Fréttablaðið - 13.12.2007, Page 19

Annað bindi af Sögu Bolungarvíkur er
komið út en fyrra bindið var útgefið fyrir
tveimur árum. Í þessu bindi er saga
staðarins rakin frá því 1920 þar til Bolungar-
vík fékk kaupstaðarréttindi árið 1974.
„Þetta er mikil uppgangssaga,“ segir
Anna Guðrún Edvardsdóttir, forseti
bæjarstjórnar, en Guðfinna M. Hreiðars-
dóttir, formaður sögufélags Ísfirðinga,
afhenti henni fyrsta eintakið í gær í
Einarshúsi í Bolungarvík.
Söguritarinn sjálfur, Jón Þ. Þór, gat ekki
verið viðstaddur en eftir að hafa ritað sögu
Bolungarvíkur brá hann sér til Kaupmanna-
hafnar til að rita sögu borgarinnar.
Spurð hvort bókin sé ekki óþægileg
áminning til Bolvíkinga um að bærinn megi
muna sinn fífil fegurri svarar hún: „Það
þarf ekki að vera því hér er gott að búa og
fólk er bjartsýnt. Hins vegar líður varla sá
dagur að við erum minnt á það að við búum
við viðkvæmt ástand eins og gengur og
gerist í flestum byggðum sem treysta að
miklu leyti á sjávarútveg.“
Það er Sögufélag Ísfirðinga sem gefur
bókina út.
Enn er fífillinn fagur
kana