Fréttablaðið - 08.01.2008, Blaðsíða 34

18 8. janúar 2008 ÞRIÐJUDAGUR
timamot@frettabladid.is
MERKISATBURÐIR
1297 Mónakó fær sjálfstæði.
1895 Fyrsta kvennablaðið á
Íslandi, Framsókn, hefur
göngu sína á Seyðisfirði.
1912 Afríska þjóðarþingið er
stofnað.
1926 Abdul-Aziz ibn Saud verð-
ur konungur af Hejaz og
endurnefnir ríkið Sádi-
Arabíu.
1962 Hið fræga málverk Mona
Lisa eftir Leonardo da
Vinci er sýnt í Bandaríkj-
unum í fyrsta skipti.
1965 Sigríður Sigurðardóttir
handknattleikskona er
kosin íþróttamaður ársins
fyrst kvenna.
1989 Fjörutíu og sjö láta lífið
í Kegworth-flugslysinu í
Leicestershire í Englandi
og 74 slasast alvarlega.
„Þegar litið er um öxl þá er einna efst
í huga hvað tíminn hefur liðið fljótt og
hversu gæfusamur maður hefur verið í
lífinu,“ segir Þuríður en hún hefur lengi
tengst stjórnmálum og starfað við þau
á einn eða annan hátt. Nú situr hún á
þingi fyrir vinstri græna. „Það hefur
bæði verið mjög gefandi og mikil lífs-
fylling sem og áskorun. Þetta hefur
allt verið eitt ævintýri. Ég var farin í
pólitík löngu áður en ég gerði mér grein
fyrir að ég væri í pólitík,“ segir Þur-
íður kímin og bætir við: „Ég hef verið
meira og minna í pólitík frá 1978 en það
sem dreif mig inn núna og í forystu rað-
ir vinstri grænna er sú hugmyndafræði
sem framboð vinstri grænna byggir á.
Það er hugmyndafræði sjálfbærrar þró-
unar bæði til efnahagslegrar og félags-
legrar þróunar og umhverfisvernd.“
Þuríður segir að sínar hugmyndir hafi
í raun lengi byggt á sams konar hug-
myndafræði án þess að hún hafi verið
búin að staðsetja sig í pólitíkinni. „Það
er ekki fyrr en farið er að skilgreina
hugmyndafræði sjálfbærrar þróunar
að ég átta mig á því hvar ég stend. Það
varð til þess að ég ákvað að halda áfram
en ég hafði tekið ákvörðun um að hætta
eftir að ég var í forystu í sveitarstjórn
fyrir Alþýðubandalagið. Ég var oddviti
í sveitarstjórn á Egilsstöðum frá 1994-
1998 og ætlaði að láta það gott heita og
snúa mér að minni vinnu sem er hjúkr-
un og fræðslustarf,“ útskýrir Þuríður,
en skjótt skipast veður í lofti og þegar
þessi nýja hreyfing kom fram var ekki
aftur snúið að sögn Þuríðar.
„Hvað framtíðina varðar þá er þetta
í raun það eina sem er. Ef mannkyn-
ið ætlar að lifa af þá þurfa fleiri að að-
hyllast þessa hugmyndafræði og lifa og
vinna samkvæmt henni. Ef þetta verður
ekki öflug alheimshreyfing þá á mann-
kynið og líf hér á jörðu mjög erfitt upp-
dráttar.“
Þuríður mun halda afmælisdaginn
hátíðlegan í veislusalnum Ými. „Fram
að þessu hef ég haldið upp á þessa
stóru tugi á minn hátt með heimaveisl-
um. Nú ætla ég hins vegar að fara út
fyrir heimilið og halda afmæli fyrir
nánustu ættingja og vini í Ými í kvöld.
Ég tek á móti gestum og hef þar smá
fræðslu,“ segir Þuríður íbyggin en vill
þó ekki láta meira uppi um hvað verð-
ur í boði þar sem það á að koma á óvart.
„Síðan verð ég með málþing austur á
Egilsstöðum á sunnudaginn um málefni
mér tengd og hugleikin,“ segir Þur-
íður en þar verður rætt um sjálfbæra
þróun. „Ég hef fengið Stefán Gíslason
umhverfisstjórnunarfræðing sem er í
forsvari fyrir sjálfbæra þróun sveitar-
félaga til að vera með erindi og auk
hans tala Salvör Jónsdóttir skipulags-
fræðingur og Helgi Hallgrímsson nátt-
úrufræðingur sem verður með erindi
og myndasýningu,“ útskýrir Þuríður og
bætir við að þar að auki verði tónlistar-
atriði og veitingar. Það er því ljóst að
Þuríður lætur ekki deigan síga og hefur
ákveðið að halda upp á afmælið eins og
henni einni er lagið. „Á þessum tíma-
mótum horfir maður í senn til baka og
fram á veginn og ég vil nota tækifær-
ið og þakka minni fjölskyldu og sam-
ferðafólki þann spöl sem kominn er
og ég hlakka til að takast á við fram-
tíðina. Það er ekki dónalegt í þessum
góða hópi og ekki kvíðvænlegt,“ segir
Þuríður sem horfir björtum augum
fram á veginn.
hrefna@frettabladid.is
ÞURÍÐUR BACKMAN ÞINGMAÐUR: FAGNAR 60 ÁRA AFMÆLI
Hlakkar til framtíðarinnar
SJÁLFBÆR ÞRÓUN EINA VITIÐ Þuríður Backman telur að ef mannkynið ætli að lifa af þá þurfi að huga að sjálfbærri þróun. Á sunnudaginn verður
hún með málþing á Egilsstöðum. FRÉTTABLAÐIÐ/ANTON
GUÐRÚN LÁRUSDÓTTIR, ALÞING-
ISKONA OG SKÁLD, FÆDDIST
ÞENNAN DAG ÁRIÐ 1880.
„Kyrrlátt og óbrotið hvers-
dagslíf felur í sér þroska-
skilyrði sem eru barnssál-
inni svo nauðsynleg.“
Guðrún Lárusdóttir fæddist á
Valþjófsstað í Fljótsdal en lét
lífið á dramatískan hátt 20.
ágúst árið 1938 þegar hún
drukknaði í Tungufljóti ásamt
tveimur dætrum sínum.
Stjörnufræðingurinn Galileo Galilei
lést þennan dag árið 1642 í Arcetrí
á Ítalíu, 77 ára að aldri. Galileo
fæddist 15. febrúar 1564 í Písa, í
Toskanahéraði á Ítalíu. Hann hóf
læknanám, sneri sér þó fljótlega að
stærðfræði og heimspeki og hætti
í háskóla árið 1585 án þess að
ljúka prófi.
Hann hefur verið kallaður faðir
nútíma stjörnufræði, faðir eðlis-
fræðinnar og faðir vísinda vegna
ótrúlegra uppgötvana sinna.
Galileo starfaði lengst af sem stærðfræðikenn-
ari og prófessor og vann að tilraunum með afl-
fræði og velti fyrir sér stjörnufræði. Hann smíðaði
sjónauka og beindi honum að himintunglunum.
Hann var fyrstur manna til að birta niðurstöður
vísindalegra athugana á himintunglum gegnum
kíki. Hann sá meðal annars höf og fjöll á tungl-
inu og uppgötvaði fjögur stærstu
tungl Júpiters, og þau hafa síðar
verið kölluð Galíleó-tunglin.
Hann setti einnig fram kenning-
ar um sólbletti og lenti í deilum
við ýmsa sem mótmæltu því sem
hann hélt fram enda stönguðust
hugmyndir hans á við heimsmynd
Aristótelesar og kirkjunnar. Helstu
vandræði Galileos sköpuðust þó
við það að hann lýsti yfir stuðningi
við sólmiðjukenningu Kópernikus-
ar. Hann fékk áminningu frá kirkj-
unni og var síðar dreginn fyrir rannsóknarrétt-
inn í Róm sem dæmdi hann í lífstíðarfangelsi
fyrir villutrú. Hann var fundinn sekur árið 1633
og dæmdur í lífstíðarfangelsi en vegna aldurs og
slæmrar heilsu mátti hann sitja dóminn af sér í
stofufangelsi og gerði hann það hjá vini sínum
Piccolomini erkibiskupi í Síena.
ÞETTA GERÐIST: 8. JANÚAR 1642
Galileo Galilei andast á Ítalíu
Elskuleg eiginkona mín, móðir, tengda-
móðir og amma,
Svava Guðrún Eiríksdóttir
Tindaflöt 8, Akranesi,
lést á Sjúkrahúsi Akraness miðvikudaginn 2. janúar.
Útförin fer fram frá Akraneskirkju föstudaginn
11. janúar kl. 14.00.
Guðjón Pétursson
Björgvin Guðjónsson Sólrún Hulda Ragnarsdóttir
og ömmubörn.
Innilegar þakkir fyrir auðsýnda vináttu og
samúð vegna andláts og útfarar elskulegrar
systur okkar, mágkonu og frænku,
Guðrúnar Elsu
Erlendsdóttur
Vesturgötu 102, Akranesi.
sérstakar þakkir til starfsfólks sambýlisins á Vesturgötu
102 fyrir einstaka umhyggju og velvild.
Þorvarður Ellert Erlendsson Áslaug Valdimarsdóttir
Hafsteinn Erlendsson,
Birgir Þór Erlendsson
og aðrir aðstandendur.
Elskulegur eiginmaður minn og besti
vinur, faðir, tengdafaðir, afi og langafi,
Björn Eiríksson
bifvélavirki, Urðarbraut 11 Blönduósi,
,
lést á Heilbrigðisstofnuninni Blönduósi 4. janúar sl.
Útför hans fer fram frá Blönduóskirkju föstudaginn
11. janúar kl. 13.00.
Alda S. Theódórsdóttir
Vigdís Björnsdóttir Albert Stefánsson
Eiríkur Ingi Björnsson Kristín Guðmannsdóttir
barnabörn og barnabarnabörn.
Ástkær móðir okkar, tengdamóðir, amma
og langamma,
Arndís Theódórs
Stórási 9, Garðabæ, áður Dalseli 6,
Reykjavík,
verður jarðsungin frá Háteigskirkju fimmtudaginn
10. janúar kl. 11.00
Borgar Skarphéðinsson Sesselja Svavarsdóttir
Guðmar Guðmundsson Karitas Sigurðardóttir
Hólmfríður Guðmundsdóttir Sveinn Ingi Sigurðsson
barnabörn og langömmubörn.
Hjartkær eiginmaður minn, faðir okkar,
tengdafaðir, afi og langafi,
Stefán Hermann Eyfjörð
Jónsson
Dalbraut 14, Reykjavík,
verður jarðsunginn frá Langholtskirkju í dag kl. 13.00.
Þórey Gísladóttir
Jón Bjarni Eyfjörð Stefánsson Svanborg Oddsdóttir
Elís Stefán Eyfjörð Stefánsson Sigríður Albertsdóttir
Jóna Gísley Eyfjörð Stefánsdóttir Geirmundur
Geirmundsson
afabörn og langafabörn.
Dagana 8.-12. janúar bjóða
starfsmenn Framkvæmda-
sviðs íbúum borgarinnar að
sækja jólatréð þeirra.
Íbúar eru beðnir að setja
jólatré á áberandi stað við
lóðamörk og ganga þannig
frá þeim að sem minnst-
ar líkur séu á að þau fjúki.
Fjúkandi jólatré geta valdið
skemmdum.
Eftir að átakinu lýkur
geta íbúar losað sig við jóla-
tré á gámastöðvum Sorpu.
Íbúar eru einnig hvattir
til að hreinsa upp flugelda-
rusl í nágrenni sínu og
hjálpast þannig að við að
halda borginni hreinni.
Þeir sem vilja koma
ábendingum eða óskum
til hverfisstöðva geta haft
samband við Reykjavíkur-
borg í síma 4 11 11 11.
Trén sótt heim

JÓLIN ERU LIÐIN Kominn tími
til að losa sig við trén og taka á
móti hækkandi sól.