Fréttablaðið - 08.01.2008, Blaðsíða 6

6 8. janúar 2008 ÞRIÐJUDAGUR
NEYTENDUR Seðilgjöld munu heyra
sögunni til eftir stuttan aðlögunar-
tíma og óheimilt verður að inn-
heimta kostnað sé farið yfir á
bankareikningi nema gjaldtakan
eigi sér stoð í samningi.
Þetta sagði Björgvin G. Sigurðs-
son viðskiptaráðherra á fundi með
fjölmiðlafólki í gær. Þar kynnti
hann niðurstöður starfshóps sem
farið hefur yfir heimildir fjár-
málafyrirtækja til gjaldtöku, og
aðgerðir sínar í kjölfarið.
„Það sem við erum að kynna hér
í dag er skref í röð aðgerða sem
við munum framkvæma í neyt-
endamálum, og munu líta dagsins
ljós á næstu vikum, mánuðum og
misserum,“ sagði Björgvin.
„Ég mun nú þegar gefa út til-
mæli um að bannað verði að bæta
seðilgjöldum eða öðrum fylgikröf-
um við aðalkröfu sem greidd er á
gjalddaga nema sérstaklega sé
samið um annað,“ sagði Björgvin.
Hann segir að veittur verði eðli-
legur frestur til að bregðast við og
fella gjöldin niður, ef til vill tveir
til þrír mánuðir.
Bent er á í skýrslu starfshóps-
ins að ein viðbrögð við niðurfell-
ingu seðilgjalds gæti verið hækk-
un á undirliggjandi verðskrám.
Við því sé þó lítið að segja þar sem
verðlagning sé frjáls.
Lögum um neytendalán verður
breytt á vorþingi þannig að óheim-
ilt verði að innheimta yfirdráttar-
kostnað, eða FIT-kostnað, nema
skýrt sé kveðið á um heimild til
slíks í samningi. FIT-kostnaður
verður til dæmis til ef debetkort
án innistæðu er notað í verslun.
Slíkur kostnaður á í öllu falli að
vera hóflegur og endurspegla þá
upphæð sem yfirdregin var, sagði
Björgvin.
Þannig eigi ekki að vera sami
kostnaður fyrir að yfirdraga
reikning um 500 krónur og 50.000
krónur, og ekki eigi að innheimta
fyrir hverja færslu heldur fyrir
heildarupphæð sem yfirdregin er.
Óheimilt verður að krefjast upp-
greiðslugjalds fyrir lán í íslensk-
um krónum undir 50 milljónum
með breytilegum vöxtum, segir
Björgvin. Þar sem þó megi semja
um uppgreiðslugjald skal kveða á
um það í samningi, og gjaldið má
ekki vera hærra en tjón lánveit-
andans vegna uppgreiðslunnar.
brjann@frettabladid.is
Seðilgjöld felld niður
Viðskiptaráðherra beinir tilmælum til fjármálafyrirtækja um að seðilgjöld verði
ekki innheimt. Lögum verður breytt svo FIT-kostnaður verði háður samningi og
innan eðlilegra marka. Uppgreiðslugjöld lána falla niður í ákveðnum tilvikum.
BJÖRGVIN G. SIGURÐSSON „[Þetta] er skref í röð aðgerða sem við munum fram-
kvæma í neytendamálum, og munu líta dagsins ljós á næstu vikum, mánuðum og
misserum.“ FRÉTTABLAÐIÐ/ANTON
■ Bannað verður að innheimta
seðilgjöld nema sérstaklega sé
um það samið.
■ Óheimilt verður að innheimta
svokallaðan FIT-kostnað nema
samið sé um slíkt sérstaklega.
■ Bannað verður að krefjast upp-
greiðslugjalds af eftirstöðvum
láns í íslenskum krónum með
breytilegum vöxtum, sé lánið
lægra en 50 milljónir.
■ Neytendastofa mun gera sérstakt
átak til að kynna réttindi almenn-
ings í viðskiptum við fjármála-
stofnanir.
■ Nefnd mun fá það verkefni að
vinna frumvarp um greiðslumiðla
og rafræna greiðslumáta á borð
við greiðslukort og heimabanka.
■ Ráðherra mun beina tilmælum
til fjármálafyrirtækja að bæta
aðgengi neytenda að skilmálum,
meðal annars með því að birta
þá á netinu.
■ Lagaumhverfi almennrar fjármála-
þjónustu verður bætt.
HELSTU AÐGERÐIR VIÐSKIPTARÁÐHERRA
NEYTENDUR „Þessi fyrstu skref
sem þarna eru tekin eru til
hagsbóta fyrir neytendur, og við
hljótum að fagna því,“ segir
Jóhannes Gunnarsson, formaður
Neytendasamtakanna, um
aðgerðir viðskiptaráðherra sem
kynntar voru í gær.
Jóhannes leggur áherslu á að
hér sé um eitt skref af mörgum
að ræða, boðað sé breytt lagaum-
hverfi í fjármálaþjónustu og
fleira og því á eftir að sjá hvaða
áhrif breytingarnar í heild muni
hafa. En byrjunin lofi góðu.
Neytendasamtökin hafa haldið
því fram að seðilgjöld hafi verið
hærri en sem nemi kostnaði
fyrirtækja við innheimtu.
Jóhannes segir að virk samkeppni
verði að koma í veg fyrir að verð
á þjónustu hækki umfram
kostnað við innheimtuna. - bj
Formaður Neytendasamtaka:
Fyrsta skrefið
fagnaðarefni
NEYTENDUR Mestu skiptir að það
umhverfi sem hér er verið að
breyta verði sem líkast því sem
gerist í öðrum löndum Evrópska
efnahagssvæðisins, í stað þess að
búið sé til séríslenskt kerfi.
Þetta segir Guðjón Rúnarsson,
framkvæmdastjóri Samtaka fjár-
málafyrirtækja, um boðaðar
aðgerðir viðskiptaráðherra. Hann
segir að svo virðist sem starfshóp-
urinn hafi færst nær þeirri hug-
myndafræði en upphaflega hafi
stefnt í.
Hann lýsir þó efasemdum um
takmarkanir á álagningu upp-
greiðslugjalda. Réttara hefði verið
að virða frelsi til þess að gera upp-
lýsta samninga. Guðjón segir ekki
óeðlilegt að samið sé um seðilgjöld,
bankar og spari-
sjóðir geri það
nú þegar. Það
væri þó óeðlilegt
að banna slík
gjöld með öllu,
það skipti að
viðskiptavinur-
inn viti hvað
hann sé að borga
fyrir.
Með boðuðum
breytingum á innheimtu FIT-kostn-
aðar segir Guðjón að viðurkennt sé
að eðlilegt sé að lagt sé gjald á þá
sem fari yfir á reikningum sínum.
Væntanlega muni bankarnir skoða
hvort núverandi gjaldtaka verði
innan þess ramma sem eðlileg telj-
ist, og breyta henni sé svo ekki. - bj
Framkvæmdastjóri Samtaka fjármálafyrirtækja:
Frelsi til samninga
heppilegra en bann
GUÐJÓN
RÚNARSSON
PÓLLAND, AP Atvinnuleysi í
Póllandi mældist 11,4 prósent í
desember og hækkaði um 0,2
prósent frá mánuðinum sam-
kvæmt tölum vinnumálaráðu-
neytisins. Talsverð lækkun hefur
þó orðið frá því í desember fyrir
ári þegar atvinnuleysi mældist
14,9 prósent.
Atvinnuleysi í Póllandi hefur
farið stöðugt minnkandi eftir að
þjóðin gekk í Evrópusambandið
árið 1994. Í febrúar árið áður náði
atvinnuleysið hámarki í 20,7
prósentum.
38 milljónir búa í Póllandi og er
talið að 1,75 milljón manns hafi
verið án atvinnu í desember. - sdg
Stöðug lækkun frá ESB-aðild:
Minna atvinnu-
leysi í Póllandi
GEORGÍA, AP Mikhail Saakashvili
Georgíuforseti, sem endurkjörinn
var um helgina með rúmlega
helmingi atkvæða, segir að
lýðræðinu í landi sínu sé enn
ábótavant.
„Ég tel að margt þurfi að
gagnrýna. Landið er enn á
breytingaskeiði, það er ekki
fullþroskað, vel mótað samfélag,“
sagði Saakashvili í viðtali í gær.
„Ég held að við séum á réttri leið
og kosningarnar sanna það.“
Stjórnarandstaðan sakar
Saakashvili um kosningasvik, en
alþjóðlegt kosningaeftirlit segir
kosningarnar að mestu hafa farið
eðlilega fram. - gb
Saakashvili Georgíuforseti:
Lýðræðinu er
enn ábótavant
HOLLAND, AP Vöxtur Hollendinga,
sem löngum hafa verið taldir
hæsta þjóð í heimi, hefur dregist
saman undanfarin ár að því er
hollenska hagstofan greindi frá í
gær.
Meðalhæð fullorðins hollensks
karlmanns jókst um meira en þrjá
sentimetra frá upphafi níunda
áratugarins upp í rúma 180
sentimetra árið 2000. En síðan
hefur hann staðið í stað sam-
kvæmt tilkynningu hagstofunnar.
Á sama tíma hefur einnig hægt á
vexti hollenskra kvenna. - sdg
Hollendingar verði ekki hærri:
Hæsta þjóðin
hætt að stækka
HOLLENDINGAR Eru þjóða hæstir sam-
kvæmt mörgum alþjóðlegum könnun-
um sem gerðar hafa verið.
NORDICPHOTOS/AFP
KENÍA, AP Keníski stjórnarand-
stöðuleiðtoginn Raila Odinga
aflýsti í gær fyrirhuguðum
mótmælum á landsvísu vegna ótta
um að þau gætu valdið frekari
blóðsúthellingum.
Um fimm hundruð manns hafa
látist í átökum eftir forsetakosn-
ingarnar 27. desember þar sem
forseti Kenía, Mwai Kibaki sigraði.
Þingkosningar fóru fram samtímis
og vegnaði flokki Odinga þar vel.
Odinga og Kibaki saka hvor annan
um kosningasvindl.
Aðalerindreki Bandaríkjanna í
Afríku, Jendayi Frazer, hefur
staðfest kosningasvindl en að báðir
flokkar kunni að vera sekir. - sdg
Ótti við meiri blóðsúthellingar:
Mótmælum
í Kenía aflýst
DÓMSMÁL Maður hefur verið
sýknaður af ákæru um líkamsár-
ás fyrir Héraðsdómi Reykjavíkur.
Ekki þótti fullsannað að maðurinn
hefði kýlt annan mann í andlitið
fyrir framan Herragarðinn á
Laugaveginum þann 18. júní 2006.
Fórnarlambið hlaut brotna tönn,
mar og bólgu á andliti.
Höggið átti sér stað þegar
fórnarlambið reyndi að stilla til
friðar milli bróður síns og annars
manns. Framburður vitna þótti
ekki nægilega trúverðugur til
þess að hægt væri að sakfella, og
var maðurinn því sýknaður.
Bótakröfu upp á hálfa milljón var
einnig vísað frá. - sþs
Vitni þóttu ótrúverðug:
Sýknaður í lík-
amsárásarmáli
BEÐIÐ UM AÐSTOÐ Yfirvöld áætla að
255.000 manns hafi flúið heimili sín
vegna átakanna. NORDICPHOTOS/AFP
BANDARÍKIN, AP Hillary Clinton
berst nú hvað hún getur fyrir því
að sigra í forkosningum bandaríska
Demókrataflokksins í New Hamp-
shire í dag.
Áfallið fyrir baráttu hennar fyrir
því að verða forsetaefni flokksins í
haust yrði mikið ef hún myndi tapa
öðru sinni fyrir Barack Obama,
sem þó hefur mikið forskot sam-
kvæmt sumum skoðanakönnunum.
Aðrar kannanir benda þó til þess að
mjótt geti orðið á mununum.
Hún segist sjálf ætla að halda
ótrauð áfram baráttunni þótt hún
tapi, en það gæti orðið erfitt fyrir
hana ef fjármagnið sem hún hefur
til umráða minnkar.
„Það eru einhverjar hræringar í
loftinu,“ segir Obama, harla bjart-
sýnn á sigur þar sem hann ávarpaði
mannfjölda í bænum Keene í gær.
Öldungadeildarþingmaðurinn
John McCain hefur forskot hjá rep-
úblikönum með ríflega 30 prósent,
en Mitt Romney kemur næstur með
um 25 prósent. Litlar líkur þykja á
því að sigurvegarinn frá Iowa,
Mike Huckabee, endurtaki leikinn í
New Hampshire í dag.
Úrslit fyrstu forkosninganna,
nefnilega í New Hampshire í dag
og Iowa í síðustu viku, hafa oft
mikil áhrif á framhald kosninga-
baráttunnar. Sigurvegarar þeirra
fá forskot á mótframbjóðendurna í
seinni forkosningum, en þeir sem
verða undir heltast gjarnan úr lest-
inni. - gb
Demókratar og repúblikanar í New Hampshire velja sér forsetaefni í dag:
Obama og McCain í forystu
KONAN Á KASSANUM Hillary Clinton,
öldungadeildarþingmaður í New York,
steig upp á kassa í gær til að ná betur
til kjósenda. Með henni á myndinni er
dóttir hennar Chelsea. FRÉTTABLAÐIÐ/AP
KJÖRKASSINN
Er rétt að banna þekktum
ofbeldismönnum að stunda
skemmtistaði?
Já 93%
Nei 7%
SPURNING DAGSINS Í DAG:
Fylgist þú með aðdraganda
bandarísku forsetakosning-
anna?
Segðu skoðun þína á vísir.is