Fréttablaðið - 08.01.2008, Blaðsíða 22

8. JANÚAR 2008 ÞRIÐJUDAGUR2 ● fréttablaðið ● verktakar
Hann er þekktur í verktaka-
bransanum sem Gassi en heitir
réttu nafni Garðar Þorbjörns-
son og rekur fyrirtækið Urð og
grjót. Jarðvegsvinna, línu-
lagnir og gerð göngustíga eru
aðalviðfangsefnin.
Jólafríið stendur enn yfir hjá
flestum starfsmönnum í Urð og
grjóti þegar hringt er í Gassa og
hann beðinn um viðtal. „Nú er
maður bara á kafi í pappírsvinnu
eins og hún er skemmtileg eða hitt
þó heldur,“ byrjar hann og bætir
við. „Ég vil þúsund sinnum held-
ur vera ofan í skurði að moka en
að sinna svona skrifstofuvinnu.
Tel að Bandaríkjamenn ættu að
afnema pyntingar og láta menn í
pappírsvinnu í staðinn!“
Starfsmenn hjá Urð og grjóti
eru yfirleitt 15 til 17 að sögn
Gassa. Þeir fást aðallega við jarð-
vegs- og lagnavinnu. „Mest erum
við að vinna í holræsum, að leggja
hitaveitu- rafmagns- og síma-
kapla. Síðasta eitt og hálfa árið
höfum við verið mikið í miðbæ
Reykjavíkur að breyta lögnum
út af nýja tónlistarhúsinu. Erum
nær eingöngu núna á höfuðborg-
arsvæðinu en svo höfum við líka
sinnt Búrfellslínu, undirstöðum
undir línuvirki og fleiru,“ lýsir
hann.
Aðspurður kveðst Gassi eiga
fyrirtækið Urð og grjót ásamt
konu sinni Ásdísi Tómasdóttur.“
Það hafi verið á hans nafni fyrst
eftir að það hóf göngu sína árið
1977 en svo hafi því verið breytt
í Urð og grjót ehf. árið 1999. „Það
tók enginn eftir okkur meðan allt
var á mínu nafni og ómerkt en svo
fórum við að merkja tækin og þá
vekja þau talsverða athygli. Því
fylgja svo bæði kostir og gall-
ar. Mikið áreiti af ýmsu tagi en
auðvitað eru líka kostir við það
að vera sýnilegur.“ Hann segir
starfsemina líka hafa breyst með
árunum. „Fyrst var verið að vinna
fyrir Vegagerðina, Vitamála-
stjórn og borgina. Þá var allt gert
í tímavinnu en svo þróaðist þetta
og breyttist og færðist meira í að
verk væru boðin út. Í dag er allt
unnið í tilboðsvinnu.“
Að sjálfsögðu fylgir fullt af
tækjum fyrirtæki á borð við Urð
og grjót. „Við eigum sautján bíla,“
segir Gassi. „Þar með talda minni
vinnubíla. Við erum mest með
Benz-vélar og svo O&K sem var
stórveldi í Þýskalandi á sínum
tíma. Þú sérð það þegar þú ferð í
Leifsstöð og Kringluna að þar eru
rúllustigar merktir O&K.“
Að lokum nefnir Gassi eitt
verkefni sem Urð og grjót hefur
sinnt síðustu fjórtán árin í tilboðs-
vinnu fyrir borgina. Það er göngu-
stígagerð.
„Við höfum lagt stíga í Foss-
voginum, Elliðaárdalnum, Graf-
arvoginum, Grafarholtinu, Breið-
holtinu og bara nefndu það,“ segir
hann. „Það vilja allir fá göngu-
stíga, bara ekki við hliðina á sér.
Þess vegna erum við stundum
óvinsælir. En maður kippir sér
ekki upp við það.“ - gun
Pappírsvinna er pyntingar
Gassi var á skrifstofunni þegar Gunnar V. Andrésson ljósmyndari kom að mynda
hann. Hann kveðst samt kunna betur við sig úti í skurði að moka. FRÉTTABLAÐIÐ/GVA
Byggingar rjúka upp víðs vegar um bæ-
inn og borgarlandslagið fær nýjan svip.
Í Hraunbænum er verið að byggja um
2.700 fermetra hús á tveimur hæðum.
Á lóðinni að Hraunbæ 115 er nýhafin bygg-
ing á tveggja hæða húsi sem mun meðal
annars hýsa heilsugæsluna í Árbæ, apótek
og aðra tengda starfsemi. Byggingafyrir-
tækið Ris ehf. sér um framkvæmdir fyrir
Faghús ehf. og arkitekt hússins er Pétur
Örn Björnsson en verkfræðiþjónusta er í
höndum Tæknivangs ehf.
„Verkefni okkar er að steypa upp húsið
og fullklára það að utan og reiknum við með
að ljúka því í byrjun júlí næstkomandi,“
segir Magnús Jónsson, framkvæmdastjóri
Ris ehf.
„Það eru einhverjir tíu menn að vinna
við þetta í augnablikinu og verða kannski í
kringum tuttugu karlar þegar allt er í full-
um gangi,“ segir hann og útskýrir að Ris
ehf., sem er millistórt byggingafyrirtæki,
sé töluvert í því að byggja og selja eigin
mannvirki og hafi mörg járn í eldinum.
„Við höfum ekki tafist stórlega þó tíðin sé
búin að vera leiðinleg seinni hluta vetrar
en við erum að byggja stúku við FH-völlinn
og nýja búningsaðstöðu þar, einnig erum
við að byggja íbúðir á Löngulínu og versl-
unarhúsnæði í Skógarlind og svo erum við
að ljúka 7.000 fermetra verslunarhúsnæði
í Miðhrauni sem verið er að taka í notkun
þessa dagana.“ segir Magnús. - rt
Heilsugæsla rís í Árbænum
Nýja byggingin við Hraunbæ mun hýsa heilsugæsluna í Árbænum.
Teikning af húsinu við Hraunbæ. Arkitekt er Pétur Örn Björnsson.
Byggingaframkvæmdir í Hraunbæ 115.
Menn við vinnu sína í grunninum við Hraunbæ.
Ris ehf. reisir tveggja hæða hús við Hraunbæ 115 fyrir Faghús ehf.
MYND/AUÐUNN