Fréttablaðið - 05.01.2008, Blaðsíða 59
LAUGARDAGUR 5. janúar 2008 39
MARIANA „CHICO“ FRUMBOLI OG EUGENIA PARILLA DANSA TANGÓ Fyrsti útvarps-
þátturinn í röðinni fjallar um tangó á Íslandi.
Í dag fer í loftið á Rás 1 fyrsti þátt-
urinn af sex í nýrri útvarpsþátta-
röð sem nefnist Brot af íslenskri
menningarsögu. Þáttaröðin, sem
verður á dagskrá næstu sex laug-
ardaga, er afrakstur samstarfs
Rásar 1 og námsbrautar í hagnýtri
menningarmiðlun við Háskóla
Íslands. Farið verður yfir víðan
völl í þáttunum og fjölbreyttir
fletir á menningarlífi lands og
þjóðar skoðaðir í þaula.
Í fyrsta þættinum, sem fer í
loftið í dag kl. 15.20, fjallar Hug-
rún R. Hólmgeirsdóttir um arg-
entínskan tangó, sem nýtur vax-
andi vinsælda hér á landi, ásamt
því sem ljúfir tangótónar fá að
hljóma.
Í öðrum þættinum fjallar Ása
María Valdimarsdóttir um ungl-
ingamenningu á Akranesi á sjö-
unda áratug tuttugustu aldar og
áhrifin sem Bítlarnir höfðu á lífið
og tilveruna.
Í þriðja þættinum verður fjallað
um Þeistareykjagöngur, en í þeim
sækja fjárbændur í Aðaldal í
Suður-Þingeyjarsýslu fé sitt á
afrétt. Umsjónarmaður þáttarins
er Sif Jóhannesdóttir.
Fjórði þátturinn fjallar um
ýmsar hliðar langhlaupa og mark-
mið með hlaupum. Ásdís Kára-
dóttir ræðir meðal annars við mar-
aþonkonuna Guðbjörgu M.
Björnsdóttur um hlaupaferil henn-
ar, æfingar og keppni.
Fimmti þátturinn fjallar svo um
Íslendinga í Svíþjóð. Málfríður
Gylfadóttir ræðir við Íslendinga
sem búsettir hafa verið í Svíþjóð
síðan á áttunda og níunda áratugn-
um og leikin verður tónlist sem
tengist löndunum tveimur.
Í sjötta og síðasta þættinum
fjallar Eggert Þór Bernharðsson
um upphaf rokksins á Íslandi um
miðjan sjötta áratug síðustu aldar,
ræðir við sérfræðinga um tímabil-
ið og leikur tónlist frá fyrstu árum
rokksins. - vþ
Íslensk menningar-
saga í útvarpinu
Í dag, laugardag, gefst tónlistar-
unnendum tækifæri, til að hlýða
á framúrskarandi rússneska
mezzó-sópran söngkonu, Irinu
Romishevskayu, í Salnum í
Kópavogi, en hún dvelur nú hér
á landi í boði Rotary-hreyfingar-
innar. Romishevskaya söng á
árlegum Stórtónleikum Rotary í
gærkvöld ásamt Sigrúnu Hjálm-
týsdóttur og Jónasi Ingimundar-
syni, en vegna mikillar eftir-
spurnar verða tónleikarnir
endurfluttir í dag kl. 17 og gefst
því almenningi tækifæri til að
verða sér úti um miða á laugar-
daginn.
Á efnisskránni eru þekktar
óperuaríur, dúettar og fjölbreytt
sönglög. Auk þeirra þriggja
verður sérstakur leynigestur
tónleikanna nýr styrkþegi Tón-
listarsjóðs Rotary, en sjóðurinn
er einmitt afrakstur þessa árlega
tónleikahalds í Salnum. Fyrst
var veitt úr Tónlistarsjóði Rot-
ary á Hátíðartónleikum í Salnum
í tilefni af 100 ára afmæli hreyf-
ingarinnar í janúar 2005. Þetta
er því í fjórða sinn sem veitt
verður úr sjóðnum, en áður hafa
þeir Víkingur Heiðar Ólafsson
píanóleikari, Ari Þór Vilhjálms-
son fiðluleikari og Bragi Berg-
þórsson tenórsöngvari hlotið
styrkinn. - pbb
Irina Romishevskaya
enn í heimsókn
TÓNLIST Irina Romishevskaya ásamt Jónasi Ingimundarsyni.
Hafþór Yngvason, safn-
stjóri Listasafns Reykjavík-
ur, og Margrét Bóasdóttir,
formaður Félags íslenskra
tónlistarmanna, undirrituðu
í gær samning um nýja tón-
leikaröð kammertónleika á
Kjarvalsstöðum.
Tónleikaröðin er samstarfsverk-
efni Listasafns Reykjavíkur á Kjar-
valsstöðum og Félags íslenskra tón-
listarmanna, fagfélags íslensks
kammertónlistarfólks, sem nýtur
styrks frá menningar- og ferða-
málaráði Reykjavíkurborgar til að
vinna verkefnið.
„Við erum afar ánægð með að
þessi samningur er orðinn að veru-
leika. Við byrjuðum að vinna að
þessu markmiði í sumar þegar Haf-
þór vakti máls á þessu, en hann
langaði til þess að endurvekja tón-
leikahald á Kjarvalsstöðum. Við
tókum tækifærinu fagnandi, enda
eru Kjarvalsstaðir falleg bygging
og vel fallin til tónleikahalds,“ segir
Margrét. Tónleikaröðin hefur
göngu sína í lok febrúar og munu
tónleikarnir fara fram á miðviku-
dagskvöldum. Fyrstu tónleikarnir í
röðinni verða afar glæsilegir, en
þar mun tónlist Sveinbjörns Svein-
björnssonar vera í forgrunni. Að
auki verður margt annað spennandi
á dagskrá; haldnir verða fjórir til
sex tónleikar á ári og þrátt fyrir að
íslenskir flytjendur verði í meiri-
hluta má gera ráð fyrir að árlega
fari fram tónleikar þar sem fram
koma tónlistarmenn frá hinum
Norðurlöndunum. „FÍT er í sam-
starfi við einleikarafélög á hinum
Norðurlöndunum og út frá því sam-
starfi höfum við í hyggju að starf-
rækja eins konar skiptiáætlun í
tengslum við þessa tónleikaröð.
Þannig fáum við ekki aðeins að
njóta flutnings erlendra tónlistar-
manna hér á landi heldur mun
hópur frá FÍT fá tækifæri til að
leika erlendis. Það má því líta á
þessa tónleikaröð sem visst tæki-
færi til útrásar íslenskra tónlistar-
manna.“
Samningurinn sem undirritaður
var á föstudags er til eins árs, en
Margrét segir mikinn áhuga á
áframhaldandi samstarfi á milli
FÍT og Listasafns Reykjavíkur.
„Við stefnum ótrauð að því að þessi
tónleikaröð nái að festa sig í sessi
og verði að traustum lið í tónlistar-
lífi höfuðborgarbúa.“
vigdis@frettabladid.is
Kammertónlist á
Kjarvalsstöðum
MYNDLISTAMENNIRNIR RAGNAR KJART-
ANSSON OG ÁSMUNDUR ÁSMUNDSSON.
Myndlistarmennirnir Ragnar
Kjartansson og Ásmundur
Ásmundsson fremja sinn árlega
jólagerning á morgun, síðasta dag
jóla, í Nýlistasafninu á Laugavegi
26.
Undanfarin sex ár hafa lista-
mennirnir komið fram sem Kerta-
sníkir og Bjúgnakrækir á listræn-
an hátt við mismunandi aðstæður.
Þeir hafa haldið jólagerninginn á
mörgum af helstu listastofnunum
Reykjavíkur, til að mynda í Kling
og Bang og í Safni, en nú er röðin
komin að Nýlistasafninu. Hjá
mörgum listunnendum er gern-
ingakvöld þeirra félaga orðið
órjúfanlegur hluti jólahaldsins.
Hátíð ljóss og friðar er senn á
enda og ekki seinna vænna að
halda hana. Áhugafólk um listir er
hvatt til að mæta og taka börnin
sín með þar sem hér er á ferð
barnvæn list. Húsið er opnað
klukkan 21 og hefst gerningurinn
nokkrum mínútum síðar. - vþ
Jólunum lýkur
með gerningi
Salurinn
hefst mánudaginn 14. janúar
Dansnámskeið
Þjóðdansafélags
Reykjavíkur
Gömludansanámskeiðin hefjast 7. janúar.
Opið hús 9. janúar.
Upplýsingar í síma 587 1616
Þjóðdansafélag Reykjavíkur Álfabakka 14a
11. janúar
19. janúar
25. janúar
Auglýsingasími
– Mest lesið
SAMNINGUR UNDIRRITAÐUR
Margrét Bóasdóttir og Hafþór
Yngvason undirrita samning
um tónleikaröð á Kjarvals-
stöðum.
FR
ÉT
TA
B
LA
Ð
IÐ
/A
U
Ð
U
N
N