Fréttablaðið - 03.05.2008, Blaðsíða 24
24 3. maí 2008 LAUGARDAGUR
LAUGARDAGUR, 26. APRÍL.
Ókeypis kollhnís og
dömur með dýran
smekk
Fór í húsdýragarðinn með litlu Sól
og Helgu vinkonu. Helga er 6 ára
en Sólveig er 4 ára.
Ég er að velta því fyrir mér
hvort þær eru neytendur að upp-
lagi eða hvort þegar hefur tekist
að innræta þeim neyslu.
Þær létu það þreytulega eftir
mér að kíkja ókeypis á seli, geitur,
svín og belju. Ég viðurkenni að öll
þau dýr hafa þær séð áður, en ég
lít á skepnur eins og manneskjur
að því leyti að það getur verið
gaman að sjá þau oftar en einu
sinni.
Þegar dýraskoðun var lokið
glaðnaði yfir þeim stöllum. Þær
reyndu að leita uppi allt sem kost-
aði peninga og fundu strax járn-
brautarferð og hringekju.
Það var skynsamleg forgangs-
röðun að ná af mér peningum
meðan ég var enn óþreyttur og í
sólskinsskapi. Þegar þær komu úr
hringekjunni spurðu þær hvort
ekki væri eitthvert notalegt veit-
ingahús á svæðinu þar sem við
gætum sest niður og fengið okkur
hressingu. Þá þóttist ég vera orð-
inn heyrnarlaus.
Best skemmtu þær sér þó ókeyp-
is við að hoppa eða stinga sér koll-
hnís á hinum frábæra ærslabelg
sem er greinilega vinsælasta leik-
tækið þarna. Mikið vildi ég að
íslenskum listamönnum væri
fengið það verkefni að hanna
glæsilegan og frumlegan skemmti-
garð handa börnum og foreldrum
þar sem öll leiktæki væru ókeyp-
is. Slíkur skemmtigarður væri
einstakur í veröldinni og mundi
vekja meiri alþjóðaathygli en virk
utanríkisstefna og þúsund þreyt-
andi flugferðir á Saga Class.
Svo fórum við upp í hesthús og
báðar stúlkurnar fengu að fara á
bak hinum trausta og geðgóða
Vini sem var nýkominn úr Heið-
merkurferð með frú Sólveigu.
Eftir svona mikið ókeypis grín
voru dömurnar orðnar svangar
og vildu finna góða sjoppu og
þiggja veitingar. Sem betur fer
er hvorug daman með lystar-
stol.
SUNNUDAGUR, 27. APRÍL.
Ekki „álitsgjafi“ heldur
venjuleg manneskja
Mætti í Silfur Egils og talaði um
vörubílstjóra, óánægju meðal
þjóðarinnar, óréttlætanlega harð-
neskjulegar lögregluaðgerðir,
Evrópusambandið og fleira.
Egill er ótrúlega skynsamur
maður. Í staðinn fyrir að hafa ein-
tóma pólitíkusa og sérfræðinga í
þættinum býður hann óbreyttum
kjósendum að koma og tjá sig.
Þetta er sumum stjórnmálamönn-
um heldur illa við og kalla það fólk
„álitsgjafa“ sem lítur svo á að
stjórnmál séu of mikilvæg til að
eftirláta þau stjórnmálamönnum
afskiptalaust.
Ég er ekki „álitsgjafi“ heldur
bara venjuleg manneskja sem
hefur áhuga á umhverfi sínu, sam-
ferðamönnum og hvert ferðinni er
heitið.
Ég hitti oft fólk sem segist vera
mér sammála um hitt og þetta og
segir að það þurfi að stofna nýjan
stjórnmálaflokk sem fengi hrein-
an meirihluta í næstu kosningum.
Flokk um þjóðarsátt handa þjóð
sem er orðin mjög ósátt við
stjórnmálamenn sína.
Næg eru verkefnin. Ég
mundi byrja á að:
1. Skipta út þeim sem
ber eða bera ábyrgð á pen-
ingastefnu Seðlabankans.
2. Fjarlægja Árna
Mathiesen úr
embætti fyrir
fleiri afglöp
en nauðsyn-
legt er að
rifja upp á
þessu stigi
málsins. Ég
mundi samt
ekki vera
mjög vondur
við hann því
að ég vor-
kenni
honum
að láta fara
svona með sig.
3. Standa við fyr-
irheit um að afnema hin
spilltu eftirlaunalög sem Alþingi
undir forystu Davíðs Oddssonar
samþykkti sér til handa. Og
afnema aðstoðarþingmannalögin í
leiðinni.
4. Leggja niður vísitölubindingu
lána, nema vísitölubinding komi
einnig á laun.
5. Leggja niður stimpilgjöld.
6. Skera niður útgjöld til utan-
ríkismála annarra en þróunarað-
stoðar um 50% – til að byrja með.
Segja upp aðild að Nató, kalla
heim alla íslenska „friðargæslu-
liða“ og skipuleggja varnarmál í
samvinnu við Evrópusambandið.
7. Skera niður kostnað við rekst-
ur ráðuneyta um 25%.
8. Taka upp alvöru gjaldmiðil
í staðinn fyrir krónuna sem
dugir ekki lengur.
9. Hafa þjóðarat-
kvæðagreiðslu um heim-
ild til að hefja aðildarvið-
ræður við
Evrópusambandið og fá úr
því skorið hvort við eigum
heima í þeim hópi.
10. Afnema skyldu-
áskrift að Ríkis-
sjónvarpinu.
11. Láta sér-
sveitarmenn
ganga almenn-
ar lögreglu-
vaktir að
minnsta kosti
50% vinnu-
tímans.
Leggja niður
emb-
ætti
Ríkislög-
reglustjóra og
efla hina almennu
löggæslu.
12. Tryggja að auðlindir þjóðar-
innar verði sameign hennar og
setja ný lög um eignarrétt á landi
(jörðum).
Eftir að hafa komið þessu í verk
væri ég sennilega kominn með
sambland af stórmennskubrjálæði
og ofsóknaræði og tímabært að ég
hætti í pólitík.
Vinir okkar Sólveigar frá Tékk-
landi, þau Ía og Þórir, komu í heim-
sókn. Þau komu hingað í helgar-
heimsókn til að passa barnabarnið
Þóri Inga.
MÁNUDAGUR, 27. APRÍL.
Kærkomnir farfuglar
Þegar vinir manns koma frá
útlöndum eru þeir eins og farfugl-
ar sem gera manni glatt í geði.
Sigrún Vignis kom í heimsókn frá
Lundúnum þar sem hún hefur búið
og starfað áratugum saman og
tekið á móti okkur Sólveigu oftar
en ég kann að rifja upp.
ÞRIÐJUDAGUR, 28. APRÍL.
Balzac og peysufatadag-
urinn
Fallegt veður
en ískalt. Ég
fann til með
hinum fal-
legu ungu
stúlkum úr
Verslunar-
skólanum
sem gengu
Austurstræt-
ið á peysuföt-
um. Sjálfur
kom ég dúð-
aður á móti
þeim og var þó ekki
að fara lengra en
upp í Bankastræti að
hitta umsjónar-
menn Eyjunnar,
þar sem ég
blogga stundum
sjálfum mér til
afþreyingar.
Á netinu getur
maður tekið þátt í
umræðu um dæg-
urmálin án þess
að eiga það á
hættu að lenda í
handalögmál-
um.
Í dag var síð-
asti kennslu-
dagur hjá
Hrafni, yngri
syni okkar,
sem er í
Kvenna-
skólanum.
Dimission
hjá honum á
morgun.
Allir hér fara að leggjast í próf-
lestur nema litla Sól sem lítur á
bókmenntir sem svefnmeðal og ég
sem er að lesa ævisögu Balzacs.
Það var nú meiri kallinn, þessi
merkismaður sem bókmennta-
fræðingar telja að hafi fundið upp
nútímaskáldsöguformið hvort sem
það er rétt hjá þeim eða ekki.
Sérstaklega er gaman að lesa
um bókmenntaklíkurnar í París á
fyrri hluta nítjándu aldar. Þar
mynduðu menn bandalög gagn-
kvæmrar samúðar og skrifuðu
lofsamlega ritdóma hver um
annan, og þegar Balzac passaði
ekki inn í einhverjar klíkur
skrifaði hann einfaldlega rit-
dóma um sjálfan sig.
Og alltaf átti hann eftir að
skrifa þrjár eða fjórar bækur til
að verða í senn heimsfrægur og
ódauðlegur og fimm eða sex
bækur til að sjá fyrir endann á
skuldahalanum. En það sem mér
finnst þó merkilegast er að hann
tók hið fyrirlitna bókmenntaform,
vinnukonurómaninn og glæpasög-
una, og hóf í æðra veldi og sýndi
þar með að bókmenntaformið
skiptir ekki meginmáli heldur
innihaldið.
Þetta hefur viljað gleymast og
enn í dag verða sumir bókmennta-
fræðingar sem lítið kunna í bók-
menntasögu nokkuð drýldnir í
sambandi við þessar greinar bók-
menntanna.
Munurinn á sonum mínum er til
dæmis sá að Krummi sem eyddi
ári í Brasilíu hefur engan áhuga á
knattspyrnu en Þór eldri bróðir
hans og ég kunnum hins vegar að
meta þá fögru íþrótt og borðuðum
kvöldmatinn fyrir framan sjón-
varpið yfir æsispennandi leik
tveggja liða sem allir fótbolta-
áhugamenn þekkja og hinir kæra
sig ekki um að heyra nefnd.
Andri sem er 10 ára var að
skrifa fína ritgerð um kristin-
fræði. Nú eru tímar stílabókanna
liðnir. Hann sendi kennaranum
sínum ritgerðina í tölvupósti.
FIMMTUDAGUR, 1. MAÍ. HÁTÍÐ-
ISDAGUR VERKALÝÐSINS. UPP-
STIGNINGARDAGUR.
Rafbyssur sem kennslu-
tæki
Það er svo sjaldgæft að 1. maí og
uppstigningardagur séu einn og
sami dagurinn eins og núna, að
næst gerist þetta ekki fyrr en árið
2160 svo að ég upplifi þetta tæp-
lega aftur.
Landssamband lögreglumanna
á sér þann draum að allir lögreglu-
menn fái rafbyssur til að draga úr
slysahættu við störf lögreglu-
manna. Ég ber djúpa virðingu
fyrir störfum almennra
lögreglumanna. Þeim
er heimilt að beita
skotvopnum ef
aðstæður krefjast
þess.
Ef rafbyssur eru
eins meinlausar og
löggan heldur
fram væri frekar
ástæða til að
heimila kennur-
um notkun þeirra
í skólum þar sem
agavandamál eru
mikil. Ég mundi
þó ekki nota raf-
byssur á mjög
ung börn. Leik-
skólakennar-
ar yrðu að
sætta sig
við vatns-
byssur.
Þjóðarsáttarflokkurinn!
Í dagbók Þráins Bertelssonar er sagt frá hugmyndafræði nýs stjórnmálaflokks, dömum með dýran smekk, ókeypis kollhnísum,
rithöfundinum Balzac, próflestri og vatnsbyssum handa leikskólakennurum.
KÆRA DAGBÓK
Þráinn Bertelsson skrifar
Viltu skjól á veröndina?
www.markisur.com og www.markisur.is
Veðrið verður ekkert vandamál
Hrein fjárfesting ehf, Dalbraut 3, 105 Reykjavík
Upplýsingar í síma 567 7773 og 893 6337 um kvöld og helgar