Fréttablaðið - 14.05.2008, Síða 21

][
Fögur náttúra og skemmtileg
menning einkennir Serbíu sem
nú býr sig undir að taka á móti
Eurovision-gestum. Í haust
gefst Íslendingum kostur á
borgarferðum til Belgrad.
Serbía er landlukt land á Balkan-
skaga og var stærsti og fjölmenn-
asti hluti Júgóslavíu þegar hún var
og hét. Á undanförnum árum hefur
ferðaþjónusta í Serbíu blómstrað.
Búast má við að fjölmargir leggi
leið sína þangað á næstunni meðan
Eurovision-söngkeppnin fer fram í
Belgrad, höfuðborg Serbíu, 20. til
24. maí.
Borgin hefur upp á margt að
bjóða enda ein elsta borg Evrópu,
stofnuð á tímum Kelta og Rómverja.
Borgin á sér merka sögu ekki síst
vegna þess að fáar borgir hafa jafn
oft risið upp úr ösku eftir styrjaldir
og árásir.
Þótt ekki sé flogið beint frá
Íslandi til Belgrad má búast við að
margir Íslendingar leggi leið sína
til Serbíu meðan á söngvakeppninni
stendur. Nebojsa Colic, sem búsett-
ur hefur verið á Íslandi í átta ár og
hefur nýlega hafið rekstur ferða-
skrifstofunnar Serbíuferðir, ætlar
að nýta sér það.
„Ég ákvað að nota tækifærið nú
þegar Eurovision er haldin í Bel-
grad og bjóða upp á nokkrar skoðun-
arferðir fyrir þá Íslendinga sem þar
verða. Svo stefni ég á að bjóða upp á
þriggja til fjögurra daga ferðir til
Belgrad í haust með beinu flugi frá
Keflavík,“ segir Nebojsa og útskýr-
ir að þótt ekki sé flogið beint til
Serbíu nú sé auðvelt að komast
þangað, til dæmis með því að fljúga
í gegnum Kaupmannahöfn.
Ferðirnar sem Nebojsa ætlar að
bjóða upp á meðan á Eurovision
stendur eru til þriggja borga í
nágrenni Belgrad, Vršac, Novi Sad
og Kragujevac. Hægt er að nálgast
upplýsingar um þær á heimasíðunni
www.serbia.is. thorgunnur@frettabladid.is
Ekki bara Eurovision
Belgrad
Belgrad er höfuðborg Serbíu og
jafnframt stærsta borg landsins.
Meðal staða í borginni sem vert er
að skoða er Kalemegdan-kastalinn,
höll Ljubicu prinsessu og hernaðar-
safnið svo fátt eitt sé nefnt.
Novi Sad
Novi Sad er falleg lítil borg í ná-
grenni Belgrad.
Manasija-klaustrið
Klaustrin í Serbíu eru heillandi og
þau er gaman að skoða.
Gamli bærinn í Sirogojno
Í Sirogojno er eins konar byggða-
safn í anda Árbæjarsafns. Þar má
kynnast lífinu í hefðbundnu 19.
aldar þorpi.
Ferðataska í skærum lit er áberandi á færibandinu á stórri
flugstöð. Taskan týnist síður ef hún er merkt eiganda sínum.
Um ferðir innanlands
AUÐVELT ER AÐ FRÆÐAST UM ÞJÓNUSTU, ÁNINGARSTAÐI OG AFÞREY-
INGU ÁÐUR EN LAGT ER Í FERÐALAG INNANLANDS MEÐ ÞVÍ AÐ FARA Á
VEFINN FERDALAG.IS.
Ferðamálastofa heldur úti öflug-
um upplýsingavef fyrir Íslendinga
sem eru að skipuleggja ferðir um
eigið land er hefur slóðina fer-
dalag.is. Þar er að finna fróðleik
um staðhætti og náttúrufar hvers
landshluta fyrir sig, áhugaverða
staði, gistingu, umferð, göngu-
gerðir og fjölmargt fleira.
Má fullyrða að hér sé um að
ræða stærsta gagnagrunninn um
íslenska ferðaþjónustu sem til er
í dag. Til dæmis er þar að finna
upplýsingar um opnunartíma
safna um allt land og lista yfir
það sem er á döfinni, golfvelli,
veiði, sundlaugar, reiðhjólaleigur
og hestaleigur, svo nokkuð sé
nefnt. Loks má nefna ýmsar
fleiri hagnýtar upplýsingar, svo
sem um upplýsingamiðstöðvar,
ferðaskrifstofur, vegalengdir á
milli staða og ýmislegt fleira. - gun
Breiðavík býður upp á hvítan sand í
breiðum. FRÉTTABLAÐIÐ/HEIÐA
Áhugaverðir staðir í Serbíu:
Gaman er að ferðast til lítilla bæja og þorpa og sjá hvað þau hafa upp á að bjóða.
NORDICPHOTOS/GETTY
MasterCard
Mundu
ferðaávísunina!
Montreal
Hótelstjórnun
Nám á háskólastigi kennt í samstarfi við César Ritz
Colleges í Sviss.
Spennandi námsmöguleiki fyrir nemendur sem lokið
hafa sveinsprófi í matvælagreinum og/eða stúdents-
prófi. Námið veitir alþjóðlegt diploma í hótelstjórnun og
tekur tvær annir ásamt 1000 vinnustundum í starfs-
þjálfun. Í framhaldi býðst nemendum að ljúka BS-námi
hjá César Ritz Colleges í Sviss.
Starfstengt ferðafræðinám
Hagnýtt nám fyrir þá sem vilja starfa í ferðaþjónustu-
fyrirtækjum.
Námið skiptist í bóklegt nám í tvær annir og þriggja
mánaða starfsþjálfun hjá ferðaþjónustufyrirtæki. Kennt
er síðdegis, mánudaga til fimmtudaga.
Umsækjendur þurfa að hafa náð 21 árs aldri og vera
með stúdentspróf eða annað sambærilegt nám.
Hagnýtt ferðafræðinám -
fjarnám
Hnitmiðað nám sem er sérsniðið fyrir þá sem starfa
við ferðaþjónustu á landsbyggðinni.
Námið tekur tvær annir. Kennsla hefst í október og
henni lýkur í apríl.
Flugþjónustunám
Undirbúningsnám fyrir verðandi flugfreyjur og
flugþjóna.
Námið tekur eina önn. Kennt er síðdegis mánudaga til
fimmtudaga.
Umsækjendur þurfa að hafa náð 21 árs aldri og vera með
stúdentspróf eða annað sambærilegt nám og hafa gott
vald á tveimur erlendum tungumálum.