Fréttablaðið - 27.02.2008, Qupperneq 22

[ ]Farangur þarf ekki að vera mikill ef skynsamlega er pakkað niður. Takið einungis með ykkur nærföt til skiptanna og auka sokkapar, greiðslukortið ætti svo að duga fyrir öðru.
Íslenska fjölskyldufyrirtækið Seaways
rekur seglskútuleigu í Göchek í Suður-
Tyrklandi. Það mun standa fyrir tveimur
skútusiglinganámskeiðum í apríl fyrir
þá sem hafa aflað sér bóklegra skip-
stjórnarréttinda.
„Á námskeiðunum fer fram verkleg
kennsla fyrir allan þann fjölda af punga-
prófskonum og -körlum sem hafa aflað sér
réttinda undanfarin ár,“ segir Önundur
Jóhannsson flugstjóri, einn eigandi fyrir-
tækisins og stjórnandi námskeiðanna. Hvert
námskeið stendur yfir í tíu daga og hefst
það fyrra hinn sjöunda apríl og hið seinna
hinn átjánda. Fyrra námskeiðið hefst í
Göceck og lýkur í Antalya en hið seinna
hefst í Antalya og lýkur í Göceck. „Farið
verður í skemmri siglingar á Göcek-flóa
auk lengri ferða og nætursiglinga. Áð
verður og varpað akkerum í fallegum
víkum en þátttakendur munu búa um borð á
meðan á námskeiðinu stendur,“ segir
Önundur.
Nemendur koma til með að fá þjálfun í
stjórnun seglskipa, sem og annarri vinnu
um borð að sögn Önundar. Sú vinna felur í
sér skipsstjórn, notkun siglingatækja og
beitingu skips, seglbúnaðar og vélar við
ýmiskonar aðstæður. „Þarna gefst einstakt
tækifæri til að sigla í fallegu umhverfi við
frábærar aðstæður,“ segir Önundur, en að
námskeiði loknu öðlast þátttakendur
réttindi til að stjórna seglskipum. Þeir
verða þó að hafa lokið bóklegu prófi.
Auk námskeiðanna mun Seaways vera
með skútur í tveimur siglingakeppnum í ár.
„Við munum taka þátt í 9th International
Göcek Regatta og 6th International Autumn
Regatta. Við verðum með nokkrar skútur í
báðum keppnum og er fólki frjálst að hafa
samband og skrá sig,“ segir Önundur.
Nánari upplýsingar má finna á www.
seaways-sailing.com vera@frettabladid.is
Nemendur búa um borð
Önundur Jóhannsson kennir réttu seglskútuhandtökin.
Seaways var með skútur í 8th International Göcek Regatta siglinga-
keppninni síðastliðið vor og mun einnig taka þátt í ár.
Áð í fallegri vík á leiðinni.
Iceland Express er fimm ára
í dag og býður af því tilefni
fimm þúsund flugsæti á 6.995
krónur.
„Það er alltaf gaman í afmælis-
veislum og við viljum gefa öllum
kost á að taka þátt í þessari með
okkur,“ segir Linda Sörensen,
sölufulltrúi hjá Iceland Express,
um þau fimm þúsund flugsæti
sem þar eru til sölu á spottprís í
dag og á morgun. Áfangastaðirnir
eru fimm; Alicante, Barcelona,
Berlín, London og Kaupmanna-
höfn og verðið aðra leiðina er bara
6.995 með öllum sköttum og gjöld-
um. Ferðatímabilið er frá 1. mars
til 15. maí þannig að nú þarf fólk
að fara að skipuleggja vorfrí.
Salan hefst klukkan 12 á hádegi
í dag stundvíslega og lýkur klukk-
an 17 á morgun, fimmtudag. Að
sögn Lindu er mikill áhugi hjá
þjóðinni á að nýta sér afmælis-
boðið. „Fimm ára afmæli eru
gjarnan dálítið lífleg og þetta
verður engin undantekning,“
segir hún glaðlega. - gun
Afmælisfjör Express
Barcelona er einn af áfangastöðunum
í afmælistilboði Iceland Express. Ekki
dónalegt að spóka sig um á Römblunni
í apríl.
Langferðalagið
undirbúið vel
GOTT ER AÐ KYNNA SÉR TILVON-
ANDI ÁFANGASTAÐI VEL ÁÐUR EN
LAGT ER AF STAÐ.
Ferðahandbækur eru mjög snið-
ugar og gaman getur verið að lesa
sér svolítið til um þau lönd sem
stendur til að heimsækja áður en
ferðalagið hefst. Þegar komið er
á staðinn getur svo verið gott að
nota bækurnar til þess að finna
áhugaverða staði, veitingahús og
hótel.