Fréttablaðið - 05.01.2008, Blaðsíða 66
46 5. janúar 2008 LAUGARDAGUR
sport@frettabladid.is
12
DAGAR
Í EM
Í HANDBOLTA
HANDBOLTI Thorsten Storm,
framkvæmdastjóri Rhein-Neckar
Löwen, segist bjartsýnn á að fá
íslenska landsliðsmanninn
Guðjón Val Sigurðsson í herbúðir
félagsins næsta sumar en Guðjón
er samningsbundinn
félaginu frá og með
sumrinu 2009.
Löwen hefur
lagt inn tilboð í
Guðjón sem hefur
ekki borið árangur
enda vill Gummers-
bach fá 500 þúsund
evrur fyrir
hornamanninn,
eða 45 milljónir
íslenskra
króna. Slíka
upphæð vill
Löwen ekki
borga fyrir
eina leiktíð.
- hbg
Guðjón Valur Sigurðsson:
Verðmiðinn 45
milljónir króna
HANDBOLTI Kristján Andrésson,
þjálfari GUIF í sænsku deildinni,
er bjartsýnn á gengi Íslands á
Evrópumótinu i Noregi.
„Þetta er hörkuriðill þar sem
liðið er með bæði Svíum og
Frökkum. Ég ætla að reyna að
komast til Þrándheims og skoða
strákana og ég held að þetta komi
til með að ganga mjög vel. Það
eru margir ungir strákar í liðinu
sem eru búnir að fá mikla reynslu
síðustu ár eins og Snorri, Einar og
Robbi. Síðan eru Óli og Guðjón
Valur báðir ótrúlega góðir. Ísland
þarf að fá vörnina og markvörsl-
una í gang og þá held ég að þetta
verði mjög skemmtilegt Em fyrir
Ísland,” segir Kristján sem segir
að Svíarnir séu ekki búnir að
gleyma tapinu á móti Íslandi í
undankeppni HM sumarið 2006.
„Svíar bera mikla virðingu
fyrir íslenska liðinu. Tapið var
stórt sár í hjartað á Svíunum og
þeir leggja því mikla áherslu á að
vinna Ísland,” segir Kristján. - óój
Spá Kristjáns Andréssonar:
Skemmtilegt
EM fyrir Ísland
AÐ GERA ÞAÐ GOTT Kristján Andrésson
stendur sig vel í Svíþjóð.
FRÉTTABLAÐIÐ/ANDRÉS KRISTJÁNSSON
Einhver efnilegasti ökuþór landsins er hinn átján ára gamli Kristján
Einar Kristjánsson. Hann er Íslandsmeistari í gokart-akstri en hefur nú
tekið stórt stökk út í heim. Kristján Einar er þessa dagana staddur í
Nýja-Sjálandi þar sem hann keppir í Toyota Racing Series, sem
er lokaþáttur í lokaundirbúningi Kristjáns fyrir evrópska keppn-
istímabilið, en ekki er ljóst á hvaða mótaröð hann tekur þátt í.
„Það er mikið æft og síðan er ég að lyfta þess á milli. Þetta er
mikið ævintýri sem ég er kominn út,“ sagði Kristján Einar við
Fréttablaðið frá Nýja-Sjálandi.
Upphaflega stóð til að hann tæki þátt í Formúlu BMW,
sem er byrjendaformúla, en Kristján stóð sig það vel í
prófunum að ákveðið var að láta hann taka þátt á sterkari
mótaröð.
„Ég er ekki alveg búinn að átta mig á því hvað ég er
kominn út í. Þetta hefur allt gerst ótrúlega hratt,“ sagði Kristján en
umgjörðin í kringum hann er fyrsta flokks. Hann er á mála hjá flottu
liði, er kominn með stóra styrktaraðila og nú er það undir honum
komið að sýna hvað í honum býr. „Nú er loksins komið að mér. Það
er mjög gott að komast hingað og fá nauðsynlega æfingu og reynslu
í keppni á braut með öðrum þáttakendum. Ég
hef litla sem enga keppnisreynslu og því er
það dýrmætt að fá þessi mót hér úti. Þetta er
erfitt enda er svona
45 til 50 stigi hiti
í bílnum,“ sagði
Kristján en
hann hefur þótt sýna
afburðahæfileika í prófunum og eru miklar
vonir bundnar við hann.
KRISTJÁN EINAR KRISTJÁNSSON: UNGUR OG EFNILEGUR ÖKUÞÓR Á UPPLEIÐ Í NÝJA-SJÁLANDI
Það er svona 45 til 50 stiga hiti í bílnum
KÖRFUBOLTI NBA-deildin hefur
eins og venjan er gert upp síðasta
mánuð með því að velja bestu leik-
menn og þjálfara úr Austur- og
Vesturdeildinni.
Dwight Howard, miðherji
Orlando Magic, og Chris Paul,
leikstjórnandi New Orleans Hor-
nets, hafa verið valdir bestu leik-
menn NBA-deildarinnar í desem-
ber, Howard í Austurdeildinni en
Paul í Vesturdeildinni.
Nate McMillan, þjálfari Port-
land Trail Blazers og Flip Saund-
ers, þjálfari Detroit Pistons, voru
einnig valdir bestu þjálfarar mán-
aðarins og bestu nýliðarnir voru
þeir Kevin Durant hjá Seattle
SuperSonics og Yi Jianlian hjá
Milwaukee Bucks.
Þetta er annar mánuðurinn í röð
sem Dwight Howard er valinn
bestur en hann var með 21,7 stig
og 16,1 frákast að meðaltali í 15
leikjum Orlando en átta þeirra
unnust.
Chris Paul hefur leikið frábær-
lega með New Orleans en í desem-
ber var hann með 24,5 stig, 10,4
stoðsendingar og 3,0 stolna bolta
að meðaltali í leik. Hornets-liðið
vann 9 af þessum 14 leikjum, þar
á meðal tvo leiki gegn Memphis
þar sem þessi snaggaralegi bak-
vörður var með 41,5 stig, 9 stoð-
sendingar pog 4,5 stolna bolta að
meðaltali.
Nate McMillan hefur náð frá-
bærum og mjög svo óvæntum
árangri með yngsta lið deildarinn-
ar en Portland vann 13 af 15 leikj-
um sínum í desember en Detroit
vann 15 af 17 leikjum sínum undir
stjórn Flip Saunders.
Kevin Durant var með 19,7 stig
að meðaltali í mánuðinum, en
hann var valinn annar í nýliðaval-
inu í sumar. Kínverski framherj-
inn Yi Jianlian, sem var valinn
sjötti, skoraði 12,1 stig og tók 6,6
fráköst að meðaltali í desember.
- óój
NBA-deildin er búin að velja þá sem sköruðu fram úr í desembermánuði:
Howard og Paul spiluðu best
CHRIS PAUL Stjórnaði sóknarleik New
Orleans Hornets í desember og skoraði
tvisvar yfir 40 stig. NORDICPHOTOS/GETTY
FÓTBOLTI Leikið verður í 3. umferð
FA-bikarsins á Englandi á
morgun og þá verða nokkur
úrvalsdeildarlið í eldlínunni.
Bikarmeistarar Chelsea hefja
titilvörnina með Lúndúnaslag
gegn Queen‘s Park Rangers á
Stamford Bridge og Hermann
Hreiðarsson ferðast á sinn gamla
heimavöll þegar Ipswich tekur á
móti Portsmouth á Portman Road.
Ívar Ingimarsson og félagar í
Reading verða án Brynjars
Björns Gunnarssonar, sem tekur
út leikbann, þegar þeir mæta í
heimsókn til Tottenham aðeins
viku eftir rosalega tíu marka
rimmu liðanna á White Hart
Lane. Englandsmeistarar
Manchester United ferðast svo til
Birmingham og leika gegn Aston
Villa á Villa Park en þetta er í
fjórða skipti á síðustu sjö árum
sem liðin mætast í keppninni.
West Ham og Manchester City
mætast í enn einni viðureign
úrvalsdeildarliða í FA-bikarnum,
sem og reyndar Sunderland og
Wigan. - óþ
3. umferð FA-bikarsins:
Úrvalsdeildarlið
í eldlínunni
BIKARMEISTARAR Chelsea hefur titilvörn
sína gegn QPR í dag. NORDIC PHOTOS/GETTY
LK-Bikarinn í Danmörku
Ísland-Pólland 31-35 (13-15)
Mörk Íslands (skot): Guðjón Valur Sigurðsson 9
(9), Ólafur Stefánsson 7/1 (11/2), Logi Geirsson
5 (10), Róbert Gunnarsson 4 (4), Vignir Svavars
son 3 (4), Arnór Atlason 1 (2), Einar Hólmgeirsson
1 (4), Ásgeir Örn Hallgrímsson 1 (2), Snorri
Steinn Guðjónsson 0 (4/1).
Varin skot: Roland Valur Eradze 9 (spilaði í 40
mín.), Birkir Ívar Guðmundsson 4)
Mörk Póllands: Karol Bielecki 6, Bartosz Jurecki
6, Tomasz Tluczylski 6/3, Krzysztof Lijewski 3,
Michal Jurecki 3, Marcin Lijewski 3, Mariusz
Jurkiewicz 3, Mateusz Jachlewski 2, Damian
Wleklak 2, Patryk Kuchczylski 1, Bartlomiej Jaszka
1, Mariusz Jurasik 1.
ÚRSLITIN Í GÆR
> Alexander meiddur á ökkla
Alexander Petersson mun ekki spila með landslið-
inu á mótinu í Danmörku þar sem hann meiddist
á ökkla á æfingu og er kominn heim til Íslands þar
sem hann fer í frekari skoðun og meðferð. „Hann er
svo bólginn eftir þessar tvær æfingar og var farinn
að haltra aftur þannig að við ákváðum að gefa
honum fjögurra til fimm daga frí samkvæmt
læknisráði. Ég hugsa samt að hann komi
inn í þetta fljótlega og að þetta verði allt
í lagi,“ sagði Alfreð Gíslason landsliðs-
þjálfari í gær. Bjarni Fritzson fór út í
morgun og tekur sæti Alexanders í
hópnum.
FÓTBOLTI Stórstjarnan David
Beckham mætti á æfingu með
Arsenal í gær í viðleitni við að
koma sér í betra líkamlegt ástand
fyrir endurkomuna til LA Galaxy
þegar MSL-deildin hefst að nýju í
febrúar. „Við erum að hjálpa
honum að komast í toppform og
það er ekkert nema sjálfsagt mál
að leyfa honum að æfa með
liðinu,“ sagði Wenger og kvaðst
ekki vera að reyna að fá hinn 32
ára gamla Beckham til þess að
ganga til liðs við Lundúnaliðið. - óþ
Arsene Wenger, Arsenal:
Beckham ekki
á leið í Arsenal
HANDBOLTI Íslenska landsliðið tap-
aði 31-35 fyrir Pólverjum í Lauritz
Knudsen æfingamótinu í hand-
boltahöllinni í Roskilde í Dan-
mörku í gær. Pólverjar voru
tveimur mörkum yfir í hálfleik,
15-13, en íslenska liðið var komið
yfir þegar um sjö mínútur voru
eftir en gerði of mörg mistök á
lokakaflanum og kastaði frá sér
sigrinum.
Alfreð Gíslason var ekki sáttur
með of marga tapaða bolta en sá
engu síður margt jákvætt í leik
liðsins. „Þetta varð fjögurra
marka tap að lokum sem voru fúl
úrslit því við spiluðum þennan leik
að mörgu leyti vel. Það má segja
að við höfum klúðrað þessum leik
sjálfir því við vorum með átján
tapaða bolta í leiknum,“ sagði
Alfreð en skotnýting íslenska liðs-
ins var hins vegar ágæt þar sem
62 prósent skot skiluðu sér í mark-
ið.
„Við vorum með tólf tapaða
bolta í fyrri hálfleik en miðað við
það hvernig bæði liðin spiluðu þá
áttum við að leiða leikinn með sex
mörkum,“ segir Alfreð.
„Það hefur loðað við okkur og
gerir enn að þegar við erum komn-
ir yfir og erum að spila vel þá fara
menn að taka of mikla áhættu. Við
gefum mótherjanum því alltaf
tækifæri á að koma inn í leikinn
aftur,“ segir Alfreð. Liðið átti
góðan kafla um miðjan seinni hálf-
leik en það var ekki nóg.
„Við lentum fjórum mörkum
undir í seinni hálfleik en fórum þá
að spila eins og menn aftur og
vorum komnir einu marki yfir
þegar sjö mínútur voru eftir. Þá
kom sería af töpuðum boltum
aftur,“ segir Alfreð sem var sér-
staklega ósáttur við hvernig gekk
að spila manni fleiri en íslenska
liðið tapaði 0-5 þann tíma sem Pól-
verjar voru manni færri. Íslenska
liðið var hins vegar að vinna þann
tíma sem liðið var með mann í
skammarkróknum.
„Það var margt gott í þessu.
Þetta var miklu betra en í leik á
sama tíma í fyrra og það var ekki
eins og við höfum fengið mikla
hjálp frá dómurum í seinni hálf-
leik sérstak-
lega. Þá var
mikið
af
vafa-
sömum
dómum
Pólverj-
um í hag,“
sagði Alfreð en
íslenska liðið tapaði
þá með tólf mörk-
um fyrir Noregi í
fyrsta leik sínum á
þessu sama móti.
Alfreð skoðaði
sérstaklega þá
leikmenn sem hafa
verið að spila lítið.
„Logi (Geirsson) átti allt í lagi leik
en hann var samt svolítið köfl-
óttur. Einar (Hólmgeirsson) átti
erfitt með að finna fjölina sína og
við verðum að fá hann betur inn í
þetta. Sigfús (Sigurðsson) spilaði
síðustu 20 mínúturnar í vörninni
og var allt í lagi,“ sagði Alfreð.
„Vörnin var mjög góð fyrstu 20
mínúturnar og Roland varði líka
mjög vel framan af leik.
Mark varslan dalaði mikið í
seinni hluta fyrri hálfleiks og
í seinni hálfleik vörðu mark-
verðirnir bara fimm skot
sem er alltof lítið,“ sagði
Alfreð.
„Þetta er sterkt mót
og þessi undirbúings-
mót gerast ekki sterk-
ari,“ sagði Alfreð að
lokum en hann býst við
mjög öflugu norsku liði
sem mætir Íslandi í
hádeginu í dag.
ooj@frettabladid.is
Klúðruðum þessu sjálfir
Íslenska landsliðið tapaði með fjórum mörkum fyrir silfurliði síðasta heims-
meistaramóts í fyrsta leiknum á æfingamótinu í Danmörku sem landsliðsþjálf-
aranum fannst vera fúl úrslit miðað við ágæta frammistöðu liðsins.
KÖFLÓTTUR Logi
Geirsson lék
sinn fyrsta
leik í
nokkurn
tíma og var
með 5 mörk
úr 10 skotum
og 2 tapaða
bolta.
FRÉTTABLAÐIÐ/
ANTON