Fréttablaðið - 03.05.2008, Blaðsíða 10

3. maí 2008 LAUGARDAGUR
DÓMSMÁL Þórir Hall Stefánsson
var á þriðjudag dæmdur í tveggja
mánaða skilorðsbundið fangelsi í
Héraðsdómi Suðurlands fyrir lík-
amsmeiðingu af gáleysi gagnvart
konu sinni, með gáleysislegum
akstri.
Kona Þóris, Helga Jónsdóttir,
ritaði grein í Fréttablaðið í gær
þar sem hún lýsti því hvernig hún
reyndi að fá sýslumanninn á Sel-
fossi, Ólaf Helga Kjartansson, til
að falla frá kærunni, en án árang-
urs. Ekki kom fram í grein Helgu
að dómur er fallinn.
Helga spyr í grein sinni hvort
mismunandi sé tekið á málum á
milli sýslumannsembætta.
Athugun Fréttablaðsins leiðir í
ljós að mikil fjölgun hefur orðið á
málum sem koma inn á borð lög-
reglunnar á Selfossi. Eins og sést á
myndinni til hliðar voru þau 204
árið 2001, en 632 árið 2006, en
nýrri tölur liggja ekki fyrir. Þessi
mikla aukning er langt yfir lands-
meðaltali, þar sem málum hefur
fækkað á sama tíma úr 8.173 í
7.701. Ólafur tók við embætti á
Selfossi í upphafi árs 2002.
Ólafur segist ekki vita hvort
óeðlilega mikið sé um mál hjá emb-
ættinu á Selfossi. Hann minnir á
að embættið er gríðarlega stórt;
það nær frá brekkunni vestan við
Litlu kaffistofuna, austur að Þjórsá
og að Kerlingarfjöllum. „Hjá
okkur hefur mikill metnaður verið
lagður í sýnilega löggæslu og þetta
segir væntanlega eitthvað um
dugnað lögreglumanna. Við erum
að skoða betur af hverju aukningin
stafar,“ segir Ólafur Helgi.
Árið 2006 lauk 88,8 prósentum
mála hjá lögreglustjóranum á Sel-
fossi með ákæru, en 74,3 prósent-
um yfir landið allt. Ólafur Helgi
segir að mál eins og Þóris séu allt-
af erfið. Eftir vandlega íhugun
hafi verið ákveðið að ákæra í sam-
ræmi við gildandi lög og venjur.
„Það verður að gæta samræmis í
því sem gert er. Þetta er því miður
ekki fyrsta ákæran sem gefin er út
af mér þar sem ættingjar eða maki
koma að málinu,“ segir Ólafur.
Hann minnir á að farið hafi verið
fram á vægustu refsingu. Tekið sé
tillit til fjölskyldubanda „Í nútíma-
þjóðfélagi er almennt litið svo á að
hjón séu tveir sjálfstæðir einstakl-
ingar og það á enn frekar við þegar
fólk er ekki í búskap. Menn geta
svo spurt sig hvort eðlilegt sé að
yfirvöld séu þannig að þau láti
undan þrýstingi og einnig hvort
eðlilegt sé að beita lögleg yfirvöld
svona þrýstingi.“
Sigurður Líndal lagaprófessor
segir að sér finnist fullharkalega
fram gengið í málinu. „Rétt hefði
verið að leita allra leiða til að fara
vægar í sakirnar.“
kolbeinn@frettabladid.is
Fjöldi mála þrefald-
ast á fimm árum
Fjöldi mála hjá lögreglustjóranum á Selfossi hefur ríflega þrefaldast á fimm
árum. Sýslumaðurinn segir mikinn metnað hafa verið lagðan í sýnilega lög-
gæslu. Maður var sakfelldur fyrir að valda konu sinni tjóni með gáleysi í akstri.
SELFOSS
BORGARNES
KEFLAVÍK
LANDIÐ
ALLT
2001 2004 2005 2006
20
4
56
2
57
1
63
2
10
3 76 10
8
18
1
31
4
40
7
25
7
31
2 8.
17
3
8.
78
3
7.
25
6
7.
70
1
FJÖLDI MÁLA HJÁ
LÖGREGLUEMBÆTTUM
HEIMILD: ÁRSSKÝRSLUR RÍKISSAKSÓKNARA
SIGURÐUR LÍNDALÓLAFUR HELGI
KJARTANSSON
SVEITARSTJÓRNARMÁL Nú eftir helg-
ina fundar hér á landi í fyrsta sinn
stefnumótunarnefnd Evrópusam-
taka sveitarfélaga (CEMR), en það
er æðsta stofnun samtakanna sem
landssambönd héraðs- og sveitar-
stjórna í 36 Evrópulöndum eiga
aðild að. Þau eru fulltrúar rúm-
lega 100.000 sveitarfélaga og hér-
aða af öllum stærðum um alla álf-
una, frá Portúgal til Úkraínu og
Íslandi til Tyrklands. Samband
íslenskra sveitarfélaga hefur
verið aðili að samtökunum síðan
árið 1990.
Í samtali við Fréttablaðið segir
framkvæmdastjóri samtakanna,
Jeremy Smith, að fyrir fundinum í
Reykjavík liggi langur listi mál-
efna. Mörg þeirra varða mál sem
eru til meðferðar í löggjafarferli
Evrópusambandsins og tengjast
hagsmunum héraða og sveitarfé-
laga, svo sem fjárlög ESB, aðlög-
un að loftslagsbreytingum, sam-
göngur í borgum og fleira. Þá
verði rætt um fullgildingarferli
Lissabonsáttmálans svonefnda,
nýuppfærðs stofnsáttmála ESB,
og væntanleg áhrif gildistöku
hans á héraðs- og sveitarstjórnar-
stigið.
Þá nefnir Smith líka Evrópu-
sáttmála um jafnrétti karla og
kvenna á þessu stigi stjórnsýsl-
unnar. Fulltrúar yfir 700 aðila hafa
að hans sögn skráð sig á ráðstefnu
sem samtökin hafa boðað síðar á
árinu um þetta efni. - aa
JEREMY SMITH Framkvæmdastjóri Evr-
ópusamtaka sveitarfélaga (CEMR).
Stefnumótunarnefnd Evrópusambands sveitarfélaga fundar í fyrsta sinn á Íslandi:
Unnið að hagsmunagæslu
VARNARMÁLASTOFNUN „Ég er alltaf
bjartsýnn þegar ég sæki um nýtt
starf og sýnist ég falla ágætlega
undir þær hæfniskröfur sem gerð-
ar eru. Það kemur í ljós hvernig
utanríkisráðuneytinu hugnast
þessar sparnaðarleiðir sem ég
sting upp á, en miðað við stöðu
efnahagsmála og fyrirsjáanlega
minnkandi tekjur ríkissjóðs ættu
þær að falla í kramið. Ég hef enga
trú á öðru,“ segir Stefán Pálsson,
formaður Samtaka hernaðarand-
stæðinga. Stefán sótti í gær um
stöðu forstjóra nýrrar Varnarmála-
stofnunar.
Að sögn Stefáns munu megin-
áherslur hans í starfi verða fólgnar
í því að tryggja öryggi þjóðarinnar,
með áherslu á friðar- og afvopnun-
armál. Hann ætlar sér einnig að
minnka allan rekstrarkostnað eins
og mögulegt er, meðal annars með
því að fella niður kostnaðarsamar
heræfingar. „Starfslýsingin gerir
ráð fyrir töluverðum samskiptum
við NATO þannig að ég verð líklega
með annan fótinn í Brussel. Í því
fælist líka aukin hagræðing því
besti vinur minn er búsettur þar og
er einmitt að innrétta hús með
gestaherbergi. Ég gæti fengið að
gista hjá honum og hef enga trú á
að hann fari að senda einhverja
reikninga.“
Þeir sem sækja um stöðuna fall-
ast á ítarlega bakgrunnsskoðun til
að leggja mat á hvort viðkomandi
teljist háskalegur. „Ef ég fæ ekki
starfið fæ ég í það minnsta stað-
festingu á því hvort hernaðar-
bandalagið telji mig háskalegan,“
segir Stefán. - kg
Stefán Pálsson sækir um starf forstjóra Varnarmálastofnunar:
Ætlar að halda umsvifum
stofnunarinnar í lágmarki
FRIÐARSINNI Stefán Pálsson hefur
ýmsar hugmyndir um hagræðingu fyrir
Varnarmálastofnun.