Fréttablaðið - 16.03.2008, Blaðsíða 2
2 16. mars 2008 SUNNUDAGUR
noatun.is
LÉTTIR ÞÉR LÍFIÐ
Gott í helgarmatinn
29% afsláttur
498 kr.kg.
Grísabógur hringskorinn
TILBOÐ!
ÍTALÍA Háskólakennarinn Augusto
Cavadi hefur gefið út handbók
um mafíuna, Cosa Nostra, sem
hefur aðsetur á Sikiley. Hann hafði
fengið nóg af því að svara sífellt
spurningum um mafíuna og brá
því á það ráð að skrifa 55 blaðsíðna
handbók um hana.
Cavadi er kennari í afbrotafræð-
um og sérfræðingur um mafíuna.
Í bókinni svarar hann spurningum
eins og þeirri hvort mafían drepi
presta, konur og börn, og hvort
guðfaðir mafíunnar líti í raun út
eins og Marlon Brando. Þá er listi
yfir bækur og kvikmyndir sem
höfundurinn segir gefa raunsæja
mynd af mafíunni. - þeb
Háskólakennari á Ítalíu:
Gefur út bók
um mafíuna
DÓMSMÁL Hafskipsmálið verður rakið í nýrri bók
sem kemur út um mánaðamótin. Þar tekur Stefán
Gunnar Sveinsson hagfræðingur saman eitt
umdeildasta saka- og gjaldþrotamál síðustu áratuga.
Bókin er afrakstur einkarannsóknar sem hópur
sérfræðinga hefur gert á málinu, og Fréttablaðið
sagði frá.
Erfiðleikar voru í rekstri skipafélagsins Hafskips
á árinu 1985 og var það tekið til gjaldþrotaskipta.
Fjórir voru dæmdir til refsingar í Hæstarétti árið
1991. Þyngstan dóm hlaut Björgólfur Guðmundsson
sem hafði verið forstjóri. Hann fékk tólf mánaða
skilorðsbundið fangelsi.
Í október sagði Fréttablaðið frá því að Hafskips-
mennirnir Björgólfur Guðmundsson, Páll Bragi
Kristjónsson og Ragnar Kjartansson stæðu að baki
ítarlegri úttekt á málinu, sem fjöldi lögfræðinga og
sagnfræðinga ynnu að. Samkvæmt heimildum
Fréttablaðsins er bókin, sem heitir „Afdrif Hafskips
í boði hins opinbera“, afrakstur þessarar rannsóknar.
„Við skulum segja að þetta sé fyrst og fremst
skilmerkileg samantekt á málinu en ég er klár á því
að augu margra munu opnast þegar bókin kemur út,“
segir Jóhann Páll Valdimarsson, útgáfustjóri JPV
sem gefur bókina út. „Þarna verður fjallað um
ýmislegt sem hefur ekki komið fram.“ - sþs
Afrakstur einkarannsóknar á einu umdeildasta saka- og gjaldþrotamáli síðari ára:
Hafskipsmálið reifað í bók
HEILBRIGÐISMÁL Þingflokkur Vinstri grænna segir mikil-
vægustu heilbrigðisstofnunum landsmanna haldið í fjár-
hagslegri spennitreyju. Upplausnarástand hafi skapast í
heilbrigðiskerfinu vegna framgöngu Guðlaugs Þórs
Þórðarsonar heilbrigðisráðherra.
„Vinstrihreyfingin - grænt framboð mun ekki láta rík-
isstjórn Sjálfstæðisflokks og Samfylkingar komast þegj-
andi og hljóðalaust upp með að vinna óbætanleg skemmd-
arverk á heilbrigðiskerfinu og flæma þaðan burtu í
stórum stíl mestu verðmæti þess, starfsfólkið,“ segir í
ályktun þingflokksins.
Sjálfur þvertekur Guðlaugur fyrir að heilbrigðis-
stofnanir séu í fjárhagslegri spennitreyju. Fjárheimild-
ir til Landspítalans hafi þvert á móti verið auknar í fjár-
lögum og fjáraukalögum. „Ég hvet menn til að skoða
úttekt Efnahags- og framfarastofnunar OECD á heil-
brigðismálum,“ segir hann. „Þar bendir ekkert til þess
að heilbrigðiskerfið hafi þurft að þola fjársvelti eða nið-
urskurð.“
Guðlaugur bætir við að menntunar- og mönnunarmál
séu tvö af þeim stóru verkefnum sem heilbrigðisþjón-
ustan þurfi að takast á við. „Það er eitthvað sem við
tökum mjög alvarlega, og munum fara í þær ráðstafanir
sem við teljum að muni hjálpa til við að mæta því.“ - sþs
Vinstri grænir segja heilbrigðisstofnanir í spennitreyju, ráðherra vísar því á bug:
VG beinir spjótum að Guðlaugi Þór
LANDSPÍTALINN Í ályktun þingflokks Vinstri grænna segir að
vinnuálag fari þegar vaxandi á undirmönnuðum deildum
heilbrigðisstofnana og vöktum sé breytt í óþökk starfsfólks.
FRÉTTABLAÐIÐ/PJETUR
UPPHAFIÐ Hinn 6. júní 1985
fjallaði Helgarpósturinn um
málefni Hafskips í grein
sem bar yfirskriftina „Er Haf-
skip að sökkva?“ Í kjölfar
greinarinnar upphófst mikil
umræða um málið, bæði í
fjölmiðlum og á Alþingi.
MENNTUN Dómurinn yfir Hannesi
Hólmsteini Gissurarsyni er ekki
síður óþægilegur fyrir Háskóla
Íslands en fyrir Hannes, að mati
Helgu Kress, prófessors við
Háskóla Íslands og höfundar
skýrslu um vinnubrögð Hannesar.
Hannes hefur verið dæmdur til
að greiða Auði, ekkju Halldórs,
eina og hálfa milljón fyrir að nýta
sér texta Halldórs í heimildarleysi
er hann skrifaði ævisögu hans.
Hannes er prófessor við Háskóla
Íslands og fellur því undir siða-
reglur skólans. Í kafla þeirra um
heiðarleika segir að kennarar setji
ekki fram hugverk annarra sem
sín eigin.
Helga sendi á föstudag bréf til
Kristínar Ingólfsdóttur rektors HÍ
og þar furðaði hún sig meðal ann-
ars á viðbrögðum rektors við dóm-
inum. Starfsmenn Háskólans
fengu afrit af bréfinu.
Hún bendir á að skólinn hljóti að
bera ábyrgð á því að starfsmenn
hans séu hæfir og kunni að vinna
rétt. Málið hafi komið upp í háskól-
anum fyrir fimm árum en verið
þaggað niður.
„Það er fyrst núna þegar það er
kominn dómur að svo virðist sem
eigi að fara að taka á því,“ segir
hún.
Málið snúist ekki um að Hannes
hafi ekki getið heimilda, heldur að
hann hafi gert annarra manna
texta og rannsóknir að sínum.
„Það sem Hannes tekur frá Hall-
dóri er varla nema þriðjungur af
öllu því efni sem hann tekur frá
öðrum, bæði rithöfundum og ekki
síst fræðimönnum. Mest tekur
hann frá Peter Hallberg, úr grund-
vallarritum hans um Halldór,“
segir Helga.
Háskólinn stefnir á að komast í
hóp hundrað bestu skóla í heimi en
rektor, Kristín Ingólfsdóttir, vill
ekki svara því hvort hún telji rit-
stuld prófessors skaða trúverðug-
leika stofnunarinnar. Enn sé of
snemmt að bregðast við dóminum,
en hún taki hann mjög alvarlega.
Spurð hvers vegna skólinn hafi
ekki tekið á málinu sjálfur, segir
hún einungis að málið hafi á sínum
tíma komið fyrir siðanefnd en þá
hafi verið ákveðið að bíða úrskurð-
ar almennra dómstóla.
Um hvers vegna ekki hafi verið
brugðist við 270 síðna skýrslu
Helgu Kress á sínum tíma, segir
rektor að hún geti ekki svarað
fyrir fyrrverandi háskólayfirvöld.
Kristínu er ekki kunnugt um
hvort Hannes er æviráðinn eður
ei og segir það ekki skipta höfuð-
máli.
„Mál af þessu tagi fara í sér-
stakan farveg, hvort sem starfs-
menn eru æviráðnir eða ekki,“
segir hún. klemens@frettabladid.is
Jafn óþægilegt fyrir
skólann og Hannes
Prófessor við HÍ segir hallærislegt að skólinn hafi ekki fjallað um mál Hannes-
ar, að fimm árum liðnum. Hannes hafi einnig tekið mikið frá fræðimönnum.
Rektori svarar engu um trúverðugleika skólans en tekur dóminn alvarlega.
HANNES HÓLMSTEINN
GISSURARSON
HELGA KRESSKRISTÍN INGÓLFSDÓTTIR
Peter Hallberg:
„Aðalpersónan í Barni náttúrunn-
ar, Randver Ólafsson, er ungur og
glæsilegur Íslendingur sem hefur
efnazt á fasteignasölu vestur
í Ameríku. Hann snýr heim til
Íslands, búinn að glata barnatrú
sinni og vonsvikinn á ástinni,“
(Vefarinn mikli, bls. 24)
Hannes Hólmsteinn:
„Önnur aðalsöguhetjan, Randver
Ólafsson, er ungur og myndarleg-
ur Íslendingur, sem hefur efnast
á fasteignasölu í Vesturheimi.
Hann hefur glatað barnatrú sinni
og orðið fyrir vonbrigðum í ásta-
málum,“ (Halldór, bls. 100)
Heimild: www.hi.is/~helga/skyrsla.htm
EFTIR HVERN?
KÍNA, AP Yfirvöld í Tíbet hafa
gefið mótmælendum frest fram á
mánudag til þess að gefast upp og
hætta mótmælum. Þá hefur
einnig verið lokað fyrir símasam-
band við útlönd úr héraðinu.
Stjórnvöld segja að tíu manns
hafi látið lífið í átökum síðustu
daga. Útlagastjórn Tíbeta segir
þrjátíu manns látna og að
óstaðfestar heimildir hermi að
hundrað til viðbótar séu látnir.
Mótmæli til stuðnings frelsis-
baráttu Tíbeta hafa farið fram
víða um heim síðustu daga.
Komið hefur til átaka mótmæl-
enda við lögreglu í Ástralíu,
Indlandi, Nepal, Sviss og í New
York í Bandaríkjunum. - þeb
Útlagastjórn Tíbeta:
Segja hundruð
hafa látið lífið
MÓTMÆLT VÍÐA UM HEIM Þessir mót-
mæltu fyrir utan kínverska sendiráðið í
Berlín í gær.
FRÉTTABLAÐIÐ/AFP
LÖGREGLUMÁL Fjögurra ára gömul
stúlka féll niður úr rúllustiga í
verslun Rúmfatalagersins á
Glerártorgi í gærdag. Fallið var
um sex metrar niður á teppalagt
gólf. Stúlkan var með ættingjum
sínum í versluninni en ekki er
vitað nákvæmlega hvernig slysið
bar að, að sögn lögreglu.
Stúlkan var flutt á slysadeild
Sjúkrahússins á Akureyri en að
sögn lögreglu var hún ekki
alvarlega slösuð. - þeb
Fjögurra ára stúlka á Akureyri:
Sex metra fall
úr rúllustiga
UTANRÍKISMÁL Vel á annað hundr-
að manns mótmælti Íraksstríðinu
í miðbæ Reykjavíkur í gær, undir
yfirskriftinni „Stríðinu verður að
linna!“.
Þau Hjalti Hugason prófessor og
neminn Steinunn Rögnvaldsdóttir
ávörpuðu mannfjöldann á Ingólfs-
torgi við góðar undirtektir.
Þess má geta að Samtök hernað-
arandstæðinga hafa sent utanríkis-
ráðherra tillögur um hvernig megi
koma á friði í Írak. - kóþ
Mótmæli í miðbænum í gær:
Stríðinu í Írak
verður að linna
Þorgils, eruð þið alveg í rusli?
„Já, ætli við endum ekki bara eins
og reyktir kjúklingar?“
Jarðeigendur í Rangárþingi ytra og kylf-
ingar eru margir hverjir ósáttir við áform
um stækkun ruslahauga og byggingu
kjúklingabús við golfvöllinn. Þorgils Torfi
Jónsson er oddviti hreppsnefndarinnar.
TÓNLIST Hljómsveitin Agent
Fresco fór með sigur af hólmi í
Músíktilraunum 2008, en úrslita-
kvöld keppninnar fór fram í
gærkvöldi. Að auki voru besti
trommarinn, besti bassaleikarinn
og besti gítarleikarinn allir úr
sigurhljómsveitinni.
Í öðru sæti urðu þau Óskar
Axel og Karen Páls, sem einnig
fengu viðurkenningu fyrir
textagerð á íslensku. Í þriðja sæti
var hljómsveitin Endless dark.
Hljómsveit fólksins var svo valin
The Nellies. Besti hljómborðs-
leikarinn var Þórður Sigurðsson
úr Blæti og besti söngvarinn
Dagur Sigurðsson úr Happy
Funeral. - þeb
Úrslitakvöld Músíktilrauna:
Agent Fresco
besta sveitin
ÚRSLITAKVÖLDIÐ Tíu hljómsveitir
komust í úrslit Músíktilrauna, en úrslita-
keppnin fór fram í Listasafni Reykjavíkur
í gærkvöldi. FRÉTTABLAÐIÐ/EYÞÓR
SPURNING DAGSINS