Fréttablaðið - 22.04.2008, Qupperneq 6

6 22. apríl 2008 ÞRIÐJUDAGUR
DÓMSMÁL Mál ríkisins gegn Ólafi
Páli Sigurðssyni, stofnanda sam-
takanna Saving Iceland, var tekið
til aðalmeðferðar í Héraðsdómi
Austurlands í gær. Þar er Ólafur
Páll sakaður um eignaspjöll; að
hafa unnið skemmdarverk á lög-
reglubifreið í búðum mótmæl-
enda við Snæfell í lok júlí árið
2006.
Lögreglubifreið var ekið í átt að
mótmælendum. Eru vitni ekki
sammála um hvort bílnum hafi
viljandi verið ekið á nokkrum
hraða á Ólaf Pál, eins og hann
heldur fram, eða hvort hann hafi
lamið á vélarhlíf bílsins og með
því valdið skemmdum á bifreið-
inni.
„Þetta er bara klúðurslegt hjá
þeim og léleg rannsókn,“ segir
Brynjar Níelsson, lögmaður Ólafs
Páls, um vinnubrögð lögreglunn-
ar við rannsókn málsins. Gagn-
rýnir hann að framburður lög-
reglumannanna sé látinn duga.
Þess í stað hefðu rannsakendur
átt að taka myndir af meintum
skemmdum á bílnum og tala við
önnur vitni, sem ekki hafi verið
gert. Framburður vitna stangist á.
„Þetta er sitt hvor lýsingin á
atburðum, annars vegar lögreglu-
mannsins og hins vegar Ólafs
Páls.“ Þá hafi vitnisburður alltaf
minna sönnunargildi en ella þar
sem lögreglumennirnir séu hluti
af málinu. „Það skiptir máli hvern-
ig þetta gerðist, ekki bara upp á
sakfellinguna heldur líka upp á
hugsanlega refsingu og þeir láta
þetta bara eiga sig.“
Áður hafði Ólafur Páll kært lög-
reglumennina fyrir að hafa ekið á
sig. Segir Brynjar það mál hafa
verið rannsakað, skýrsla tekin af
lögreglumönnunum og framburð-
ur vitna stangast á. En mismun-
andi er tekið á þessum tveimur
kærum. Kæra Ólafs á hendur lög-
reglumönnunum hafi farið til
ríkis saksóknara þar sem málið
hafi verið látið niður falla. Kæra
lögreglunnar á hendur Ólafi hafi
ekki farið sömu leið. „Þeir eru
kærendur, rannsakendur og ákær-
endur,“ segir Brynjar. „Þetta er
allt sami hópurinn, lögreglumenn-
irnir gefa skýrslu, veita vitnis-
burð og svo rekur embættið málið
fyrir dómi.“
Í tilefni aðalmeðferðar málsins
efndu nokkrir einstaklingar til
samstöðu- og stuðningsmótmæla
fyrir utan Héraðsdóm Reykjavík-
ur í gær. „Við erum að sýna Ólafi
Páli stuðning,“ segir Snorri Páll
Jónsson Úlfhildarson, hjá samtök-
unum Saving Iceland. „Að auki
mótmælum við þeirri valdníðslu
sem viðgengst hér á landi og hefur
hvað best sýnt sig í framkomu
lögreglu við þátttakendur mót-
mælabúða okkar sumrin 2005 til
2007.“
olav@frettabladid.is
Það er ekkert gert í sönn-
unarferlinu til að styðja
framburð lögreglumannanna.
BRYNJAR NÍELSSON
LÖGMAÐUR ÓLAFS PÁLS SIGURÐSSONAR.
flugfelag.is
Skráðu þig í
Netklúbbinn
REYKJAVÍK
AKUREYRI
EGILSSTAÐIR
VESTMANNAEYJAR
ÍSAFJÖRÐUR
VOPNAFJÖRÐUR
ÞÓRSHÖFN
GRÍMSEY
Félagar í Netklúbbnum
fá fyrstir upplýsingar
um tilboð og nýjungar
í tölvupósti.
Alltaf ódýrast á netinu
www.flugfelag.is
ÍS
L
E
N
S
K
A
S
IA
.I
S
F
L
U
4
16
84
0
4.
20
08
STJÓRNMÁL Alþjóðleg efnahags-
mál, orkumál og tvíhliða sam-
skipti verða helstu umræðuefni
fundar Geirs H. Haarde forsætis-
ráðherra og Gordons Brown, for-
sætisráðherra Bretlands, í
Downing-stræti 10 í Lundúnum á
fimmtudag.
Báðir eru fyrrverandi fjár-
málaráðherrar ríkja sinna og
kynntust sem slíkir fyrir nokkr-
um árum. „Við tölum örugglega
ítarlega um efnahagsmálin,“
sagði Geir í samtali við Frétta-
blaðið.
Englandsbanki greip í gær til
aðgerða sem miða að því að auð-
velda viðskiptabönkum að verða
sér úti um laust fé, sérstaklega til
að mæta þrengingum íbúðaeig-
enda. Geir segir aðgerðirnar í
raun hliðstæðar sumum aðgerð-
um Seðlabanka Íslands sem hafi
rýmkað reglur sínar gagnvart
bönkunum.
Tvíhliða málefni Íslands og
Bretlands verða einnig til umræðu.
Geir segir engin sérstök vandamál
uppi en mikilvægt sé að vera í
góðu sambandi við forsætisráð-
herra Bretlands ef á þurfi að
halda.
Í dag hittir Geir David Cameron,
leiðtoga breska Íhaldsflokksins,
sem er systurflokkur Sjálfstæðis-
flokksins í alþjóðlegu samstarfi
stjórnmálaflokka. Þeir hafa áður
hist. „Við hittumst á Svalbarða.
Hann er mikill áhugamaður um
umhverfismál og var þar að kynna
sér loftlagsmál.“ - bþs
Geir H. Haarde forsætisráðherra hittir Gordon Brown forsætisráðherra Bretlands:
Ræða alþjóðleg efnahagsmál
GEIR H. HAARDE GORDON BROWNDAVID CAMERON
Klúðursleg og léleg
rannsókn lögreglu
Stofnandi samtakanna Saving Iceland er sakaður um að hafa unnið skemmdar-
verk á lögreglubifreið við mótmæli á Kárahnjúkasvæðinu. Lögreglan sökuð um
að reyna að aka á Ólaf Pál. Klúðursleg og léleg rannsókn segir verjandi Ólafs.
VIÐ HÉRAÐSDÓM Í GÆR Mótmælendur vildu sýna Ólafi Páli stuðning og mótmæla
valdníðslu lögreglunnar. FRÉTTABLAÐIÐ/PJETUR
JERÚSALEM, AP Khaled Mashaal,
leiðtogi Hamas-samtakanna, býður
Ísraelsríki tíu ára vopnahlé gegn
því að Ísraelar afsali sér öllu til-
kalli til landsvæða utan landamæra
ríkisins eins og þau voru árið 1967.
„Við föllumst á palestínskt ríki
með landamærunum frá 1967, með
Jerúsalem sem höfuðborg og
óskoruðu fullveldi, án landtöku-
byggða en án þess að viðurkenna
Ísrael,“ sagði Mashaal. Hins vegar
býður hann Ísraelum tíu ára vopna-
hlé „sem sönnun viðurkenningar“.
Jimmy Carter, fyrrverandi for-
seti Bandaríkjanna, hafði fyrr í
gær fullyrt að Hamas væru reiðu-
búin til að viðurkenna tilverurétt
Ísraelsríkis í friði við nágranna-
ríki sín.
Hann fullyrti einnig að Hamas
gæti fallist á niðurstöður úr friðar-
viðræðum Ísraels og Palestínu-
manna, svo fremi sem þær niður-
stöður yrðu annað hvort
samþykktar í þjóðaratkvæða-
greiðslu Palestínumanna eða sam-
þykktar af nýrri Palestínustjórn
að undangegnum kosningum.
Carter hitti í síðustu viku nokkra
helstu leiðtoga Hamas í Sýrlandi.
Leiðtogar Hamas hafa áður sagt að
þeir muni fallast á frið við Ísrael í
nokkrum áföngum ef Ísrael sætti
sig við landamærin frá 1967.
Carter segir nauðsynlegt að
Ísraelar ræði beint við Hamas, að
öðrum kosti verði erfitt að tryggja
frið við Palestínumenn. - gb
Jimmy Carter segir að Hamas geti viðurkennt tilverurétt Ísraelsríkis:
Hamas bjóða Ísrael vopnahlé
JIMMY CARTER Fyrrverandi forseti
Bandaríkjanna í ræðustól í Jerúsalem í
gær. FRÉTTABLAÐIÐ/AP
Hefur þú gengist undir aðgerð
á Landspítalanum?
Já 52,5%
Nei 47,5%
SPURNING DAGSINS Í DAG:
Vilt þú að ráðist verði í stjórnar-
skrárbreytingar svo Ísland geti
gengið í Evrópusambandið?
Segðu þína skoðun á visir.is
VIÐSKIPTI Alþjóðlega matsfyrir-
tækið Standard & Poor‘s lækkaði í
gær langtíma lánshæfiseinkunn
Glitnis um einn flokk og segir
horfur neikvæð-
ar. Fær bankinn
einkunnina
BBB+ en hafði
A-. Skammtíma-
einkunn Glitnis
var hins vegar
staðfest.
Lækkunin er
sögð endur-
spegla þá óvissu
sem ríki í
íslensku efnahagslífi og geti
stuðlað að verri gæðum í eigna-
safni Glitnis. Einnig sé aukin
óvissa um tekjumöguleika
bankans og fjármögnun á
alþjóðlegum mörkuðum.
Ingvar H. Ragnarsson, fram-
kvæmdastjóri fjárstýringar
Glitnis, segir í tilkynningu að
þessi niðurstaða endurspegli
fyrst og fremst óróleika sem ríki
á alþjóðlegum mörkuðum.
Glitnir er eini bankinn á Íslandi
sem er metinn af S&P. - bg
Lánshæfismat Glitnis lækkaði:
Órói orsökin
INGVAR H.
RAGNARSSON
VIÐSKIPTI Krónan kann að styrkjast
um 8 prósent gagnvart evru á
næstu þremur mánuðum gangi
eftir ný spá bandaríska fjárfest-
ingarbankans Bear Stearns.
Bloomberg fréttaveitan hefur
eftir Steve Barrow, sérfræðingi
bankans, að krónan hafi „trúlega
fallið nóg“ eftir 30 prósenta
veikingu frá því í byrjun árs. „Ég
býst ekki við frekari veikingu þar
sem horfur í heiminum eru ívið
betri,“ segir hann og kveður
aðstæður nú reyna á „sársauka-
mörk“ þeirra sem skortselt hafa
gjaldmiðla, en þá veðja fjárfestar
á veikingu gjaldmiðils.
Bear Stearns hefur verið
tengdur umræðu um skortstöður
og meintar árásir vogunarsjóða á
íslenskt efnahagslíf. - óká
Bear Stearns í BNA:
Spáir fyrir um
sterkari krónu
MOSKVA, AP Dómstóll í Moskvu
dæmdi í gær bandarískan prest til
þriggja ára og tveggja mánaða
fangelsisvistar fyrir að smygla
skotfærum til Rússlands. Hann
hyggst áfrýja dóminum.
Phillip Miles kom til Rússlands
3. febrúar með kassa af skotum í
Winchester-veiðiriffil, sem hann
hugðist gefa vini sínum. Þeir eru
báðir miklir veiðimenn.
„Þetta eru gríðarleg vonbrigði.
Þetta er undarlegur dómur fyrir
að flytja inn einn kassa af
byssukúlum,“ sagði Miles í gær.
Hann segist ekki hafa gert sér
grein fyrir því að innflutningur-
inn varðaði við lög í Rússlandi. - bj
Prestur smyglaði riffilskotum:
Fékk þriggja ára
fangelsisdóm
STJÓRNMÁL Össur Skarphéðinsson
iðnaðarráðherra er sammála
Þorgerði Katrínu Gunnarsdóttur,
varaformanni Sjálfstæðisflokks-
in, um að breyta eigi stjórnar-
skránni til að greiða fyrir
hugsanlegum aðildarviðræðum
að Evrópusambandinu (ESB).
Þetta kom fram á bloggi Össurar
í gær.
Þorgerður Katrín lýsti því yfir
í Silfri Egils í Sjónvarpinu á
sunnudag að gera ætti nauðsyn-
legar breytingar á stjórnar-
skránni, enda þarf að samþykkja
slíkar breytingar á tveim
þingum og kjósa til Alþingis á
milli. - bj
Össur sammála Þorgerði:
Breyta ætti
stjórnarskrá
FÓLK Dorrit Moussaieff, eiginkona
Ólafs Ragnars Grímssonar,
forseta Íslands, sat í gær
alþjóðlega ráðstefnu í Katar um
börn með sérþarfir. Á ráðstefn-
unni var einnig Cherie Blair,
mannréttindalögfræðingur og
eiginkona Tony Blair, fyrrverandi
forsætisráðherra Bretlands. - kh
Barnaráðstefna í Katar:
Dorrit hitti
Cherie Blair
HITTUST Dorrit og Cherie í Katar.
KJÖRKASSINN