Fréttablaðið - 27.01.2008, Blaðsíða 92
14 FERÐALÖG
PÓSTKORT
FRÁ BÓLIVÍU
Klængur Gunnarsson ferðaðist til Cochabamba
Cochabamba er þriðja stærsta borg Bólivíu og ein sú mest lifandi. Meðal
annars er hægt finna risastóra útimarkaðinn „La Cancha“ en hann er lík-
legast sá stærsti í Suður-Ameríku. Þar er hægt að finna allt frá litríkum
fatnaði innfæddra, varahlutum í reiðhjól, mat, hljóðfæri og fleira. Lífið
í þessari borg sem heimamenn kalla „Borg eilífs vors“, vegna afar milds
veðurfars allan ársins hring, er fjölbreytt og litríkt. Á hverju götuhorni
í miðbænum selur fólk ýmsar vörur, tónlistarmenn spila á torgum og
himinhá stytta af Jesú teygir anga sína og vakir yfir bænum.
UPPÁHALDSVERSLUNARGATAN: Fillmore St. í Pacific
Heights. Þar eru allar litlu búðirnar sem alltaf vantar í
miðbæina í stórborgum. Laust við Gap, Old Navy og fleiri
leiðinlegar keðjuverslanir.
FALLEGASTA KAFFIHÚSIÐ TIL AÐ STOPPA Á: Farley´s á
18du í Potrero Hill er alltaf jafn frábært. Ásamt góðu kaffi
og bakkelsi fást þar bestu og flottustu tímaritin. Starfsfólkið
er það svalasta sem fyrirfinnst og því álítur maður sig hálf
heppinn að hafa lent þar inni. www.farleyscoffee.com
SMARTASTI BARINN: Endalaust margir flottir og allar gerðir
í boði. Bestu hverfin til að fá sér drykk eru Haight og Lower
Haight, ásamt SOMA-hverfinu (South of Market) sem er þó
heldur skuggalegt, en fólk lætur það sjaldan stoppa sig.
Valencia Street í Mission-hverfinu býður líka upp á fjölmarga
möguleika.
EKKI MISSA AF ... Útsýninu uppi á Twin Peaks, og Bay to
Breakers-hlaupinu sem árlega er haldið þriðja sunnudag í
maí. Þó að þeir hafi nýlega bannað nekt eru hlaupararnir
oftar en ekki af skrautlegri gerðinni.
NEFNDU TVO BESTU VEITINGASTAÐINA Í BORGINNI: Nopa
á Divisadero við Hayes er í dýrari kantinum en þó þess virði,
og biðarinnar. Magnolia Bistro á Haight við Masonic býður
svo upp á klassískari pöbbamat og eigin bjórframleiðslu
með San Francisco-tvisti, allt náttúrulegt og framleitt í
heimabyggð.
HVAR ER HÆGT AÐ UPPLIFA HINA GÖMLU HIPPASTEMN-
INGU BORGARINNAR? Á Haight Street er fræga hippa-
hornið Haight/Ashbury. Þar í kring lifir þessi gamli tími góðu
lífi (um of á köflum) og margir virðast hafa festst í skynörv-
andi skræpóttum bolum sem anga stöðugt af ódýru reykelsi.
NÝJASTA UPPGÖTVUNIN ÞÍN ? Kaffihúsakeðjan Boulang-
erie Bay Bread. Erfitt að finna betri dögurð í bænum, og
súperfínt kaffi.
BESTI STAÐURINN TIL AÐ FARA MEÐ BÖRN: Fisherman´s
Wharf og sæljónin þar ættu að slá í gegn, sem og Alcatraz-
fangelsið en hægt er að sigla þangað og fara í leiðsögutúr
um gangana. Dagskrá Golden Gate-garðsins er svo hægt að
skoða en þar eru reglulegar uppákomur fyrir fjölskyldufólk.
ÞAÐ SEM KEMUR MEST Á ÓVART VIÐ SAN FRANCISCO ER
… Hversu auðvelt er að rata um göturnar. Ef hægt er að ná
sáttum við að sjó sé að finna í þrjár áttir er þetta leikur einn.
Einnig furða ég mig enn á hversu ólíkt veðurfar getur fundist
milli hverfa í borginni en hæðirnar og dalirnir og sjórinn allur
skapa mörg lítil veðursvæði.
HEIMAMAÐURINN
KRÍSTÍN AGNARSDÓTTIR,
GRAFÍSKUR HÖNNUÐUR OG NEMI
SAN FRANCISCO