sem er sérkenni
Robertos Cavalli. Aðrir eru þaktir gylltum pallíettum. Með svörtum
buxum er boðið upp á ermalausa silfraða toppa. Karlarnir eru hins
vegar kappklæddir, meðal annars í smóking sem er tilvalinn fyrir
hátíðarnar sem eru á næsta leiti eða í hálfsíðri jakkapeysu með belti
úr grófu prjónaefni og skyrturnar eru svartar. Í herralínunni eru
tuttugu flíkur í boði en tuttugu og fimm í dömulínunni auk undirfata
sem eiga að vera sexí fyrir jólin.
Verðið á tískulínu Cavallis hjá H&M er hærra en þekkst hefur til
þessa en kjólar Cavallis kosta upp í þrjú hundruð evrur og herra-
jakkar á um hundrað evrur. Hins vegar segja þeir sem vel þekkja til
að frágangur sé vandaðri en áður. Þannig vill fyrirtækið ekki aðeins
skapa sér tískulegri ímynd heldur um leið auka gæði vörunnar. Sést
hefur til viðskiptavina sem kaupa eins mikið og hægt er af tískuvör-
unum sem síðar eiga sjálfsagt eftir að sjást til sölu á netinu á marg-
földu verði, þannig geta þeir sem ekki náðu í eitthvað af góssinu
fengið í það minnsta eina flík.
H&M er í fullu fjöri á sextíu ára afmælisári sínu en verslanakeðj-
an, sem rekur 1.400 búðir í 28 löndum, velti 1.188 milljörðum evra á
síðasta ári og skilaði rúmlega 80 milljörðum evra í hagnað. Ekki að
undra að keðjan geti keypt sér eins og einn tískuhönnuð.