Fréttablaðið - 08.01.2008, Blaðsíða 12

fréttir og fróðleikur
Sannkallaður frumskógur ólíkra aðferða
Palestínumaðurinn Ali
Zbeidat segir útséð með
að vestræn stjórnvöld
komi Palestínumönnum til
hjálpar að fyrra bragði. Þau
séu samsek Ísraelsmönnum
og taki í raun þátt í þjóð-
ernishreinsunum með því
að gera ekki neitt. Ísrael,
skilgreint sem ríki gyðinga,
sé klárlega byggt á kyn-
þáttahatri.
„Já, ég bjó í sjö ár í Hollandi áður
en ég flutti til baka. Hvers vegna
flutti ég aftur til Ísraels? Því þar
er landið mitt og heimilið mitt. En
því miður er þetta ekki ríkið mitt,“
segir Ali Zbeidat, Palestínumaður
með ísraelskan ríkisborgararétt.
Ali Zbeidat er einn af hinum
„lánsömu“ Palestínumönnum, að
því leytinu til að hann á vegabréf
og hefur ríkisfang. Hann borgar
skatta til Ísraels og má kjósa þar í
kosningum. En samkvæmt ein-
faldri skilgreiningu á hann ekki
eiginlegt heimili þar.
Ísraelsríki er skilgreint sem
gyðinglegt lýðræðisríki. Ali legg-
ur áherslu á misræmið sem hann
sér í þeim orðum.„Þessi skilgrein-
ing er þversögn í sjálfri sér. Það er
ekki hægt að kalla ríki annars
vegar lýðræðislegt og hins vegar
bara fyrir einn hóp manna, í þessu
tilfelli gyðinga.
Meinið er að fimmtungur svo-
kallaðra Ísraelsmanna er alls ekki
gyðingtrúar. Í þessum fimmtungi
eru til dæmis afkomendur þeirra
Palestínumanna sem voru ekki
reknir burt árið 1948. Þeir eru
meira að segja með ríkisborgara-
rétt. Búa innan um gyðingana og
vinna við hliðina á þeim. En þeir
eru ekki gyðingar. Hvernig eiga
þeir þá heima í gyðinglegu ríki?“
spyr Ali.
Þessir Palestínumenn, sem oft
eru kallaðir ísraelskir arabar, voru
innlimaðir í ríkið, en ekki skildir
frá því, eins og þeir Palestínu-
menn sem búa á Gaza-svæðinu,
Vesturbakkanum og í flóttamanna-
borgum í nágrannalöndunum.
Aðskilnaðurinn lýsi sér meðal ann-
ars í því að Palestínumenn fái ekki
byggingarleyfi, skólavist eða
atvinnu.
Ali segir að gyðinglega ríkinu
megi líkja við Suður-Afríku á
sínum tíma, þar sé í raun opinber
aðskilnaðarstefna. Stjórnvöld rói
að því öllum árum að losna við
Palestínumennina. Hann rifjar
upp orð Benjamíns Netanyahu,
fyrrverandi forsætisráðherra
landsins.
„Hann sagði blákalt í ræðu fyrir
um tveimur árum að Palestínu-
mennirnir á Gaza væru ekki helsta
vandamál Ísraels. Hið raunveru-
lega „vandamál“ væri þessi hópur
Palestínumanna sem byggi innan
landamæranna. Núverandi utan-
ríkisráðherra, Tzipi Livni, tekur í
sama streng. Hún talar oft um að
tveggja ríkja lausnin sé „lausn á
Palestínumönnunum“. Lieberman
aðstoðarforsætisráðherra vill svo
skera þau landsvæði Ísraels, þar
sem Palestínumenn eru í meiri-
hluta, frá sjálfu ríkinu og gera það
hluta af nýju palestínsku ríki, bara
til að Palestínumenn séu ekki
innan um gyðinga.“
Ali telur ekki að Ísraelsríki í
núverandi mynd eigi sér mikla
framtíð. Það þurfi að beita miklu
ofbeldi og hroðaverkum til þess
eins að viðhalda ástandinu og hafi
líklega ekki þrek til þess enda-
laust.
Tveggja ríkja lausnin svokallaða,
með sjálfstæðu ríki Palestínu-
manna við hlið Ísraelsríkis, er
hins vegar dauðadæmd, segir Ali,
því við samningaborðið hafi Ísra-
elsmenn aldrei boðið Palestínu-
mönnum upp á neitt nema léleg-
asta landið, með afarkostum.
„Og hvernig á það að ganga,
þegar það tekur sjö klukkutíma að
fara kortersspotta milli bæja eins
og Ramallah og Jerúsalem? Þeir
eru búnir að reisa risavaxinn
aðskilnaðarmúr sem þarf að fara
fram hjá og svo þarf að stoppa í
mörgum öryggishliðum. Þetta
gengur ekki til lengdar.“
Eitt ríki, óháð trúarbrögðum, er
besta lausnin, að mati Alis. Hug-
sjónin um eitt ríki gyðinga hafi
reynst of blóðug.
„Zíonisminn hefur mistekist,
því hann er byggður á kynþátta-
hatri sem eitrar út frá sér. Þessa
dagana flytja því fleiri gyðingar
frá landinu en til þess. Það sjá allir
að það er vonlaust að byggja ríki á
kynþáttahatri. Þeir eru að reyna
að búa til samkennd eða sjálfs-
mynd Ísraelsmannsins með mörg-
um ólíkum þjóðarbrotum og deila
svo um hvað sé að vera gyðing-
ur!“
Ali telur að vestræn ríki muni
aldrei stöðva hryllinginn í Palest-
ínu að fyrra bragði, ekki fyrr en
almenningur neyði þau til þess.
„Og með þögninni takið þið þátt
í þessu. Við Palestínumenn þurf-
um ekki einhvern dollara hér og
annan þar. Við þurfum að láta
stöðva stríðsglæpamennina sem
eru við völd. Og frumkvæðið
virðist þurfa að koma af götunni,
frá venjulegu fólki. Hvað gerðu
evrópskir þingmenn til dæmis í
fyrra, þegar fimmtíu palestínskir
þingmenn voru settir á bak við lás
og slá? Ekkert.“
Þarf að falla frá zíonisma
Fólk hlífir sér
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Gólfþvottavélar
á rekstrarleigu
TASKI Swingo 1250 B
Leitið nánari upplýsinga hjá sölumönnum og ráðgjöfum RV
TASKI swingo XP
TASKI swingo 3500 B
TASKI swingo 1250 B
TASKI swingo 750 B
TASKI swingogólfþvottavélar
Einfaldar í notkun - liprar og
leika í höndunum á þér
Bjarnþór Þorláksson,
bílstjóri hjá RV