Fréttablaðið - 05.01.2008, Blaðsíða 32

● hús&heimili
T
réð er farið, Jesús kominn ofan í geymslu og seríurnar í
ruslið.
Jólin sem sagt á bak og burt og margir sem standa og klóra
sér í hausnum yfir því hvernig þeir eigi að gera heimilið aftur
hlýlegt þegar öll hjálpartæki hátíðarlífsins eru á bak og burt.
Undirrituð var í sömu sporum og gerði því lauslega könnun meðal
vinkvenna sinna sem allar henda jólunum á haugana ekki degi seinna
en á þrettándanum. Ráðleggingarnar um hvernig gera skyldi þung-
lyndisheimili í janúar dýrðleg á ný voru marg-
hljóðandi:
A) „Maður þrífur auðvitað allt hátt og lágt eins
og fjandinn sé laus.“
B) „Maður tekur kristalinn og pússar. Byrjar
að rækta páskablómin í garðskálanum, fer að
bródera páskagardínur. Þú veist ... þetta vana-
lega.“
C) „... og kaupir ný gæludýr ef hin skyldu hafa
farist á gamlárskvöld.“
D) „Setur pelsana í geymsluna og dregur fram
þunnu kápurnar. Berð tekkolíu á viðinn eftir
frosthörkurnar og færð þér nýtt sófasett.“
E) „Þú skipuleggur. Flokkar, sorterar, hendir
og merkir allt sem þú getur merkt. Ekki bara
föt barnanna heldur líka ykkar foreldranna.
Skrifar skilmerkilega inn í fóður jakkans: Helga Bára Keransdótt-
ir, Kaupþingi, greiningardeild, sími 440 3425. „Þetta dreifir huganum,
dregur hugann frá hvers kyns geðlægðum. Hvað?!“
Ekki veit ég hvort þetta nýtist mér. Hamsturinn lifði gaml-
árskvöld af (fyrir utan símtal á læknavakt dýraspítalans á Þor-
láksmessu en það var bara flensa) en mér fannst eftir þessi
símtöl vert að deila þessu ef einhverjum skyldi verða að
gagni. Jólin gáfust upp hér á bæ og sögðu upp störf-
um 2. janúar þegar jólatréð horfði smástund í
augun á mér, þar sem ég var á leið út úr dyrun-
um í vinnuna, áður en það lagðist svo hægt
á hliðina í fullum skrúða. Dramatískt tré
og að lokinni svo afdráttarlausri yf-
irlýsingu þess var ekki hægt að
halda lengur í jólin. Ég er hins
vegar enn að leita að leið til að
ná einhverri stemningu aftur
hingað inn og hef ekki haft er-
indi sem erfiði. Kannski er ekkert
annað að gera en splæsa í gleði-
lampa í Elkó og bíða vorsins.
Janúarhreinsun
Jólin gáfust upp
hér á bæ og sögðu
upp störfum 2.
janúar þegar
jólatréð horfði
smástund í augun
á mér, þar sem ég
var á leið út úr
dyrunum í vinnuna,
áður en það lagðist
svo hægt á hliðina í
fullum skrúða.
● Forsíðumynd: Anton Brink tók þessa mynd af
Gulleik Lövskar húsgagnahönnuði. Útgáfufélag: 365
miðlar ehf., Skaftahlíð 24, 105 Reykjavík, s. 512 5000
Ritstjórar: Sólveig Gísladóttir solveig@frettabladid.is og
Emilía Örlygsdóttir emilia@frettabladid.is. Auglýsingar:
Ámundi Ámundason s. 517 5724 Útlitshönnuður:
Kristín Agnarsdóttir kristina@frettabladid.is.
HEIMILISHALD
JÚLÍA MARGRÉT ALEXANDERSDÓTTIR
„Fallegasta stofustássið mitt er
lampi sem hefur verið til á heim-
ili föðurömmu minnar, eða ömmu
Rannsíar, frá því ég man eftir
mér. Hann er appelsínugulur og
brúnn og eins og fugl í laginu.
Ég held að hann hafi verið fram-
leiddur í Svíþjóð í kringum 1960,“
segir Diljá Ámundadóttir, starfs-
maður Herra Örlygs.
Amma Diljár bjó lengi í Sví-
þjóð og fékk hún lampann árið
1975 frá sænskri vinkonu sinni
sem lá á dánarbeðinum. Hún tók
hann svo með sér þegar hún flutti
heim.
„Fyrir nokkrum árum byrjaði
ég að suða um lampann og kom
það til af því að amma vildi alltaf
vera að gefa mér einhverja hluti
sem hún átti. Ég sagðist bara
þiggja lampann en amma sagði að
ég fengi hann þegar dagar henn-
ar yrðu allir. Þegar ég flutti heim
í gömlu íbúðina mína í vor, eftir
fjögurra ára nám í Danmörku,
komst hann hins vegar í mínar
hendur,“ lýsir Diljá. Hún segir
ömmu sína hafa hringt og boðið
sér að sækja lampann og virðist
henni hafa þótt tilvalið að gefa
Diljá gripinn á þessum tímamót-
um. „Lampinn vekur mikla at-
hygli og fæ ég mikið hrós fyrir
hann. Hann gefur líka mjög fal-
lega birtu.“
Diljá stundaði nám í skapandi
verkefnastjórnun ytra og er nú
einn af starfsmönnum Herra Ör-
lygs sem sér um hina árlegu Ice-
land Airwaves-hátíð. „Þessa dag-
ana erum við að hlusta á fullt af
tónlist með hljómsveitum og tón-
listarmönnum sem eru á barmi
frægðar. Svo fer umsóknarferli
erlendra tónlistarmanna bráðum
af stað og síðan taka íslensku um-
sóknirnar við.“ - ve
Fuglalampi ömmu
● Diljá Ámundadóttir á einstakan lampa frá sjöunda áratugnum sem amma hennar gaf
henni síðastliðið vor.
Lampinn vekur mikla athygli og gefur frá sér fallega birtu. FRÉTTABLAÐIÐ/GVA
HÖNNUN Þessi skápur er hluti af seríu eftir Giuseppe Canevese,
með áprentunum eftir listamanninn Guido Crepax (1933 - 2003),
sem var áhrifavaldur í evrópskri teiknimyndasögugerð á síðari
hluta tuttugustu aldarinnar. Frægasta persóna hans Valentina var
búin til árið 1965 og er mjög í anda þess tíma, en í verkum Crepax
er fjöldi vísana í avant-garde listamenn eins og Man Ray og Andy
Warhol. Skápurinn hérna er einmitt skreyttur með Valentinu.
Þráðlaus þægindi frá Danfoss
Gólfhiti - einfaldari en nokkru sinni fyrr
Þráðlausar gólfhitastýringar
Háþróaðar en einfaldar
Við erum leiðandi í hönnun og
framleiðslu gólfhitastýringa
Skútuvogi 6 104 Reykjavík
Sími 510 4100 • www.danfoss.is
Danfoss hf
Danfoss stjórnbúnaður fyrir hitakerfi fæst í öllum helstu lagnaverslunum landsins
5. JANÚAR 2008 LAUGARDAGUR2