Fréttablaðið - 27.01.2008, Blaðsíða 90
12 FERÐALÖG
Skógar Transylvaníu
Hvernig væri að skjóta smá got-
neskri hryllingsrómantík í lífið?
Rúmenía býður upp á ævintýra-
legt landslag – skógi vaxnar hæðir
þar sem birnir og úlfar ráfa um
villtir, og bændur á hestvögnum á
rólegum sveitavegum. Rúmenía
er að sjálfsögðu líka fæðingar-
staður Drakúla greifa eða Vlad
stjaksetjara þrátt fyrir að heima-
menn segi vampíruna hreinan
uppspuna írska rithöfundarins
Bram Stoker. Það er samt eflaust
sniðugt að pakka hvítlauk í ferða-
töskuna. Prófið gistiheimili Kal-
nokys greifa á www.transylvani-
ancastle.com
Sund og safarí í Malaví
Afríka er án efa einn heitasti
áfangastaðurinn árið 2008 og
ógrynni af áhugaverðum stöðum
að velja úr hvort sem það eru
safarí- eða strandferðir. Spenn-
andi hótel verður til dæmis opnað
í Malaví í júlí en það er tíu her-
bergja skáli við Malavívatn með
útsýni yfir hvíta strönd. Farið er í
safaríferðir snemma á morgnana
þegar dýrin eru á ferli og svo synt
í kristalstæru vatninu undir heitri
Afríkusól um eftirmiðdaginn.
Athugið ferðir á www.western-
oriental.com
Leiktu Bond í Oman
Zighy Bay á Musandan-skaga er
óneitanlega ríkmannlegasti
áfangastaður ársins. Eigendurnir
segja að þeir hafi viljað mótsvar
við hættulausu lífi okkar og bjóða
þér meðal annars að mæta á stað-
inn í svifdreka, klifra í döðlu-
pálmatrjám og klífa hin einstöku
Hajar-fjöll. Svo getur maður
slakað á í hefðbundnum miðaustur-
lenskum villum. Athugið www.
theprivatetravelcompany.co.uk
Túristalaus Kanaríeyja
Íslendingar flykkjast til Kanarí á
veturna og slík túristamergð höfð-
ar ekki til allra. Hins vegar er
eyjan El Hierro blessunarlega
ferðamannalaus og er einstaklega
athyglisverð. Einungis er hægt að
nálgast þessa eldfjallaeyju með
ferju og hún er dálitið ógnvekj-
andi sjón þar sem hún rís hátt upp
úr sjónum. Flestir eyjarskeggjar
búa svo ofan í eldgígnum El Golfo
í höfuðborginni Valverde.
De Niro-hótel í New York
Íbúar stóra eplisins bíða spenntir
eftir opnun hótelsins Greenwich
Hotel í TriBeCa (www.greenwich-
hotelny.com) sem er í eigu stórleik-
arans Roberts De Niro. Heyrst
hefur að innanhússhönnunin sé
guðdómleg og skartar hún að sögn
meðal annars sundlaug sem er upp-
ljómuð af gamaldags lugtum og
veitingastað þar sem loftið er búið
til úr nítíu þúsund vínkorkum.
Indiana Jones-fílingur í Sýrlandi
Fyrir þá sem njóta þess að upplifa
nýjan menningarheim er borgin
Aleppo í Sýrlandi fullkomin. Hún
er uppfull af skrýtnum götumörk-
uðum þar sem auðvelt er að villast
af leið og minnir mikið á fyrstu
Indiana Jones-myndina. Prófaðu
að gista í hinu klassíska Baron
Hotel eða á Beit Wakil (www.beit-
wakil.com).
Hjólaðu á lestarteinum í Svíþjóð
Daltrail er stórsniðugur hjólavagn
sem er notaður á gömlum lestar-
teinum í vatnahéraðinu Svanskog
fyrir norðan Gautaborg. Þú hjólar
sumsé eftir teinunum í villtri nátt-
úru þar sem enga vegi er að finna
en elgir eru fjölmargir. Á áfanga-
stað getur þú svo slegið upp tjaldi
eða snúið heim eftir ánni á kanó.
Kíktu á www.daltrail.se
Marquez-stemning í Kólumbíu
Cartagena í Kólumbíu er sögusvið
meistaraverksins Ástin á tímum
kólerunnar eftir Gabriel Garcia
Marquez. Borgin er fræg fyrir
eitur lyf og ofbeldi, en það sem
kemur á óvart við hana nú til dags
er að hún er ekkert hættuleg. Carta-
gena er hins vegar afskaplega sjar-
merandi með gömlum spænskum
byggingum og einnig er hægt að
skreppa í ævintýraferðir í Amazon-
frumskóginn og í Andes-fjöllin.
Athugið www.lastfrontiers.com
Lemúrdýr og kameljón á Mada-
gaskar
Munið þið ekki eftir teiknimynd-
inni? Madagaskar er ekkert ósvip-
uð henni, fáir ferðamenn og und-
arlegar dýrategundir. Nú býðst
lúxusdýrum fágætur kostur á eyj-
unni við Afríkustrendur, en það er
Mandrare River Camp í skógum
Ifotaka í suðri. Þar er einnig hægt
að heimsækja forna grafreiti og
læra að skjóta úr teygjubyssu eins
og innfæddir. Athugið www.
audleytravel.com
Buddha Bar hótel í Prag
Meginstraumurinn liggur til Tall-
inn þessa dagana þannig að smart-
settið er farið að fara aftur til Prag.
Ekki er nóg með að þessi miðalda-
borg í Mið-Evrópu sé undurfögur
heldur er verið að opna þar nýtt
hótel með sömu eigendum og hinn
frægi Buddha Bar. Hótelið heitir
www.buddha-bar-hotel.com. Einnig
er breski hótelmaðurinn Rocco
Forte að opna nýtt hótel í gömlu 13
aldar klaustri sem kallast The Aug-
ustine (www.roccofortecollection.
com) og á að vera súper smart.
Glamúr í Beirút
Einu sinni var þessi stríðshrjáða
borg nefnd París Mið-Austurlanda
og þotuliðið þyrptist þangað. Berút
er enn dásamlega litrík borg þar
sem fólk kann sannarlega að borða
góðan mat og skemmta sér. Hinn
breski Gordon Campbell Gray
opnar hótelið Le Gray í sumar og
segir sjálfur að Beirút sé heimsins
skemmtilegasta borg. Eina hættan
sem gestir hans geti lent í sé að
freistast til að reykja vindil á
hinum ofurfallega vindlabar á hót-
elinu. www.campbellgrayhotel.
com. Hægt er að fljúga til Beirút
með bæði British Airways frá
London og Air France frá París.
www.campbellgrayhotels.com
Villtar nætur á Mykonos
Þessi gríska eyja er víðfræg fyrir
næturlíf sitt og er reyndar einnig
vinsæll áfangastaður samkyn-
hneigðra. Flottir næturklúbbar
eru meðal annars Cavo Paradiso
(www.cavoparadiso.gr) og The
Paradise Club (www.paradise club-
mykonos.com). Smartasta hótelið
er án efa Mykonos Grace, sem er
gert upp í Philippe Starck-stíl þar
sem öll herbergi skarta stórum
svölum með heitum pottum. (www.
mykonosgrace.com)
Hverjir eru svölustu og skemmtilegustu staðirnir á
komandi ári? Hér eru nokkrir áfangastaðir úr alfaraleið.
HEITT ÁRIÐ 2008