Fréttablaðið - 08.01.2008, Blaðsíða 2

2 8. janúar 2008 ÞRIÐJUDAGUR
YACOUBIAN BYGGINGIN EFTIR ALAA AL-ASWANY
INNILEG, GRÍPANDI
OG SKEMMTILEG
Hrífandi og beinskeytt
mynd af fjölbreyttu
mannlífi í Kaíró
„HEILLANDI OG SLÁANDI
BLANDA AF ÆRSLASÖGU
OG SAMFÉLAGSGREININGU,
BRJÁLAÐRI SKEMMTUN OG
FÚLUSTU ALVÖRU.“
– JYLLANDS-POSTEN
„BESTA
BÓK ÁRSI
NS“
– THE GU
ARDIAN
D
Y
N
A
M
O
R
E
Y
K
JA
V
ÍKKOMIN Í
KILJU!
DÓMSMÁL Ásgeir Þór Davíðsson, eigandi nektardans-
staðarins Goldfinger, krefst þess að ummæli Lovísu
Sigmundsdóttur, fyrrverandi nektardansara, um
aðstöðu kvenna sem dönsuðu á staðnum hjá Ásgeiri
verði dæmd dauð og ómerk. Lovísa sagði frá reynslu
sinni í 34. tölublaði Vikunnar, sem kom út 23. ágúst í
fyrra, en þar hélt hún því fram að vændi væri
algengt á Goldfinger og konurnar
sem þar ynnu væru undir þrýst-
ingi frá Ásgeiri um að selja sig.
Ásgeir stefnir einnig Björk
Eiðsdóttur blaðamanni og Guðrúnu
Elínu Arnardóttur, ritstjóra
Vikunnar.
Ásgeir Þór hefur þvertekið fyrir
að lýsingar í greininni séu réttar
og byggir stefna hans í málinu á
því öðru fremur.
Guðrún Elín segir málshöfðun
Ásgeirs einkennilega og ekki eiga
við rök að styðjast. „Umfjöllun okkar byggðist á
ummælum viðmælenda sem við treystum. Við
stöndum við okkar umfjöllun. Mér finnst einkenni-
legt að hann sé að ákæra okkur, ritstjóra og blaða-
mann Vikunnar, fyrir það eitt að taka viðtal við
fyrrverandi nektardansara. Auk þess beindist
umfjöllunin ekki sérstaklega gegn Ásgeiri Þór
heldur var hún almennt um það umhverfi sem
nektardansarar lifa í.“
Ásgeir Þór segir greinina sem birtist í Vikunni
vera uppfulla af rangindum og því hafi hann ákveðið
að fara í mál. „Þetta er allt meira og minna rangt. Ég
veit ekki af hverju fólk hefur svona mikinn áhuga á
mér og mínum stað. Það liggur við að það þurfi GPS-
tæki til þess að finna hann lengst inni í iðnaðarhverfi
í Kópavogi en samt er hann alltaf í fréttunum. Ég
skil þetta ekki.“
Á morgun verður einnig tekið fyrir mál Ásgeirs
Þórs gegn Jóni Trausta Reynissyni, fyrrverandi
ritstjóra Ísafoldar og núverandi ritstjóra DV, og Ingi-
björgu Dögg Kjartansdóttur, fyrrverandi blaða-
manns Ísafoldar. Sú umfjöllun fjallaði einnig um
Goldfinger og hvernig starfsemin þar tengdist
mansali.
Jón Trausti segir mikla vinnu hafa verið lagða í
umfjöllunina enda hafi hún verið viðkvæm. „Við
stöndum við umfjöllunina. Hún var að mörgu leyti
erfið í vinnslu þar sem viðmælendur þorðu ekki að
koma fram undir nafni. Ásgeir Þór hefur í gegnum
tíðina fengið mikla og jákvæða umfjöllun í fjölmiðl-
um en þegar betur var að gáð var ekki sami ljóminn
yfir þessari starfsemi eins og hann vildi meina.“
Málin verða bæði tekin fyrir í Héraðsdómi
Reykjavíkur í dag. magnush@frettabladid.is
Krefst ómerkingar
á orðum um vændi
Ásgeir Þór Davíðsson krefst þess að orð fyrrverandi dansara á nektardansstað
hans, Goldfinger, verði dæmd ómerk. Stúlkan var í viðtali við Vikuna í ágúst í
fyrra. Stöndum við allt sem kom fram í greininni, segir ritstjóri Vikunnar.
ÁSGEIR ÞÓR
DAVÍÐSSON
GOLDFINGER Starfsemin á nektardansstaðnum Goldfinger
hefur lengi verið umdeild.
Nokkur af ummælum
Lovísu:
„Ég endaði á því að vinna
fyrir Geira en það var
mjög mikið um vændi
inni á stöðunum hans og
gríðarleg pressa á þeim
stelpum sem fyrir hann
störfuðu að stunda slíkt.“
„Geiri hefur alltaf gert
mikið út á vændi og þá
inni á stöðunum. Eftir
að einkadansinn var
bannaður hefur vændið
einfaldlega farið fram
bak við tjöld sem sögð
eru notuð til að hægt sé
að spjalla við kúnnana í
einrúmi.“
„Það er allur gangur á því
hvort kúnnarnir borga
Geira sjálfum fyrir þjón-
ustuna eða stelpunum
beint.“
UMMÆLI SEM ÁSGEIR VILL ÓMERK
DÓMSMÁL Karlmaður á fertugs-
aldri hefur verið ákærður fyrir
að slá tæplega fertugan mann í
andlitið, rífa í vinstra auga hans
og bíta hann jafnframt í lærið.
Árásin átti sér stað í gleðskap í
heimahúsi í Vestmannaeyjum
aðfaranótt 1. apríl 2006.
Fórnarlamb árásarinnar hlaut
glóðurauga, eymsli yfir kjálka og
bitfar og stórt mar á innanvert
vinstra læri.
Málið verður þingfest í
Héraðsdómi Suðurlands í dag. - mh
Karlmaður ákærður:
Reif í augað
og beit í lærið
DÓMSMÁL Átján ára piltur var í
gær dæmdur í Héraðsdómi
Reykjavíkur í sex mánaða
fangelsi, þar af þrjá mánuði á
skilorði, fyrir líkamsárás í
Garðastræti aðfaranótt 1. janúar
2007.
Pilturinn var ákærður fyrir
sérstaklega hættulega líkamsárás
með því að slá rúmlega þrítugan
mann í höfuðið með vodkaflösku
með þeim afleiðingum að sá
síðarnefndi slasaðist verulega.
Hann hlaut mar í kringum augu,
þrjár sprungur í höfuðkúpu vinstra
megin og mar í heilavef. - jss
18 ára piltur fyrir Héraðsdóm:
Sex mánuðir
fyrir líkamsárás
Þorkell, það
er kannski
ekki að
ástæðulausu
að viðskipta-
vinir Spari-
sjóðsins eru
þeir ánægð-
ustu í banka-
kerfinu?
„Enda veitum við framúrskarandi
þjónustu.“
Nokkur ungmenni nýttu sér viðskipta-
reikning pilts til að millifæra sex og hálfa
milljón króna úr Sparisjóðnum á Akranesi
í leyfisleysi. Svo virtist sem endalaust
væri hægt að taka út af reikningnum,
þótt innistæðan væri engin. Þorkell Logi
Steinsson er útibússtjóri.
SUÐUR-KÓREA, AP Fjörutíu manns
létust í eldi og sprengingum í
vöruhúsi í borginni Icheon í Suður-
Kóreu í gærmorgun. Flest fórnar-
lömbin voru svo illa brunnin að
erfitt reyndist að bera kennsl á þau.
Fimm hundruð slökkviliðsmenn
börðust við eldinn fram eftir degi.
Allir hinir látnu fundust í kjallara
vöruhússins sem var í byggingu og
var því sem næst tilbúið.Verka-
mennirnir voru að sprauta
einangrunarfroðu í veggi þegar
eldurinn kviknaði. Orsök var óljós.
Tíu voru fluttir á sjúkrahús
vegna brunasára og reykeitrunar.
- sdg
500 börðust við eldinn:
Fjörutíu fórust
í eldi í S-Kóreu
VINNUMARKAÐUR Samninganefnd og forystumenn
Starfsgreinasambands Íslands, SGS, fóru yfir
stöðuna í samningaviðræðum við Samtök atvinnulífs-
ins, SA, og ríkisstjórnina í gær. Fundurinn var langur
og vandlega farið yfir málið. Niðurstaðan var sú að
kynna nýja tillögu, launaramma, fyrir SA á fimmtu-
dag.
„Þetta var langur og strangur fundur þar sem við
tókum mjög ítarlegt stöðumat og komumst að þeirri
niðurstöðu að vísa deilunni til ríkissáttasemjara ef
enginn árangur næðist í þessari viku,“ segir Kristján
Gunnarsson, formaður SGS.
Fyrirhugaður er fundur með SA á fimmtudag. „Þar
ætlum við að máta hugmyndir að lausn eða niður-
stöðu um launaramma. Ef það gengur eftir þá fara
hlutirnir að gerast hratt en auðvitað byggir þetta á
þeim fyrirvara að árangur náist líka í viðræðunum
við ríkið. Það er enn mjög mikilvægur þáttur að ríkið
komi myndarlega að málinu og þá einkanlega í skatta-
málum,“ segir Kristján.
Hann segir að SGS finni ágætan samhljóm hjá
öðrum samböndum, samstaðan innan SGS hafi verið
góð en sé nú enn betri. „Þetta er samanlímdur hópur.
Ég er mjög hreykinn af því að hafa slíkt bakland.“
Kristján telur óskynsamlegt ef viðsemjendur
nálgist ekki verkalýðshreyfinguna á þeim grunni sem
kynntur verður á fimmtudag. „Ég trúi ekki öðru en að
ríkisstjórnin leggi sitt lóð á vogarskálarnar. Annars
er allt á leiðinni í harðan leiðindahnút og það verða
bara átök og læti.“ - ghs
Kristján Gunnarsson, formaður Starfsgreinasambandsins, eftir stöðumatið í gær:
Launarammi verður kynntur
ÍTARLEGT STÖÐUMAT Samninganefnd og forystumenn Starfs-
greinasambandsins funduðu í gær. FRÉTTABLAÐIÐ/GVA
DÓMSMÁL Karlmaður var í gær
ákærður fyrir Héraðsdómi Reykja-
víkur fyrir að hafa tugi þúsunda
barnaklámsmynda í tölvubúnaði
sínum.
Samkvæmt ákæru ríkissaksókn-
ara var maðurinn með 24.430 ljós-
myndir og 750 hreyfimyndir, sem
sýndu börn á kynferðislegan og
klámfenginn hátt, í þremur turn-
tölvum sem lögregla lagði hald á í
apríl á síðasta ári.
Maðurinn er ákærður fyrir að
hafa í janúar 2006 aflað sér klám-
fenginna ljósmynda og hreyfi-
mynda af börnum af bandarískri
heimasíðu. Eftir að hafa greitt
fyrir aðgang að síðunni gat maður-
inn horft á efni af þessu tagi og
hlaðið niður myndefni að vild.
Maðurinn er einnig ákærður
fyrir að hafa í þrígang á árinu 2006
aflað sér, eða reynt að afla sér,
hreyfimynda af stúlkubörnum þar
sem þau sáust á kynferðislegan og
klámfenginn hátt. Í eitt skipti tókst
manninum að ná í slíka mynd eftir
að hafa pantað hana með rafræn-
um hætti. Í tvö skiptanna sendi
maðurinn pöntun og greiddi með
korti en myndin komst aldrei í
vörslu hans. - jss
Karlmaður ákærður fyrir Héraðsdómi fyrir stórfellda vörslu barnakláms:
Með tugþúsundir barnaklámsmynda
BARIST VIÐ ELDINN Slökkviliðsmenn
þurftu að rjúfa þak vöruhússins til að
komast að eldinum. FRÉTTABLAÐIÐ/AP
GREIDDI MEÐ KORTI
■ Í þremur tölvum í eigu mannsins
fundust tæplega 25 þúsund ljós-
myndir og 750 hreyfimyndir sem
sýna börn á klámfenginn hátt.
■ Hann náði í barnaklámið á netinu,
meðal annars á tveimur bandarísk-
um síðum þar sem hann greiddi
fyrir efnið með greiðslukorti.
■ Hann reyndi tvisvar að panta
hreyfimynd með greiðslukorti af
bandarískri síðu en sótti hana ekki
í tölvuna sína.
■ Viðurlög við brotunum sem mað-
urinn er ákærður fyrir eru allt að
tveggja ára fangelsisvist.
ATVINNUMÁL Verktakafyrirtækið
Arnarfell, sem meðal annars hefur
unnið að gerð jarðganga við
Kárahnjúkavirkjun, hefur frestað
komu rúmlega fjörutíu verka-
manna sem áttu að hefja störf hjá
fyrirtækinu. Mennirnir áttu að
koma til landsins í gær og í dag.
Þá fengu nokkrir starfsmenn sem
hefja áttu störf í gær boð um að
koma ekki strax aftur til starfa.
Nánari útskýringa á breytingun-
um er að vænta eftir viku.
Sigurbergur Konráðsson
framkvæmdastjóri Arnarfells
segir ástæðuna vera áherslubreyt-
ingar hjá fyrirtækinu. Verið sé að
koma í veg fyrir fjárhagsörðug-
leika með breytingum. „Verklok
eru áætluð í ágúst 2009 og við
búumst ekki við töfum á því sem
eftir er,“ segir Sigurbergur. - kdk
Breytingar hjá Arnarfelli:
Fresta komu
verkamanna
Nálgast tvö þúsund íbúa
Samkvæmt tölum Hagstofunnar voru
íbúar í Sveitarfélaginu Ölfusi 1.932
talsins í byrjun desember. Hafði íbú-
unum fjölgað um 78 á einu ári sem
svarar til fjögurra prósenta fjölgunar.
Flestir eru íbúarnir í Þorlákshöfn,
1.564, en 368 eru í dreifbýli.
ÖLFUS
BANDARÍKIN, AP Þrjú bandarísk
herskip voru við það að hefja
skothríð á fimm báta íranska
byltingarvarðliðsins á sunnudag í
kjölfar ögrunar að því er embættis-
maður í bandaríska varnamála-
ráðuneytinu greindi frá í gær.
Írönsku bátarnir sneru burt rétt
áður en til þess kom.
„Þetta er alvarlegasta ögrun af
þessari gerð sem við höfum
upplifað hingað til,“ sagði em bætt-
ismaðurinn sem vildi ekki láta
nafns síns getið. Sagði hann
írönsku bátana hafa gert atlögu að
herskipunum, sleppt kössum í
sjóinn fyrir framan skipin sem þau
þurftu að víkja sér undan. - sdg
Íranska byltingarvarðliðið:
Ögraði banda-
ríska sjóhernum
SPURNING DAGSINS