Fréttablaðið - 14.05.2008, Qupperneq 10

14. maí 2008 MIÐVIKUDAGUR
STJÓRNMÁL „Við höfum verið að
undirbúa þetta mál á grundvelli
þess sem fram kemur í stjórnar-
sáttmálanum,“ sagði Geir Haarde
um endurskoðun á svokölluðum
eftirlaunalögum frá 2003, að
loknum ríkisstjórnarfundi í gær.
Ríkisstjórnin vinnur nú að end-
urskoðun á laga um eftirlaun þing-
manna og ráðherra. Samkvæmt
stjórnarsáttmála Sjálfstæðisflokks-
ins og Samfylkingarinnar verða
„eftirlaunakjör alþingismanna og
ráðherra [...] endurskoðuð og meira
samræmi komið á í lífeyrismálum
ráðamanna og almennings.“
Geir sagði unnið að því í forsæt-
isráðuneytinu að endurskoða lögin.
Hann sagði stjórnarflokkanna vera
að ræða málið sín á milli. „Það verð-
ur að koma í ljós hvort það næst
samstaða um þetta mál og hvort
tekst að afgreiða það fyrir þinghlé.
Aðalatriðið er að breyta reglunum
þannig að menn geti ekki verið
bæði á launum hjá hinu opinbera og
eftirlaunum. Þá þarf að hafa það í
huga að það er almenna reglan í
þjóðfélaginu,“ sagði Geir. „Það eru
stórir hópar í þjóðfélaginu sem eru
komnir á eftirlaun og eru jafnframt
út á vinnumarkaðnum án þess að
það hafi áhrif á þá skerðingu.“
Þingmenn Sjálfstæðisflokks og
Framsóknarflokks reyndu að ná
saman um breytingar á eftirlauna-
lögunum árið 2006. Eins og fram
kom í Fréttablaðinu í gær segir
Guðni Ágútsson, formaður Fram-
sóknarflokksins, sjálfstæðismenn
hafa stöðvað breytingartillögu
Halldórs Ásgrímssonar á eftir-
launalögunum. Aðspurður segist
Geir ekki viss um lyktir málsins nú
en fyrst og fremst þurfi að taka
mið af stjórnarsáttmálanum. „Það
var engum sér-
stökum um að
kenna að breyt-
ingar á eftir-
launalögunum
náðu ekki fram
að ganga. Það
þarf að hafa það
í huga að frum-
varpið sem sam-
þykkt var 2003,
og er nú lög, var
flutt af fulltrú-
um allra þingflokka. Það hefur
verið reynt að hafa samstöðu um
mál af þessu tagi þvert á þingflokka
og það verður gert áfram.“
Geir sagði misskilnings hafa
gætt meðal almennings um ýmis
atriði eftirlaunalaganna. „Það hefur
ekki farið hátt í umræðunni að í
þessum lögum felst breyting til
hins verra fyrir stóran hóp þing-
manna. Í gamla kerfinu frá 1965
var það þannig að réttindaáherslan
var mismunandi eftir því hvað
menn voru búnir að vera lengi á
þingi. Núna er hins vegar föst pró-
senta fyrir hvert ár. Eftir síðustu
kosningar fóru nokkrir þingmenn á
eftirlaun og þá kusu flestir að fara
á eftirlaun eftir gamla kerfinu,
vegna þess að það var betra fyrir
þá.“
Aðspurður sagði Geir að passað
yrði sérstaklega að ganga ekki á
rétt fólks sem fær eftirlaun á
grundvelli laganna sem tóku gildi
2003. „Það var ekki rétt eftir Ingi-
björgu haft, að það ætti að afnema
lögin, heldur hefur verið rætt um
að gera á þeim tilteknar breytingar.
Við viljum ekki gera neitt sem brýt-
ur gegn rétti fólks og það munum
við ekki gera.“
magnush@frettabladid.is
Lög um eftir-
laun í skoðun
Unnið er að því í forsætisráðuneytinu að endur-
skoða lög um eftirlaun ráðamanna. Helsta breyting-
in er að menn geti ekki verið á eftirlaunum hjá hinu
opinbera og þegið laun á almennum vinnumarkaði.
MÓTMÆLI Breytingar á eftirlaunalögum ráðherra og þingmanna ollu miklu uppnámi
í íslensku þjóðfélagi þegar þær voru til meðferðar á Alþingi veturinn 2002 til 2003.
FRÉTTABLAÐIÐ/VILHELM
SVEITARSTJÓRNIR Þeir sem fengu
lóðir í Vatnsendahlíð í útboði
Kópavogsbæjar í nóvember
munu fá lóðirnar á hagstæðari
kjörum en þá var samið um. Þetta
samþykkti bæjarráð vegna þess
sem það segir vera gjörbreyttar
og ófyrirséðar aðstæður á fast-
eigna- og lánamarkaði.
Ekki er enn nákvæmlega ljóst
hvernig komið verður til móts
við lóðarhafana en í tillögunni
sem bæjarráð samþykkti er þó
gert ráð fyrir endurskoðun á
kjörum skuldabréfa og á stað-
greiðsluafslætti. - gar
Lóðahafar í Vatnsendahlíð í Kópavogi:
Bærinn lofar betri kjörum
GUNNAR I. BIRGISSON Koma á til móts
við lóðahafa í Vatnsendahlíð vegna
breyttra aðstæðna.
GEIR H. HAARDE
Apple IMC
Apple IMC | Humac ehf.
Sími 534 3400
www.apple.is
Laugavegi 182
105 Reykjavík
Kringlunni
103 Reykjavík
MacBook Air 1,36 kg, þyngd í samanburði við:
Fartölvu . . . . . . . . . . . . . . . . . . . . . . . . . . . . . . . . . . . 2,50 kg
Erlent tímarit . . . . . . . . . . . . . . . . . . . . . . . . . . . . . . 1,64 kg
Handtösku . . . . . . . . . . . . . . . . . . . . . . . . . . . . . . . . 2,37 kg
F
í
t
o
n
/
S
Í
A
MacBook Air – örþunn, fislétt, líka fyrir Windows
Þegar þú snertir nýju MacBook Air breytist allt sem þú taldir þig vita um fartölvur
og verður aldrei eins aftur. MacBook Air á þig um leið og þú sérð hana.
Létt, örþunn, öflug.
Fágun. Upplifun. Óviðjafnanleg.
TÖLUM SAMAN
Sjálfstæðismenn bjóða til fundar
víðs vegar um landið
Húsavík • Salka • kl. 09.00
Geir H. Haarde fer yfir stjórnmálaviðhorfið – þingmenn sitja fyrir
svörum við pallborð.
Varmahlíð • Hótel Varmahlíð • kl. 12.00
Geir H. Haarde fer yfir stjórnmálaviðhorfið – Einar K. Guðfinnsson
situr fyrir svörum við pallborð.
Ísafjörður • Stjórnsýsluhúsið • kl. 20.30
Geir H. Haarde fer yfir stjórnmálaviðhorfið – Einar K. Guðfinnsson
og Herdís Þórðardóttir sitja fyrir svörum við pallborð.
Eyrarbakki • Rauða húsið • kl. 20.00
Árni Johnsen fer yfir stjórnmálaviðhorfið og málefni kjördæmisins.
Selfoss • Hótel Selfoss • kl. 20.00
Kjartan Ólafsson og Pétur H. Blöndal fara yfir stjórnmálaviðhorfið.
Reykjavík • Valhöll • kl. 17.15
Ármann Kr. Ólafsson, Gísli Marteinn Baldursson og Ragnheiður
Ríkharðsdóttir á fundi samgöngunefndar Sjálfstæðisflokksins
um samgöngumál á höfuðborgarsvæðinu.
Kópavogur • Félagsheimili sjálfstæðismanna
í Hlíðasmára • kl. 20.00
Þorgerður Katrín Gunnarsdóttir fer yfir stjórnmálaviðhorfið
– þingmenn svara spurningum við pallborð.
MIÐVIKUDAGURINN 14. MAÍ