Fréttablaðið - 03.05.2008, Blaðsíða 29
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Líkt og farfuglar að vori birtast þrumufuglar
á götunum þegar veturinn víkur. Þar er átt við
Ford Thunderbird. Aðalsteinn Stefánsson sölu-
maður á einn slíkan af árgerð 1965.
„Ég flutti þennan bíl inn fyrir réttu ári frá Oregon í
Bandaríkjunum. Fann hann á netinu og náði að
krækja í hann meðan dollarinn var í lægstu lægðum.
Mér leist vel á hann á myndum, og líka lýsinguna og
seljandann,“ segir Aðalsteinn sem er að taka Ford
Thunderbird-bílinn sinn út úr skúrnum og skola af
honum rykið eftir veturinn.
Aðalsteinn býr í Mosfellsbænum og starfar sem
sölumaður byggingavara. Hefur hann greinilega vit
á viðskiptum enda telur hann sig hafa gert góð kaup
þegar hann fjárfesti í Fordinum. „Bíllinn hafði lengi
verið í eigu sömu fjölskyldu enda kom á daginn að
hann var heill og óslitinn og í góðu lagi. Allt upp-
runalegt eins og það átti að vera.“ Hann brosir að
spurningu um hvort hér sé um bensínhák að ræða.
„Hann eyðir því sem maður setur á hann. Eða eins
og góður maður sagði sem spurður var um svipaðan
bíl: „Hann eyðir svona 80 lítrum – á ári.“ Þessir bílar
ganga nefnilega ekki svo mikið að það skipti miklu
um lítrann til eða frá.“
Þar sem engin númer eru á bílnum er Aðalsteinn
spurður hvort hann taki hann af skrá á veturna. „Ég
var nú bara að skipta um númeraplötu og ætla að
setja á hann gamalt steðjanúmer eins og við megum
hafa á fornbílunum. Þessi fær einkennisstafina T 65,
T fyrir Thunderbird og 65 fyrir árgerðina.“
Aðalsteinn telur um tólf til fimmtán bíla til af
Ford Thunderbird á Íslandi, af mismunandi árgerð-
um. „Þetta voru geysilega dýrir bílar á sínum tíma
og það voru ekki margir sem eignuðust þá. En þeir
voru líka ótrúlega fullkomnir. Þú sérð það á þessum
sem er frá 1965 að hann var töluvert á undan sinni
samtíð. Hann er með rafdrifnum rúðum, sætum og
samlæsingum. Hann er líka fyrsti bíllinn sem kom
með diskabremsum að framan. Það þótti mikið
tækniundur á sínum tíma. En þetta eru lágir bílar,
enda hugsaðir sem götutæki, og ég býst ekki við að
minn bíll hafi nokkru sinni á malarveg komið. Hann
hefði að minnsta kosti ekkert átt að gera við að fara
út á vegina hér árið 1965.“ gun@frettabladid.is
Ótrúlega fullkominn
Aðalsteinn pantaði sér eðalvagn af gerðinni Ford Thunderbird á netinu og var heppinn. Hér er hann að pússa bílinn eftir veturinn.
FRÉTTABLAÐIÐ/VILHELM
KRAFTUR OG KVENLEIKI
Húmor og súrrealismi og kraftur og
kvenleiki er það sem veitir fata-
hönnuðinum Evu Maríu Árnadóttur
innblástur.
TÍSKA 4
Á FRAMANDI SLÓÐUM
Víetnam og Kambódía njóta vax-
andi vinsælda og eru ofarlega á
heimslista ferðamanna að sögn
Sigmundar M. Andréssonar
fararstjóra.
FERÐIR 3