Fréttablaðið - 16.03.2008, Blaðsíða 74

MENNING 44
Konur hafa um langa hríð verið
stoðir í íslensku tónlistarlífi,
ekki bara sem áheyrendur
heldur ekki síður sem forkólfar í
tónleikahaldi og rekstri tónlist-
arhópa.
Í kvöld heldur Trio Nordica
upp á fimmtán ára afmæli á
Kjarvalsstöðum: þær Auður
Hafsteinsdóttir fiðla, Bryndís
Halla Gylfadóttir selló, og Mona
Kontra píanó, hafa spilað saman
reglulega í fimmtán ár. Tríóið
var stofnað 1993 af þeim Auði,
Bryndísi og Monu sem allar hafa
hlotið viðurkenningar fyrir leik
sinn. Tríóið hefur leikið í
Bandaríkjunum, Kanada og víða
í Evrópu.
Afmælistónleikarnir hefjast
kl. 20 og eru á efnisskránni verk
eftir Elfridu Andree, J. Brahms
og A. Piazzolla. Aðgangur á
þessa hátíðartónleika er ókeypis.
Trio Nordica hefur nýlega
hljóðritað verk til útgáfu og
verður það gefið út af sænska
útgáfufyrirtækinu Intim Musik.
Á afmælisárinu er fjöldi tónleika
fram undan, m.a. í Finnlandi,
Svíþjóð og á Íslandi. Trio
Nordica hefur verið boðið að
leika á tveimur tónlistarhátíðum
í sumar. Jafnframt er komin
dagsetning á kammertónlistar-
hátíð sem tríóið stendur fyrir og
eru meðlimir þess jafnframt
listrænir stjórnendur hátíðarinn-
ar. Hún verður haldin á Kjar-
valsstöðum 26., 27. og 28.
september í haust en bæði
tónleikar kvöldsins og haustsins
eru í samstarfi við Listasafn
Reykjavíkur sem hefur lagt sig
fram um að stykja Kjarvalsstaði
sem tónlistarvettvang.
Auk þess að leika helstu
meistaraverk fyrir píanótríó
leggur Trio Nordica áherslu á að
flytja verk eftir konur, norræn
tónskáld og samtímatónlist, m.a.
verk sem sérstaklega hafa verið
samin fyrir tríóið.
Í vikunni er afmæli hjá annarri
stofnun í íslensku tónlistarlífi
þegar Laufey Sigurðardóttir
heldur í tíunda sinn tónlistarhá-
tíðina Músík í Mývatnssveit á
páskum. Fyrirkomulagið er alltaf
hið sama: Kammertónleikar eru í
félagsheimilinu Skjólbrekku á
skírdagskvöld kl. 20 og kirkju-
tónleikar í Reykjahlíðarkirkju á
föstudaginn langa kl. 21.
Í Skjólbrekku mun andi
Schuberts svífa yfir vötnunum
því þar er ráðgert að flytja hinn
margrómaða oktett hans ásamt
sumum af hans þekktustu
sönglögum í útsetningu Hrafn-
kels Orra Egilssonar. Í Reykja-
hlíðarkirkju verður flutt tónlist
sem hæfir deginum eftir meðal
annars Bach, Mozart og fleiri.
Flytjendur eru að þessu sinni
Sigrún Hjálmtýsdóttir sópran,
Laufey Sigurðardóttir fiðla,
Sigurlaug Eðvaldsdóttir fiðla,
Margrét Hjaltested víóla,
Bryndís Björgvinsdóttir selló,
Hávarður Tryggvason kontra-
bassi, Rúnar Óskarsson klarinett,
Brjánn Ingason fagott og Þorkell
Jóelsson horn.
Músík í Mývatnssveit hefur á
þessum árum verið árviss hátíð
þar nyrðra í vikunni fyrir páska.
Nánari upplýsingar veitir Hótel
Reynihlíð en miðar eru seldir við
innganginn.
Afmælistónleikar
Trio Nordica: Bryndís
Halla, Auður og
Mona.
Mývatnshópurinn á
æfingu á föstudag.
MYND/GUNNAR GUNNARSSON
„Afleggjarinn rífur sig úr viðjum hins hefðbundna en um
leið er sagan uppfull af trúarlegum táknum, listfræðilegum
vísunum og heimspekilegum átökum um tilvist mannsins.
Hér er sleginn nýr tónn í íslensku samhengi.“
(úr umsögn dómnefndar Menningarverðlauna DV)
„Tvímælalaust ein af sterkustu skáldsögum ársins.”
(B.Þ.V. Mbl)
Menningarverðlaun DV í bókmenntum 2008
Bókmenntaverðlaun kvenna, Fjöruverðlaunin 2008
AFLEGGJARINN
eftir Auði A. Ólafsdóttur
„Afleggjarinn er óumræði-
lega fallegur skáldskapur.”
(S.B. Mbl)
„Áhrifamikil saga sem
kemur á óvart með
karllýsingu sem hlýtur
að teljast ný í íslenskum
bókmenntum.“
(úr umsögn dómnefndar
Fjöruverðlaunanna)
„Öllum er sameiginlegt
að vera karlmaður.“
(Höfundur í viðtali við DV)