Fréttablaðið - 14.05.2008, Síða 20

[ ]
Veiðiferðir eru góð skemmtun
úti í náttúrunni fyrir alla fjöl-
skylduna.
Á blíðviðrisdögum er fátt skemmti-
legra en að standa á árbakka og
kasta fyrir fisk með fuglasönginn í
eyrunum. Spennan kitlar í magann
við að bíða eftir því að bíti á öngul-
inn og fólk gefur sér tíma til að
slappa af.
Á ferðalagi fjölskyldunnar í
sumarfríinu er sniðugt að hafa
veiðikortið meðferðis og þræða
vötnin um landið. Fjölskyldu-
tengslin styrkjast þegar foreldr-
arnir kenna krökkunum handtökin
og krakkarnir læra að umgangast
náttúruna.
Áður en lagt er af stað er betra
að koma sér upp góðum búnaði.
Sveinbjörn Guðmundsson hjá
Sportvörum á Krókhálsi segir
grunnútbúnað fyrir krakkana fyrst
og fremst vera stöng og hjól og svo
viðeigandi fatnað.
„Það má alltaf gera ráð fyrir að
krakkarnir vaði út í og þá er gott að
vera vel stígvélaður. Einnig er mjög
gott að vera með sólgleraugu við
veiðarnar, bæði til að sjá betur í
vatnið og eins öryggisins vegna svo
ekki fari öngull í augað.“
Sveinbjörn segir best að byrja á
einföldum settum og passa að
stöngin sé ekki of stór. Í verslun-
inni hjá honum fást grunnsett frá
krónum 6.995 og oft komi krakk-
arnir með foreldrunum til að velja
stöng og spúna. Hann segir í raun
ekkert aldurstakmark á hversu
ungir krakkar geti veitt, það fari
frekar eftir þolinmæði foreldr-
anna.
Sveinbjörn mælir einnig með því
að nota flotholt fyrir yngstu krakk-
ana og gervibeitu. Svo er gott að
vera með skjólur undir dótið, til
dæmis litla bakpoka sem er þá líka
hægt að setjast á ef veiðin lætur
bíða eftir sér. heida@frettabladid.is
Veiðiferð fjölskyldunnar
Grunnútbúnaður fyrir krakka í veiðiferð
getur verið stöng, hjól, hlífðargleraugu
og önglar.
FRÉTTABLAÐIÐ/GVA
Veiðiferðir eru fjölskylduvænt sport og krakkarnir læra að umgangast náttúruna.
Öngullinn er beittur og skal handleika hann fumlaust. Gott
er að geyma hann í litlum plastílátum svo hann krækist ekki í
farangur.
Nú er rétti tíminn til þess að undirbúa
næsta veiðitímabil. Veiðikortið veitir aðgang að
rúmlega 30 vatnasvæðum vítt og breitt um landið
fyrir aðeins 5000 kr. Frí heimsending þegar verslað
er beint á www.veidikortid.is
Tryggðu þér Veiðikortið í tíma!
Á að veiða
í sumar?