Fréttablaðið - 27.01.2008, Blaðsíða 16

16 27. janúar 2008 SUNNUDAGUR
E
ngir tveir dagar eru
eins og aldrei hægt að
vita hvernig dagurinn
verður,“ segir Hrönn
Harðardóttir, leik-
skólakennari og deild-
arstjóri á yngri deild á leikskólan-
um Hamraborg í Reykjavík.
Hrönn lýsir starfi leikskólakenn-
ara sem köllun en um leið sé það
mjög lýjandi bæði andlega og lík-
amlega. „En ánægjan við starfið
vegur svo sannarlega upp á móti
hinu.“
Þrátt fyrir ánægjuna er auðvelt
að koðna niður í starfi sem leik-
skólakennari segir Hrönn og að
besta ráðið til að koma í veg fyrir
það sé símenntun, „Þetta er gef-
andi og skemmtilegt starf en um
leið bæði andlega og líkamlega
lýjandi. Maður er dauðuppgefinn
að vinnudegi loknum eftir að hafa
haldið á og hlaupið á eftir smá-
börnum allan daginn og það er
stutt á milli þess að finnast mjög
skemmtilegt í vinnunni og mjög
leiðinlegt. Ég held að mörkin þar á
milli séu þau að ef þú heldur þér
ekki á tánum, til dæmis með því að
fara á fyrirlestra, námskeið og í
heimsókn á aðra leikskóla, þá
brennur þú einfaldlega út.“
Reglulega er fjallað í fjölmiðl-
um um manneklu á leikskólum.
Hrönn segir ástandið á sínum leik-
skóla mun betra en víða annars
staðar en þó fari þau ekki varhluta
af þessu vandamáli. „Við leik-
skólakennararnir höldum alltaf
morgunfundi klukkan níu á morgn-
ana til að fara yfir stöðuna og það
er púsl á hverjum einasta degi.
Maður er alltaf að reyna að redda
hverjum degi. Oft tökum við bara
fyrir hálfan dag í einu og hittumst
svo aftur í hádeginu til að skipu-
leggja seinni part dags. Það hræði-
legasta sem við lendum í að gera
er að þurfa að loka deildum. En þá
erum við líka alveg komin út á
ystu nöf.“
Sá mikli skortur sem er á leik-
skólakennurum skýrist að mati
Hrannar að mestu leyti af launa-
málum. „Fólk menntar sig í þessu
og hverfur síðan í önnur störf eða
vill jafnvel mennta sig í þessu en
sér ekki tilganginn út af slæmum
launum. Mikil og jákvæð þróun
hefur hins vegar orðið í launamál-
um leikskólakennara. Auðvitað er
langt í land ennþá en nú til dags
finnst mér að fólk ætti ekki að
setja launin fyrir sig því þau eru
ekki það slæm. En þá er ég að tala
um leikskólakennara, almennur
starfsmaður er enn langt á eftir.“
Hvað sem álagi, launamálum og
manneklu líður segist Hrönn ekki
geta hugsað sér annað starf. „Þetta
er það sem ég lifi fyrir, það má
eiginlega segja að þetta sé köllun.
Morgnarnir eru ekki þannig að ég
eigi erfitt með að vakna og nenni
ekki í vinnuna, heldur sprett ég á
fætur og hlakka til að mæta í hvert
sinn.“ ■
Hlakka til að mæta í hvert sinn
Mannekla og tímabundnar lokanir á deildum eru iðulega umfjöllunarefnið þegar leikskólar eru í fréttum og mæðir mikið á
þeim kennurum sem eru starfandi á leikskólunum. Sigríður Dögg Guðmundsdóttir blaðamaður og Arnþór Birkisson ljósmyndari
fengu innsýn í hvernig vinnuvikan gengur fyrir sig hjá Hrönn Harðardóttur, leikskólakennara og deildarstjóra.
ÆVINTÝRI EINARS ÁSKELS LESIN Hrönn segir ómögulegt að stimpla sig alveg út í lok vinnudags. „Ég er alltaf með hugann við vinnuna. Ég er til dæmis barnlaus og tengist
börnunum sem ég vinn með mjög sterkt. Ég er náttúrlega með þau lungann úr vökutíma þeirra og sé þau miklu meira vakandi en foreldrar þeirra. Sem leikskólakennari þarf
ég að hafa mikla yfirsýn yfir hópinn og fylgjast með hverju einasta barni, þroska þess, framförum og afturförum ef því er að skipta.“
HRÖNN ÁSAMT KRISTÓFER SYSTURSYNI SÍNUM Leikskólakennarar sem eiga börn
kjósa yfirleitt að vinna með börn á aldri sem er andstæður þeirra eigin barna að
sögn Hrannar. „Meðan þeirra börn eru lítil vilja þeir vinna með eldri börn. Svo þegar
þeirra börn eldast færa þeir sig kannski á yngri deild. Það er náttúrlega mikið að
vinna með tveggja ára börn allan daginn og vera svo með tveggja ára barn utan
vinnu líka.“
SKRAFAÐ Á KAFFISTOFUNNI Leikskóla-
kennarar hafa þriggja ára háskólanám
að baki og margir bæta síðan við
einhverri sérmenntun að sögn Hrannar.
„Það er umræða um það núna að gera
þetta að fimm ára námi með masters-
gráðu. Mér finnst gott að það sé í boði
en ég er hrædd um að verði það skylda
fæli það marga frá þessu námi. Til
samanburðar getur fólk útskrifast sem
viðskiptafræðingar eftir þriggja ára nám.“
ELDAÐ Á HEIMILINU Meðan Hrönn var í leikskólakennaranáminu fór hún til Finn-
lands sem skiptinemi og kom þangað seinna til að vinna sem leikskólakennari.
Námsdvölin reyndist örlagarík þar sem Hrönn kynntist þar sambýlismanni sínum,
Johnny Turtiainien.
MÁNUDAGUR Vinnudagur hefst
klukkan átta að morgni. Klukkan níu
er morgunfundur þar sem leikskóla-
stjórinn og deildarstjórarnir fara yfir
daginn. „Síðan tekur við hópastarf, val
og útivera með börnunum. Vinnudeg-
inum lýkur rúmlega fjögur þar sem
það vantar starfsfólk og ég þarf að
vera aðeins lengur.“ Klukkan fimm er
mánaðarlegur starfsmannafundur og
að honum loknum deildarfundur til að
fara yfir stöðu mála á deildinni.
ÞRIÐJUDAGUR Hrönn mætir
í vinnu klukkan átta og klukkan níu
er morgunfundur. „Á milli tíu og eitt
er ég í undirbúningstíma þar sem ég
skipulegg starfsemi deildarinnar og
undirbý komu lítillar stúlku sem byrjar
aðlögun í næstu viku. Eftir það er ég
inni á deild til klukkan fjögur þegar
vinnudegi lýkur.
MIÐVIKUDAGUR Mætt klukkan
átta og klukkan níu er morgunfundur.
„Í dag er listaskáladagur. Þá fer ég með
börnin í litlum hópum í kjallarann þar
sem listakennarinn tekur á móti okkur
og við vinnum skemmtileg skapandi
verkefni. Vinnudegi lýkur rúmlega hálf
fimm sökum manneklu.“
FIMMTUDAGUR Mætt klukkan
átta. „Klukkan níu er morgunfundur
og við skipuleggjum daginn. Síðan er
hópastarf, val og útivera með börn-
unum. Vinnudegi lýkur um klukkan
fjögur.“
FÖSTUDAGUR Mætt klukkan
átta og morgunfundur klukkan níu
þar sem dagurinn er skipulagður. „Á
milli hálftíu og ellefu höldum við síðan
deildarstjórafund þar sem deildarstjór-
arnir bera saman bækur sínar hvað
varðar starfið og skipuleggja stærri
viðburði fram undan eins og þorrablót
barnanna og öskudaginn. Dagurinn
gengur sinn vanagang þar til vinnudegi
lýkur klukkan fjögur.“
VIKAN