Fréttablaðið - 03.05.2008, Blaðsíða 2

2 3. maí 2008 LAUGARDAGUR
Akureyri
Vík
Egilsstaðir
Selfoss
Hveragerði
Hafnarfjörður
Neskaupstaður
Grundarfjörður
Stykkishólmur
Súðavík
Ísafjörður
Akranes
Njarðvík
Sandgerði
Hreðavatnsskáli
Reykjavík
Þú sparar á Orkustöðvunum
Net Orkustöðvanna umhverfis landið þéttist sífellt til enn frekari
hagsbóta fyrir almenning. Kynntu þér hvar Orkustöðvarnar eru og
hvað bensínið er ódýrt þar.
SPÁÐU Í HVAÐ ÞÚ SPARAR!
www.orkan.is
D
Y
N
A
M
O
R
E
Y
K
JA
V
IK
Addi Fannar, eruð þið búnir
að pússa Buffaló-skóna?
„Já, og bóna spoilerana... allt klárt!“
Hljómsveitin Skítamórall hefur boðað
endurkomu sína í sumar eftir tveggja
ára hlé, en sveitin heldur upp á tíu ára
afmæli sitt í ár. Arngrímur Fannar Har-
aldsson er gítarleikari sveitarinnar.
LONDON Paul Aðalsteinsson, eða
Ian Strachan, var sakfelldur í
gær fyrir að reyna að kúga fé af
meðlimi bresku konungsfjöl-
skyldunnar. Paul, sem er hálfur
Íslendingur, var dæmdur í fimm
ára fangelsi.
Hann reyndi fjárkúgun við
annan mann með upptöku af
eiturlyfjaneyslu og kynlífssögum.
Fyrir dómi sagði hann tilgang
upptökunnar hafa verið að vara
fólk við því „kynferðislega
rándýri“ sem viðfangsefnið var.
Sú vörn var ekki tekin gild og
var hann dæmdur fyrir að hafa
reynt að kúga fimmtíu þúsund
pund út úr meðlimi konungsfjöl-
skyldunnar. - kóp
Paul Aðalsteinsson sakfelldur:
Fjárkúgari fékk
fimm ára dóm
STJÓRNMÁL Jakob Frímann
Magnússon hefur verið ráðinn
verkefnisstjóri miðborgar
Reykjavíkur-
borgar.
Þetta kemur
fram á vefsvæði
Reykjavíkur-
borgar og Jakob
Frímann
staðfesti þetta
sjálfur við
Fréttablaðið í
gær. „Það er
nauðsynlegt að
hafa miðborgina á viðvarandi
dagskrá hjá Reykjavíkurborg,“
sagði Jakob Frímann en hann er
jafnframt formaður hverfisráðs
miðborgarinnar.
Verkefnisstjóra er ætlað að
hafa yfirlit yfir verkefni mið-
borgarinnar og vinna að fram-
gangi þeirra. Staða verkefnis-
stjóra heyrir undir skrifstofu
Ólafs F. Magnússonar borgar-
stjóra. - mh
Málefni miðborgarinnar:
Jakob Frímann
verkefnisstjóri
JAKOB FRÍMANN
MAGNÚSSON
EFNAHAGSMÁL Íslenskt efnahagslíf
er umfjöllunarefni forsíðufréttar
Wall Street Journal í gær. Er
samdráttur í sölu breyttra
jeppabifreiða sagður til marks um
versnandi ástand efnahagsmála,
þar sem undanfarin uppgangsár
hafi risastórir bensínhákar verið
uppáhaldsleikföng þúsunda
Íslendinga. Eru bílarnir sagðir
gera Íslendingum kleift að aka yfir
fjöll og firnindi, snjó og hraun með
öskrandi krafti. En góðu tímarnir
eru sagðir sjást hverfa í baksýnis-
speglinum þar sem skuldir,
eldsneytisverð og óstöðugur
gjaldmiðill séu að eyðileggja
annars ágæta skemmtun. - ovd
Ísland í Wall Street Journal:
Góðu tímarnir
að baki á Íslandi
SAMDRÁTTUR Í Wall Street Journal er
haft eftir Emil Grímssyni hjá Arctic Trucks
að um fjórir bílar séu pantaðir á viku
í stað tíu til tuttugu pantana í janúar.
FRÉTTABLAÐIÐ/HEIÐA
ÍSAFJÖRÐUR Skjót viðbrögð lögreglu
hafa sennilega bjargað lífi konu
sem hné niður með hjartastopp á
Ísafirði í gær.
Konan, sem er um fimmtugt,
hné niður í miðjum leik á öldunga-
móti Blaksambands Íslands.
Læknar og sjúkraliðar voru
staddir í húsinu og þegar lögreglu-
bíl bar að garði voru lífgunartil-
raunir þegar hafnar, því ekki
mældist á henni púls. Lögregla
hafði meðferðis hjartastuðtæki og
tókst með því að kalla fram púls.
Konan var flutt með sjúkraflugi til
Reykjavíkur. Að sögn mótshaldara
er líðan konunnar góð eftir
atvikum. - kg
Hjartastopp á Ísafirði:
Lögregla bjarg-
aði lífi konu
AKRANES Karlmanni er haldið sof-
andi í öndunarvél á gjörgæslu-
deild Landspítalans í Reykjavík
eftir alvarlegt vinnuslys sem
varð í steypustöð BM Vallár við
Höfðasel á Akranesi seinni part-
inn á miðvikudaginn var. Sam-
kvæmt upplýsingum Fréttablaðs-
ins er búist við að honum verði
haldið sofandi næstu daga.
Slysið varð með þeim hætti að
stórt 200-300 kílóa steypusíló féll
úr fimm til sex metra hæð og
fékk maðurinn, sem er á fertugs-
aldri, það utan í sig. Maðurinn var
fyrst fluttur á sjúkrahúsið á Akra-
nesi en fljótlega þaðan með for-
gangshraði á Landspítalann í
Reykjavík.
Vilhjálmur
Birgisson, for-
maður Verka-
lýðsfélagsins á
Akranesi, undr-
ast vinnubrögð
Vinnueftirlitsins
í málinu. Hann
bendir á að slysið
hafi verið til-
kynnt til Neyðar-
línunnar korter
yfir fimm á miðvikudaginn. Fjór-
um mínútum fyrir sex hafi vinnu-
veitandinn tilkynnt slysið en feng-
ið þau svör að fulltrúi
Vinnueftirlitsins á Vesturlandi sjái
sér ekki fært að koma strax í vett-
vangsrannsókn. Hann komi á föstu-
dagsmorgun, eða vel á annan sólar-
hring eftir að slysið átti sér stað.
Vilhjálmur segir að ugglaust
séu eðlilegar skýringar á því að
fulltrúinn hafi ekki getað komið
strax en óskiljanlegt sé hvers
vegna ekki hafi verið fenginn
fulltrúi frá höfuðborgarsvæðinu
þegar þar sé sólarhringsvakt.
„Það er algjört lágmark að rann-
sókn Vinnueftirlitsins sé hafin
yfir allan vafa þegar jafn alvar-
legt vinnuslys á sér stað enda
getur það vart talist eðlileg vinnu-
brögð að bíða með vettvangsrann-
sókn í tæpa tvo sólarhringa frá
því að slysið á sér stað,“ segir
hann á vef félagsins.
Verkalýðsfélag Akraness hefur
haft samband við Vinnueftirlit
ríkisins í Reykjavík og gert alvar-
legar athugasemdir við þessi
vinnubrögð. Vilhjálmur segir að
félagið muni ekki sætta sig við
slík vinnubrögð þegar jafn alvar-
leg slys eigi sér stað.
Eyjólfur Sæmundsson, for-
stjóri Vinnueftirlitsins, staðfestir
að sólarhringsvakt sé í Reykjavík
og því hefði átt að vera hægt að
sinna slysinu þaðan ef menn
hefðu gert sér grein fyrir alvar-
leika málsins. Tiltölulega nýlega
hafi verið farið yfir vinnuregl-
urnar. „Við munum taka þessa
gagnrýni alvarlega og fara yfir
allar okkar verklagsreglur út af
þessu. Ég vil að öllu svona sé
sinnt vandlega,“ segir hann.
ghs@frettabladid.is
Haldið sofandi eftir
alvarlegt vinnuslys
Karlmanni er haldið sofandi á gjörgæsludeild LSH eftir alvarlegt vinnuslys á
Akranesi á miðvikudag. Slysið ekki rannsakað strax heldur einum og hálfum
sólarhring síðar. „Tökum gagnrýni alvarlega,“ segir forstjóri Vinnueftirlitsins.
FLUTTUR Á LANDSPÍTALANN Stórt steypusíló féll úr fimm metra hæð utan í karlmann
á fertugsaldri í steypustöð BM Vallár á Akranesi á miðvikudaginn. Maðurinn slasaðist
illa og var fluttur með hraði til Reykjavíkur. Honum er haldið sofandi í öndunarvél.
Myndin er úr safni.
ÖRYGGISMÁL „Bréfberatöskur eiga
aldrei að vera án eftirlits. Það er
okkar vinnuregla,“ segir Ágústa
Hrund Steinarsdóttir, forstöðu-
maður mark-
aðsdeildar
Pósts ins. Hún
segir nokkur
atvik hafa
komið upp þar
sem orðið hefur
misbrestur á
þessari vinnu-
reglu. „Það er
litið mjög alvar-
legum augum
og tekið á því með áminningum
eða uppsögnum bréfbera.“
Ágústa Hrund segir bréfbera
hafa leyfi til að skilja töskurnar
eftir við hlið, grindverk eða lóðar-
enda húsa en að þá eigi þær alltaf
að vera í augsýn bréfberanna.
„Auðvitað þökkum við fyrir
allar ábendingar og það er frá-
bært að fólk láti okkur vita af yfir-
gefnum töskum enda eru þær þá
sóttar strax.“ En hún segir nokkuð
hafa borið á því að fólk hringi
þegar bréfberinn er skammt frá
töskunum.
Í Fréttablaðinu í gær sagðist Jón
Hlíðar Runólfsson, íbúi við Hring-
braut í Hafnarfirði, ósáttur við að
póstburðartöskur væru geymdar á
palli við hús hans. Þá var hann
einnig ósáttur við að starfsmenn
Póstsins hefðu að minnsta kosti
ekki leitað leyfis fyrir því að fá að
geyma töskurnar á lóð hans.
Ágústa Hrund segir að um mis-
skilning hafi verið að ræða. Þau
hjá Póstinum hafi strax og sagt
var frá málinu í Fréttablaðinu
kannað málið og að töskurnar verði
ekki geymdar þar lengur. „Það
hættir frá og með deginum í dag,“
segir Ágústa Hrund. - ovd
Vinnureglur Póstsins segja að póstburðartöskur eigi aldrei að vera án eftirlits:
Litið mjög alvarlegum augum
ÓVAKTAÐUR PÓSTUR Póstburðartöskur
eiga alltaf að vera í augsýn bréfberanna.
FRÉTTABLAÐIÐ/STEFÁN
ÁGÚSTA HRUND
STEINARSDÓTTIR
HEILBRIGÐISMÁL Langur biðlisti er
nú eftir aðgerðum á augasteinum
vegna skýs á auga. Í fréttabréfi
landlæknis, kemur fram að í febrú-
ar biðu 1.290 manns eftir slíkum
aðgerðum. Þar af höfðu 992 beðið
lengur en í þrjá mánuði.
„Eftirspurn eftir augasteinsað-
gerðum hefur aukist og ekki hefur
tekist að anna henni,“ segir í Talna-
brunni þar sem jafnframt er bent á
að heilbrigðisráðuneytið hafi boðið
út augnasteinsaðgerðir með því
markmiði að stytta biðlistana. - gar
Biðlistar á sjúkrahúsum:
Nær 1.300 bíða
með ský á auga
EFNAHAGSMÁL Stjórn Samtaka
atvinnulífsins, SA, telur afar brýnt
að allir sem áhrif geta haft á fram-
vinduna í efnahagsmálum á næstu
mánuðum og misserum, bæði ríkis-
stjórn, stjórnarandstaða, sveitarfé-
lög og aðilar á almennum og opin-
berum vinnumarkaði, stilli saman
strengi sína með það að markmiði
að draga úr verðbólgu og koma í
veg fyrir að háar verðbólguvænt-
ingar festist í sessi.
Stjórnin hvetur aðildarfyrirtæki
samtakanna til þess að gæta hófs
og aðhalds við verðlagningu í því
umróti sem ríkir og bendir á að
samdráttur sé fyrirsjáanlegur í eft-
irspurn, eins og segir í frétt af
fyrsta fundi
nýkjörinnar
stjórnar SA á vef
samtakanna. Þar
af leiðandi verði
ekki unnt að velta
öllum kostnaðar-
hækkunum áfram
út í verðlagið.
Á fundinum
komu fram þung-
ar áhyggjur af efnahagsmálum.
„Vandi á fjármálamörkuðum, hátt
vaxtastig, fyrirsjáanlegur sam-
dráttur í umsvifum og atvinnu, vax-
andi verðbólga erlendis, veik staða
krónunnar og mikil verðbólga inn-
anlands vegna gengislækkunar eru
þættir sem hafa gríðarleg áhrif á
afkomu fyrirtækja og kjör launa-
fólks. Fyrirsjáanlegt er að aðlögun
að breyttum aðstæðum verði erfið
og taki tíma,“ segir þar.
„Hækkun heimsmarkaðsverðs á
olíu og matvælum hefur rýrt kjör
þjóðarinnar og á sama tíma þarf
þjóðin að horfast í augu við að hátt
gengi krónunnar undanfarin ár hélt
uppi hærri kaupmætti en fékk stað-
ist til langframa. Við núverandi
aðstæður er yfirvofandi hætta á
víxlverkandi hækkunum launa og
verðlags og áframhaldandi veik-
ingar gengis krónunnar sem allir
tapa á. Þá atburðarás er hægt að
koma í veg fyrir.“ - ghs
Nýkjörin stjórn Samtaka atvinnulífsins hefur þungar áhyggjur af efnahagsmálum:
Hvetur til hófs í verðhækkun
ÞÓR SIGFÚSSON
VILHJÁLMUR
BIRGISSON
SPURNING DAGSINS