Fréttablaðið - 15.05.2008, Blaðsíða 64
44 15. maí 2008 FIMMTUDAGUR
menning@frettabladid.is
Kl. 20
Boðið verður upp á leiðsögn um
sýningar þeirra Einars Más Guð-
varðssonar, Jónu Guðvarðsdóttur og
Hildar Jónsdóttur í Hafnarborg,
menningar- og listastofnun Hafnar-
fjarðar, í kvöld kl. 20. Listamennirnir
þrír fást allir við skúlptúr í einhverri
mynd, en vinna þó með ólík efni og
hafa ólíka nálgun á viðfangsefni sín.
Listahátíð í Reykjavík verður formlega sett
í Listasafni Reykjavíkur í Hafnarhúsinu í
dag. Þar fer einnig fram stærsti viðburður
hátíðarinnar, Tilraunamaraþonið, sem
hefst í fyrramálið kl. 10.
Fjöldi listamanna, fræðimanna og vísindamanna
tekur þátt í maraþoninu sem stendur allan daginn
bæði á morgun og á sunnudag. Hver þátttakandi
hefur vissan tímaramma, fimmtán mínútur, til þess
að fremja sína tilraun og svo tekur næsti þátttak-
andi við. Tilraunirnar spanna vítt svið fræða og lista
og er því ljóst að fjölbreytileiki verður í fyrirrúmi á
þessum yfirgripsmikla viðburði.
Hafþór Yngvason, safnstjóri Listasafns Reykja-
víkur, segir Tilraunamaraþonið runnið undan rifjum
sýningarstjóranna, þeirra Hans Ulrich Obrist, sem
jafnframt er safnstjóri Serpentine safnsins í
Lundúnum, og myndlistarmannsins Ólafs Elíasson-
ar. „Obrist hefur gríðarlega vítt áhugasvið og sér
gjarnan tengsl á milli ólíklegustu viðfangsefna. Þeir
Ólafur unnu saman í fyrra þegar Ólafur reisti
sérlegan skála við Serpentine safnið. Öll aðferðar-
fræði Ólafs gengur út á að verk hans reyni á
skynfærin og því prufuðu þeir félagar að halda
tilraunamaraþon í skálanum síðastliðið haust.
Leikurinn er svo endurtekinn hér, en þó á veglegri
hátt þar sem að hér fylgir maraþoninu sýning sem
stendur út sumarið.“
Þátttakendur í maraþoninu koma víða að; Hafþóri
telst til að þeir komi frá tólf löndum og fimm
heimsálfum. Sumir þeirra eru vel þekktir innan
afmarkaðra kima lista- og menningarheimsins en
aðrir eru almenningi vel kunnir, til að mynda
tónlistarmaðurinn Brian Eno og kynlífssérfræðing-
urinn Dr. Ruth. Hafþór segir þátttakendurna hafa
tekið vel í það að ferðast til Íslands til þess eins að
láta ljós sitt skína í fimmtán mínútur. „Obrist er
ótrúlega vel tengdur maður; hann hefur fleiri
númer í símanum sínum en nokkur annar sem ég
þekki til. Að auki er hann vel þekktur sýningarstjóri
bæði í Evrópu og í Bandaríkjunum og hefur afar
sérstakan sýningastíl. Því virðast flestir sem hann
hefur samband við vera meira en til í að taka þátt í
hverju því sem hann stingur upp á. Honum tekst
með sýningum sínum að skapa mögnuð hughrif sem
þó er erfitt að henda reiður á og því ekkert undar-
legt að fólk vilji gjarnan taka þátt í að skapa slíka
upplifun.“
Tilraunamaraþonið sjálft fer fram á opnunartíma
Listasafnsins á morgun og á sunnudag, en sýning
tengd viðburðinum stendur svo til 24. ágúst.
vigdis@frettabladid.is
Tilraunir á öllum sviðum
VEGGVERK Hér má sjá myndskreytingu á vegg í Hafnarhúsinu eftir Matthew Ritchie. FRÉTTABLAÐIÐ/RÓSA
HLJÓÐMYND Hluti af verki eftir Brian Eno.
FRÉTTABLAÐIÐ/RÓSA
Kvikmyndahátíðin í Cannes er hafin og streymir
þangað margt stórmennið. Íslenska stuttmyndin
Smáfuglar (2 Birds) eftir Rúnar Rúnarsson hefur
verið valin í aðalkeppni hátíðarinnar og keppir
því um Gullpálmann í ár. Þetta er í annað sinn
sem íslensk stuttmynd er valin til keppni í
Cannes, en árið 1993 keppti stuttmynd Ingu
Lísu Middleton, Ævintýri á okkar tímum,
um Gullpálmann. Verðlaunaafhendingin fer
fram sunnudaginn 25. maí, en þá er lokahóf
kvikmyndahátíðarinnar.
Samhliða kvikmyndahátíðinni er í
Cannes mjög öflugur kvikmyndamark-
aður þar sem kaupendur og seljendur
kvikmynda alls staðar að úr heimin-
um koma saman. Fimm íslenskar
kvikmyndir verða sýndar að
þessu sinni á markaðssýningum
í Cannes en það eru Astrópía
(Gunnar B. Guðmundsson),
Duggholufólkið (Ari Kristinsson),
Veðramót (Guðný Halldórsdóttir), The Amazing
Truth About Queen Raquela (Ólafur De Fleur
Jóhannesson) og Skrapp út (Sólveig Anspach).
Tvær síðastnefndu myndirnar hafa enn ekki verið
sýndar á Íslandi.
Magnús Viðar Sigurðsson verður fulltrúi
Íslendinga í „Producer on the move”, en
það er viðburður þar sem framleið-
endur alls staðar að úr Evrópu koma
saman og kynna sig og myndir sínar,
ræða framtíðarverkefni og vinna að
því að fá nýja aðila að verkum sínum.
Starfsmenn Kvikmyndamiðstöðvar
Íslands eru á svæðinu framleiðendum
til halds og trausts, en miðstöðin
hefur um langt skeið verið þátttakandi í
markaðssetningu íslenskra kvikmynda í
Cannes. - pbb
Cannes-hátíðin hafin
KVIKMYNDIR Rúnar Rúnarsson á mynd
í keppni stuttmynda um Gullpálmann í
Cannes.
Í flóði þeirra myndlistarviðburða
sem fram undan eru er hætt við að
ný sýning íslenskrar samtímaljós-
myndunar fari lágt en að henni
stendur hið nýstofnaða félag sam-
tímaljósmyndara hér á landi. Sýn-
ingin sjálf verður opnuð á morgun
kl. 17 í Þjóðminjasafni Íslands en
þar verður einnig uppi sýning á
Íslandsmyndum franska ljósmynd-
arans Thomas Humery sem hann
hefur tekið hér hin síðari ár.
Í tengslum við sýninguna verður
haldið málþing um íslenska sam-
tímaljósmyndun á laugardag og
hefst það kl. 11 í Þjóðminjasafni.
Þar ræða innlendir og erlendir
fræðimenn um ýmis efni. Annette
Rosengren, safnvörður við Nord-
iska Museet í Stokkhólmi, segir frá
EKODOK -90, sænsku verkefni
fyrir áhugaljósmyndara, rithöf-
unda og safnamenn. Linda Ásdísar-
dóttir, íslenskufræðingur og safn-
vörður við Byggðasafn Árnesinga,
ber saman ljósmyndabækurnar
Íslendingar með ljósmyndum Sig-
urgeirs Sigurjónssonar og Rætur
rúntsins eftir hollenska ljósmynd-
arann Rob Hornstra. Sigurjón
Baldur Hafsteinsson mannfræð-
ingur segir af óánægju fréttaljós-
myndara, en blaðaljósmyndarar
hafa lýst óánægju sinni með stöðu
ljósmyndunar á íslenskum fjöl-
miðlum í dag. Farið verður yfir
gagnrýni þeirra og staða frétta-
ljósmyndunar skoðuð. Þá mun Æsa
Sigurjónsdóttir, listfræðingur og
styrkþegi í rannsóknarstöðu Kristj-
áns Eldjárn við Þjóðminjasafn
Íslands, spyrja: Hver er staður
ljósmynda innan íslenskrar sjón-
listasögu? Hjálmar Sveinsson
blaðamaður skoðar landið og sam-
félagið eins og það endurspeglast í
ljósmyndabókum. Og loks mun
Margrét Hallgrímsdóttir, þjóð-
minjavörður, greina frá fyrstu
verkefnaráðningu Þjóðminjasafns
Íslands í samtímaljósmyndun.
Þingið hefst kl. 11, gert verður
hádegishlé en því lýkur um kl. 16.
pbb@frettabladid.is
Þingað um ljós-
myndir samtímans
FRÁ KEFLAVÍKURFLUGVELLLI Myndin er
úr röð mynda þaðan og er eftir Braga
Þór Jósepsson, sem er einn þeirra átta
ljósmyndara sem eiga verk á sýningunni
Endurkast – íslensk samtímaljósmyndun
sem verður opnuð í Þjóðminjasafni á
föstudag kl. 17.
MYND/BRAGI ÞÓR JÓSEPSSON/ÞJÓÐMINJASAFN ÍSLANDS
Listahátíð breiðir úr sér: Í
Hveragerði verður á sunnudag
opnuð sýning á pappírsverkum
Magnúsar Kjartanssonar
myndlistarmanns sem féll frá á
besta aldri 2006. Það er
Listasafn Árnesinga sem
stendur fyrir sýningunni en
sýningarstjóri er Jón Proppé.
Pappírsverk Magnúsar eru
unnin með margbreytilegri
tækni og spanna verkin á
sýningunni allan feril þessa
afkastamikla listamanns.
Klippimyndir, málverk og
ljósmyndir. Á sýningunni er
einnig að finna yfirlit um
tilraunir Magnúsar með alls
kyns ákast. Hann varpaði
hlutum, myndum og jafnvel
líkamshlutum á pappír og
framkallaði með ýmiss konar
tækni ákastið á pappírinn.
Fæst verkanna á þessari
sýningu hafa áður komið fyrir
almenningssjónir enda er hér
um að ræða fyrstu tilraun til að
skoða framlag Magnúsar til
verka sem unnin eru á pappír.
Nokkur verkanna eru úr eigu
opinberra safna en önnur úr einkaeign. Sýningarstjórinn segir að
leitast verði við á þeim tíma sem sýningin er opin í Hveragerði að
tengja vinnu Magnúsar á þessu sviði við strauma í samtíma hans með
fyrirlestrum, kynningum, pallborðsumræðum og gjörningum, en á
opnunardaginn mun verðandi fulltrúi íslenskrar myndlistar á Tvíær-
ingnum í Feneyjum, Ragnar Kjartansson, fremja gjörning.
Sýningin í Listasafni Árnesinga í Hveragerði stendur til 20. júlí og er
opin daglega frá 12-17. Listasafnið er í eigu sveitarfélaga í Árnessýslu,
var stofnað 1975 og var lengi starfrækt á Selfossi en hefur frá 2003
verið í Hveragerði.
- pbb
Pappírsverk Magnúsar
MYNDLIST Eitt verka Magnúsar Kjartanssonar
myndlistarmanns (1949-2006) á pappír sem
birtast mörg í fyrsta sinn á sýningu í Hvera-
gerði, sem verður opnuð á sunnudag kl. 18.
> Ekki missa af...
Sýningu á litríkum útsaums-
verkum og teikningum
Guðrúnar Bergsdóttur á
Kaffi Mokka, Skólavörðustíg
3a, sem lýkur nú á laugar-
dag. Guðrún á að baki fjölda
samsýninga og einkasýninga,
en sýningin á Mokka er hluti af
listahátíðinni nýafstöðnu List
án landamæra.