Fréttablaðið - 05.12.2007, Blaðsíða 6

6 5. desember 2007 MIÐVIKUDAGUR
Jólaóskir
MENNTUN Frammistaða nemenda
eftir landshlutum hefur breyst
milli ára, samkvæmt PISA 2006.
Nemendur á Vestfjörðum, Norð-
urlandi vestra og Norðurlandi
eystra sýna bestu frammistöð-
una. Nemendur í Reykjavík og
nágrenni sýna því ekki lengur
bestu frammistöðuna. Á Aust-
urlandi og í Reykjavík og
nágrenni hefur færni nemenda
hrakað síðustu sex árin og sér-
staklega er það áberandi í
lestri.
Sigurbjörn Marinósson, for-
stöðumaður Skólaskrifstofu
Austurlands, segir að það séu
mikil vonbrigði að sjá að aust-
firskum nemendum fari aftur
en erfitt sé að segja til um hvers
vegna það sé. „Fæst orð hafa
kannski minnsta ábyrgð til að
byrja með en við munum örugg-
lega skoða þetta. Skólarnir eru
sífellt að reyna að veita betri
þjónustu og við höfum staðið í
þeirri trú að við værum á réttri
leið,“ segir hann.
Gunnlaugur Sverrisson,
fræðslufulltrúi í Fjarðabyggð,
segir að niðurstaðan sé auðvitað
ekki góð og erfitt sé að koma
með skýringar. Í skólunum í
Fjarðabyggð séu að meðaltali
fleiri einstaklingar með les-
blindu en að landsmeðaltali og
það hafi kannski áhrif. Það skýri
þó ekki að lesskilningur fari
niður á við, hann ætti frekar að
standa í stað. Þá hafi erlendum
nemendum fjölgað hlutfallslega
mikið síðustu þrjú til fjögur
árin út af stóriðjuframkvæmd-
unum, einnig uppi á Héraði, og
það geti verið ein skýring. Þess-
ir nemendur þurfi auðvitað að
fá sinn tíma til að ná fótfestu.
- ghs
Frammistaða eftir landshlutum hefur breyst milli ára samkvæmt PISA:
Austfirðingum hrakar í lestri
MENNTUN Niðurstöður PISA 2006
sýna að fimmtán ára Íslendingar
eru fyrir neðan meðaltal OECD-
ríkjanna í náttúrufræði, lestri og
stærðfræði. Finnskir nemendur
koma best út úr könnuninni og eru
langhæstir, Svíar eru rétt fyrir ofan
meðaltal OECD og Danir rétt fyrir
neðan það. Íslendingar eru nokkru
fyrir neðan meðaltalið og Norð-
menn eru enn neðar.
Staða Íslands miðað við aðrar
þjóðir hefur versnað í þessari könn-
un miðað við könnunina árið 2000,
sérstaklega síðustu þrjú árin. Þeim
þjóðum hefur fjölgað sem standa
sig betur en Íslendingar, sérstak-
lega í lesskilningi. Íslenskum nem-
endum fer aftur í lesskilningi og
stærðfræði og vísbendingar eru
um að færni þeirra í náttúrufræði
fari minnkandi.
„Niðurstöðurnar valda mér
ákveðnum vonbrigðum. Íslenskt
menntakerfi er gott og þetta er
ekki áfellisdómur yfir því. Í ljósi
þeirrar áherslu sem við höfum lagt
á menntakerfið á síðustu fimmtán
árum hefði ég viljað sjá betri árang-
ur,“ segir Þorgerður Katrín Gunn-
arsdóttir menntamálaráðherra og
kveðst hafa mestar áhyggjur af les-
skilningi nemenda.
„Þar erum við greinilega að slaka
á. Við höfum verið að gera ýmislegt
til að efla lesskilning og lestrar-
kunnáttu en það er ekki nóg. Við
munum fara vel yfir niðurstöðurn-
ar en engin ástæða er til að taka
undir gagnrýni á PISA heldur nýta
okkur frekar þær niðurstöður til að
byggja upp skólakerfið okkar enn
frekar,“ segir Þorgerður Katrín.
Ráðherrann ætlar að grípa til
aðgerða. Fyrir utan það að efla
kennaramenntunina og fara yfir
kennsluhætti almennt verður eftir-
litshlutverk ráðuneytisins aukið,
reglulega verða gerðar úttektir og
mat á öllum skólastigum. Hugsan-
lega þarf að fara í átak en fyrst og
fremst verður að efla rannsóknir
og þróun á skólanum. Í næstu viku
verður sent bréf til sveitarfélag-
anna, kennaramenntunarstofnana,
Kennarasamband Íslands og for-
eldrasamtakanna og beðið um
umsögn og tillögur. Þá verður stað-
ið að málþingi og fundahaldi.
Gagnrýnt hefur verið hvernig
staðið er að PISA, meðal annars að
of mikið sé gert úr því hvernig
hvert land kemur út og að borin séu
saman meðaltöl. Þá hefur verið sett
spurningarmerki við það hvað sé
verið að mæla og hvort það skipti
máli sem mælt sé. Þetta kom fram í
Fréttablaðinu í gær.
ghs@frettabladid.is
Nemum fer aftur í
lestri og stærðfræði
Fimmtán ára unglingum fer aftur í lestri og stærðfræði og vísbendingar eru
um minnkandi færni í náttúrufræði. „Vonbrigði,“ segir menntamálaráðherra
og hefði viljað sjá betri árangur. Hún tekur ekki undir gagnrýni á PISA.
TEKUR EKKI UNDIR GAGNRÝNI Þorgerður Katrín Gunnarsdóttir menntamálaráðherra kynnti niðurstöður PISA 2006 ásamt Júlíusi
K. Björnssyni, forstöðumanni Námsmatsstofnunar, og starfsmönnum ráðuneytisins í gær. „Engin ástæða er til að taka undir gagn-
rýni á PISA,“ segir Þorgerður Katrín. Lengst til vinstri er Guðmundur Árnason ráðuneytisstjóri. FRÉTTABLAÐIÐ/PJETUR
LOFTSLAGSMÁL Íslensk stjórnvöld
leggja áherslu á að draga úr losun
iðnríkja á gróðurhúsalofttegundum
um 20 til 40 prósent fyrir árið 2020.
Þetta kom fram í máli Þórunnar
Sveinbjarnardóttur umhverfisráð-
herra á Alþingi í gær, þegar mark-
mið ríkisstjórnarinnar í loftslags-
málum voru kynnt.
Þessa dagana funda ríki heims í
Balí í Indónesíu um hvað taki við í
loftslagsmálum þegar Kyoto-bók-
unin fellur úr gildi áramótin 2012
og 2013. Þórunn sagði stjórnvöld
myndu leggja höfuðáherslu á að
ná samstöðu um nýtt samkomulag
sem fæli í sér skuldbindingar
fyrir öll helstu losunarríki heims.
Þingmenn Vinstri grænna lýstu
yfir mikilli óánægju með yfirlýs-
inguna. Steingrímur J. Sigfússon,
formaður flokksins, sagði að þar
væru hvergi að finna skuldbind-
ingar af hálfu Íslands um losun
gróðurhúsalofttegunda. Hann
kallaði yfirlýsinguna „silkium-
búðir utan um ekki neitt“, og
sagði að Ísland ætlaði sér að
sækja um áframhaldandi ef ekki
auknar undanþágur til losunar
gróðurhúsalofttegunda. „Enn sem
komið er virðist engin stefna í
reynd hafa verið mótuð og þetta
er einhver vandræðalegasta til-
raun til að breiða yfir það sem ég
hef lengi séð,“ sagði hann. - sþs
Stefna ríkisstjórnarinnar í loftslagsmálum var kynnt á Alþingi í gær:
Vilja koma böndum á losun iðnríkja ■ Samkomulag ríkja heims um annað skuldbindingartímabil
loftslagssamnings, eftir að Kyoto-
bókunin fellur úr gildi, taki mið af
tilmælum um að koma þurfi í veg
fyrir að hlýnun lofthjúps jarðar fari
yfir tvær gráður frá því sem var
fyrir upphaf iðnbyltingar.
■ Samkomulagið feli einnig í sér
að stærstu losendur í hópi þróun-
arlanda dragi úr vexti losunar.
■ Í samningaviðræðum sem fram
undan eru verði áfram byggt á
sveigjanleikaákvæðum Kyoto-
bókunarinnar, meðal annars til að
tryggja hagkvæmni aðgerða sem
draga eiga úr losun gróðurhúsa-
lofttegunda.
■ Ísland styðji einnig aðgerðir
sem miða að því að draga úr
eyðingu regnskóga.
HELSTU ÁHERSLUR
UMHVERFISRÁÐHERRA Kynnti markmið
ríkisstjórnarinnar í loftslagsmálum í gær.
FRÉTTABLAÐIÐ/ANTON
BANDARÍKIN, AP Óvissa er ríkjandi
í kapphlaupinu um forsetafram-
boð fyrir repúblikana í þeim
þremur ríkjum þar sem fyrstu
forkosningarnar fara fram. Í
skoðanakönnun-
um í Iowa, New
Hampshire og
S-Karolínu er
enginn með
afgerandi
forskot.
Það er Mitt
Romney, ekki
Rudy Giuliani,
sem annars
hefur mest fylgi meðal repúblik-
ana á landsvísu, sem hefur
forystu í New Hampshire. Í fyrri
forsetakosningum hefur það sýnt
sig vera mjög mikilvægt fyrir
frambjóðendur að koma vel út úr
fyrstu forkosningunum. - aa
Forsetaframboð repúblikana:
Enginn með
skýra forystu
MITT ROMNEY
Ert þú skráð(ur) á Facebook
eða MySpace?
Já 30%
Nei 70%
SPURNING DAGSINS Í DAG:
Finnst þér notkun fingrafarales-
ara í mötuneytum grunnskóla
eðlileg?
Segðu skoðun þína á visir.is
Á móti áfengisfrumvarpi
Stjórn Félagsráðgjafafélags Íslands
skorar á alþingismenn að greiða
atkvæði gegn frumvarpi til laga um
breytingar á ýmsum lagaákvæðum
um sölu áfengis og tóbaks. Í ályktun
frá Félagsráðgjafafélaginu segir að
mikilvægt sé að íslensk stjórnvöld
styðji við forvarnastefnu í áfengismál-
um með því að koma í veg fyrir sölu
áfengis í matvöruverslunum.
FÉLAGSRÁÐGJAFAR
Samið við lestarstjóra
Deutsche Bahn, sem rekur þýsku
járnbrautirnar, greindi í gær frá því að
fyrirtækið hefði náð samkomulagi við
verkalýðsfélag lestarstjóra um nýjan
kjarasamning sem gengið verði frá
á næstu vikum. Verkfallsaðgerðum
lestarstjóra, sem valdið hafa miklum
röskunum á lestarumferð í landinu á
liðnum vikum, verði hætt.
ÞÝSKALAND
KJÖRKASSINN