Fréttablaðið - 03.05.2008, Blaðsíða 8
8 3. maí 2008 LAUGARDAGUR
MÓTTAKA UMSÓKNA ER HAFIN
UMSÓKNARFRESTUR ER TIL 5. JÚNÍ
Háskólinn á Akureyri
Raunvísindi
B.S. í tölvunarfræði
Dipl. í tölvunarfræði
B.S. í umhverfis-
og orkufræði
B.S. í sjávar-
útvegsfræði
B.S. í líftækni
Kynntu þér nám við Háskólann á Akureyri
á www.haskolanam.is
Möguleiki á veglegum námsstyrk!
Nýnemar sem hefja raunvísindanám við HA haustið 2008 geta sótt um styrk að upphæð 500.000
krónur frá fyrirtækinu Hugviti. Við úthlutun verður litið til árangurs umsækjenda í raungreinum
í framhaldsskóla og árangurs þeirra á fyrsta misseri við viðskipta- og raunvísindadeild.
SVÍÞJÓÐ Sprengja sprakk í
fjölbýlishúsi í miðborg Malmö í
gærmorgun. Miklar skemmdir
urðu á húsinu, hurðir og gluggar
eyðilögðust og gat kom í gólf en
enginn slasaðist í sprengingunni,
að sögn dagblaðsins Dagens
Nyheter.
Hátt í þrjátíu manns búa í
stigaganginum og hafa þeir allir
rýmt íbúðir sínar. Talið er að
sprengjan hafi verið sprengd til
höfuðs einhverjum í húsinu; hún
var að minnsta kosti það kröftug
að útilokað er að um venjuleg
strákapör hafi verið að ræða, að
sögn lögreglunnar.
- ghs
Sprenging í Svíþjóð:
Rúður sprungu
og gat kom í gólf
SKÁK Guðfríður Lilja Grétarsdóttir
lætur af störfum sem formaður
Skáksambands Íslands á aðalfundi
þess í dag. Tveir eru í framboði;
þeir Óttar Felix Hauksson og Björn
Þorfinnsson.
„Þetta hafa verið fjögur ham-
ingjurík ár þar sem líf mitt snerist
um skák allan sólarhringinn. Nú er
fínt að skipta um takt og snúa sér
að öðru,“ segir Guðfríður.
Hún segist helst hlakka til að
geta teflt meira sjálf, en oft hafi
lítill tími gefist til þess.
Síðasta embættisverk hennar
var undirritun samnings við
menntamálaráðuneytið um eflingu
skáklistar í grunnskólum. - kóp
Aðalfundur Skáksambandsins:
Guðfríður Lilja hættir
HÆTTIR Í DAG Guðfríður Lilja hættir sem
formaður Skáksambandsins í dag.
SERBÍA, AP Víða um serbnesku
höfuðborgina Belgrad var í gær
búið að setja upp veggspjöld þar
sem látið er að því liggja að
æðstu ráðamenn landsins séu
föðurlandssvikarar fyrir að hafa
undirritað samning við Evrópu-
sambandið um samstarf og
aðildarundirbúning.
Á spjaldinu er mynd af Boris
Tadic forseta og Bozidar Djelic
varaforsætisráðherra við
undirritunina í Lúxemborg á
þriðjudag, og yfir hana er ritað:
„óvinir ríkisins“. Lítið þekkt félag
þjóðernissinna er skrifað fyrir
birtingunni.
Þetta þykir endurspegla þá
spennuþrungnu stemningu sem
ríkir í aðdraganda þingkosninga í
landinu sem fara fram 11. maí. - aa
Stjórnmál í Serbíu:
Áróður gegn
ESB-vináttu
„SVIKARAR“ Veggspjaldið umrædda.
FRÉTTABLAÐIÐ/AP
VERÐHÆKKUN Ástæðna gríðarlegr-
ar verðhækkunar á SMA þurr-
mjólk upp á síðkastið er að leita í
mikilli hækkun hráefniskostnaðar
á heimsmarkaði, segir í tilkynn-
ingu frá fyrirtækinu Icepharma
sem flytur inn SMA.
Í tilkynningunni segir að hinn
10. mars síðastliðinn hafi verð á
SMA þurrmjólk hækkað um 50
prósent að meðaltali. Vegna
hækkana á heimsmarkaði hafi
framleiðslukostnaður Wyeth,
framleiðanda þurrmjólkurinnar,
aukist gríðarlega, sem skilar sér í
þessari miklu hækkun.
Í tilkynningunni segir enn
fremur að neytendur alls staðar í
Evrópu verði fyrir þessum
verðhækkunum. - kg
Verðhækkun á þurrmjólk:
Hækkun upp
á 50 prósent
Vilja vínbúð á Flúðir
Ísólfur Gylfi Pálmason, sveitarstjóri
Hrunamannahrepps, hefur ásamt
fleiri fulltrúum sveitarfélagsins
fundað með forsvarsmönnum ÁTVR
varðandi opnun vínbúðar á Flúðum.
Einnig hefur verið haft samband við
fjármálaráðuneytið um vínbúðina
sem hreppsnefndin telur vera hluta af
nútímaþjónustu á svæðinu.
HRUNAMANNAHREPPUR
Hreinsunardagur og grill
Í dag, laugardag, verður árlegur
hreinsunardagur í Heimaey. Félaga-
samtökum í Eyjum er úthlutað svæð-
um til að hreinsa og fá þau aðstoð frá
starfsmönnum Sorpeyðingarstöðvar-
innar. Í lokin býður bæjarstjórnin til
grillveislu.
VESTMANNAEYJAR
SIMBABVE, AP Morgan Tsvangirai,
helsti leiðtogi stjórnarandstöðunn-
ar í Simbabve, segist til í að mynda
þjóðstjórn með núverandi stjórn-
arflokki, að því tilskildu að Robert
Mugabe forseti segi af sér.
Mugabe sagðist hins vegar í gær
ætla að bjóða sig fram í seinni
umferð forsetakosninga, sem
Tsvangirai hefur neitað að taka
þátt í.
Stjórnarandstaðan leggur ekki
trúnað á opinberar niðurstöður
forsetakosninganna, sem loks
voru birtar í gær, rúmum mánuði
eftir að kosningarnar voru haldn-
ar.
Samkvæmt kjörstjórn hlaut
Morgan Tsvangirai, helsti leiðtogi
stjórnarandstöðunnar, 47,9 pró-
sent atkvæða, en Robert Mugabe
forseti fékk 43,2 prósent. Þar sem
enginn hlaut meira en helming
atkvæða þarf innan þriggja vikna
að halda aðra umferð, þar sem
kosið verður á milli tveggja efstu
manna.
Tsvangirai hefur haldið því
fram að hann hafi fengið 50,3 pró-
sent atkvæða og sé því réttkjörinn
forseti. Ekki þurfi að halda aðra
umferð og hann muni ekki taka
þátt í því nema alþjóðlegt eftirlit
verði með þeim.
Talsmaður Tsvangirais segir nú
að kjörstjórn hafi ekki gert full-
nægjandi grein fyrir 120 þúsund
atkvæðum sem myndu tryggja
Tsvangirai sigurinn. - gb
Morgan Tsvangirai hafnar opinberum niðurstöðutölum forsetakosninganna:
Til í þjóðstjórn án Mugabes
FORMAÐUR KJÖRSTJÓRNAR Lovemore
Sekeramai, formaður kjörstjórnar í
Simbabve, skýrði loks í gær frá opinber-
um niðurstöðum forsetakosninganna.
FRÉTTABLAÐIÐ/AP