Fréttablaðið - 15.05.2008, Blaðsíða 2
2 15. maí 2008 FIMMTUDAGUR
Svandís, eru þessi vinnubrögð
í takt við tímann?
„Allt er best í hófi, það er okkar trú.“
Minnihluti borgarstjórnar hefur gagnrýnt
ráðningu Jakobs Frímanns Magnússonar
í starf framkvæmdastjóra miðborgar og
segja hana af pólitískum toga. Svandís
Svavarsdóttir er oddviti Vinstri grænna í
borgarstjórn.
LÖGREGLUMÁL Jón bóndi Gunnarsson leitaði í gær til
ofbeldisdeildar lögreglunnar á höfuðborgarsvæð-
inu og lagði fram kæru þess efnis, að hann hefði
orðið fyrir barsmíðum af hendi Magnúsar Vers
Magnússonar. Þetta staðfesti lögregla við Frétta-
blaðið, en kvaðst ekki vilja veita neinar upplýsing-
ar um efnisatriði málsins.
Samkvæmt upplýsingum Fréttblaðsins átti
atburðurinn sér stað á heimili Jóns í Reykjavík í
fyrradag. Magnús Ver taldi sig eiga harma að
hefna, tók hús á Jóni og réðst á hann. Samkvæmt
upplýsingum Fréttablaðsins var lögregla kvödd á
staðinn, þar sem hún skakkaði leikinn.
Jón fór á slysadeild til aðhlynningar, en hann
mun hafa hlotið verulega áverka í árásinni, sem
flokkast undir alvarlega líkamsárás er varðar við
218. grein almennra hegningalaga.
Bæði Jón og Magnús Ver neituðu því í samtali
við Fréttablaðið í gær að atvik af þessu tagi hefði
átt sér stað. Lögregla staðfesti það hins vegar
tvívegis í samtali við blaðið, líkamsárásin hefði átt
sér stað og hún hefði verið kærð til lögreglu.
- jss
MAGNÚS VER MAGNÚSSON
Hefur verið kærður vegna
líkamsárásar.
JÓN „BÓNDI“ GUNNARSSON
Hefur lagt fram kæru vegna
líkamsárásar.
Lögreglan kvödd á vettvang þar sem tveir kraftajötnar tókust á:
Jón bóndi kærir Magnús Ver
til lögreglu fyrir líkamsárás
Akureyri
Vík
Egilsstaðir
Selfoss
Hveragerði
Hafnarfjörður
Neskaupstaður
Grundarfjörður
Stykkishólmur
Súðavík
Ísafjörður
Akranes
Njarðvík
Sandgerði
Hreðavatnsskáli
Reykjavík
Þú sparar á Orkustöðvunum
Net Orkustöðvanna umhverfis landið þéttist sífellt til enn frekari
hagsbóta fyrir almenning. Kynntu þér hvar Orkustöðvarnar eru og
hvað bensínið er ódýrt þar.
SPÁÐU Í HVAÐ ÞÚ SPARAR!
www.orkan.is
D
Y
N
A
M
O
R
E
Y
K
JA
V
IK
AKRANES Sjálfstæðismenn mynduðu
í gær hreinan meirihluta í bæjar-
stjórn Akraness þegar Karen Emil-
ía Jónsdóttir, F-lista, og Gísli S. Ein-
arsson bæjarstjóri gengu til liðs við
flokkinn. Unnið verður unnið á
grunni málefnasamnings fyrri
meirihluta Sjálfstæðisflokks og F-
lista og mun Karen áfram verða for-
maður bæjarráðs og Gunnar Sig-
urðsson áfram forseti bæjarstjórnar
en á mánudag verður kosið að nýju í
allar nefndir bæjarins.
Breytingarnar koma í kjölfar
greinagerðar Magnúsar Þórs
Hafsteinssonar, varaformanns
Frjálslynda flokksins og fráfarandi
formanns félagsmálanefndar bæj-
arfélagsins, en Magnús leggst gegn
því að bæjarfélagið taki á móti
flóttamönnum.
Magnús Þór telur ótal spurning-
um vegna móttöku flóttamannanna
ósvarað og nefnir hann atvinnumál
og húsnæðismál sem dæmi. „Á sama
tíma erum við að upplifa að álag á
alla velferðarþjónustu á Akranesi
er að aukast mjög mikið,“ segir
Magnús sem telur fjölda flótta-
manna mjög mikinn. „Það hefur
aldrei verið á stefnuskrá neins
flokks í bæjarfélaginu að taka á
móti flóttafólki. Þetta er stórpólit-
ískt grundvallarmál og stefnubreyt-
ing á velferðarsviðinu.“ Magnús átti
ekki von á að afstaða hans ylli meiri-
hlutaslitum en sér ekki eftir henni.
Gísli og Karen Emilía staðfesta
að afstaða Magnúsar Þórs hafi vald-
ið meirihlutaslitunum. Segja þau
alla aðra kjörna fulltrúa vera sam-
mála því að taka á móti flóttamönn-
unum. „Ég tel að Skagamenn séu
ekki það eigingjarnir að þeir geti
ekki hleypt hingað tíu einstæðum
mæðrum með tuttugu börn án þess
að allt verði vitlaust,“ segir Karen
Emilía.
„Þessi andstaða Magnúsar við
gjörðir okkar er dropinn sem fyllti
mælinn,“ segir Gísli. Hann segir
Magnús hafa tekið málið af dagskrá
félagsmálaráðs vitandi að bærinn
væri kominn í tímaþröng með að
svara félagsmálaráðuneytinu.
„Þegar það var upplýst hvernig
umfjöllun hefði verið á bæjarmála-
fundi Frjálslynda flokksins þá áttum
við enga kosti aðra en að þessu sam-
starfi yrði slitið svona,“ segir Gísli.
Magnús Þór verður áfram vara-
bæjarfulltrúi Karenar, sem hefur
ekki áhyggjur af því þótt varamað-
ur hennar styðji ekki þann meiri-
hluta sem hún stendur að. „Ég er
fullkomlega sátt við það sem ég er
búin að gera.“ Um möguleikann á
að Magnús Þór taki sæti hennar á
bæjarstjórnarfundi segir Karen:
„Sá möguleiki er fyrir hendi og þá
tökum við á því, ef og þá þegar að
því kemur.“
Þrír bæjarfulltrúar á Akranesi
hafa hætt á kjörtímabilinu og þrír
varamenn tekið við. „Það eru meira
og minna pólitískir viðvaningar,“
segir Magnús og bætir við að nú
skapist algert umsátursástand.
Hann segir erfitt að segja til um
hvort hann muni fella meirihlutann
ef hann taki sæti Karenar „Það yrði
bara að ráðast.“ Frjálslyndi flokk-
urinn myndar hvergi meirihluta í
bæjar- eða sveitarstjórn eftir meiri-
hlutaslitin á Akranesi í gær.
olav@frettabladid.is
Gátu ekki unað við
afstöðu Magnúsar
Nýr meirihluti tók við bæjarstjórn Akraness í gær þegar bæjarfulltrúi Frjáls-
lyndra og óháðra gekk í Sjálfstæðisflokkinn. Ástæðan er afstaða Magnúsar Þórs
Hafsteinssonar, varaformanns Frjálslynda flokksins til móttöku flóttamanna.
UMHVERFISMÁL Árlegur vorleiðang-
ur Hafrannsóknastofnunarinnar á
rannsóknaskipinu Bjarna
Sæmundssyni hófst í gær. Í
leiðangrinum verður unnið að
verkefnum sem lúta að langtíma-
vöktun á ástandi sjávar, næringar-
efnum, gróðri og átu á hafsvæðun-
um við Ísland. Athuganir verða
gerðar allt í kringum landið, bæði
á landgrunninu sjálfu og utan þess.
Rannsóknir verða gerðar á hita og
seltu sjávar, næringarefnum í sjó,
svifþörungum og dýrasvifi.
Leiðangursstjóri er Sólveig R.
Ólafsdóttir, sérfræðingur á sjó- og
vistfræðisviði, og skipstjóri er
Ásmundur Sveinsson. - shá
Hafrannsóknastofnunin:
Árlegur vorleið-
angur hafinn
BÆJARRÁÐSFUNDUR Þrjúþúsundasti bæjarráðsfundur Akranesbæjar var haldinn
hátíðlegur í gær sama dag og tilkynnt var að nýr meirihluti Sjálfstæðismanna tæki
við af fráfarandi meirihluta Sjálfstæðisflokks og Frjálslyndra. MYND/SKESSUHORN
BANDARÍKIN, AP Hillary Clinton
ætlar að berjast til þrautar í kosn-
ingaslag Demókrataflokksins, þar
sem hún tekst á við Barack Obama
um að verða forsetaefni flokksins í
haust.
„Veljið þann sem þið teljið að
verði sigurstranglegasta forseta-
efnið í haust,“ sagði Clinton á fundi
í Charleston, og beindi máli sínu
greinilega til forystumanna flokks-
ins sem geta enn haft áhrif á afstöðu
fjölmargra ofurkjörmanna. „Sigur
í forsetakosningum vinnst í ríkjum
þar sem kjósendafylgið sveiflast,
og ég hef verið að sigra í slíkum
ríkjum.“
Hillary sigraði í prófkjörinu í
Vestur-Virginíu á þriðjudag, hlaut
tuttugu kjörmenn en Obama fékk
aðeins átta. Þessir tólf kjörmenn
duga henni þó engan veginn til að
saxa á forskot Obamas, sem í gær
var kominn með meira en 1.880
kjörmenn en Clinton aðeins með
1.710.
Nærri 550 af tæplega 800 „ofur-
kjörmennum“ hafa þegar gefið upp
afstöðu sína, og hafa 281 þeirra lýst
yfir stuðningi við Obama en 165 við
Clinton. Ofurkjörmennirnir eru
þingmenn, ríkisstjórar og aðrir for-
ystumenn flokksins, sem hafa
frjálsar hendur þegar til atkvæða-
greiðslu kemur á landsþingi í lok
ágúst. Þeir ráða því úrslitum og
geta enn skipt um skoðun og flykkt
sér að baki Clinton, gerist eitthvað
óvænt sem gefur þeim ástæðu til
þess. - gb
Hillary Clinton biðlar til „ofurkjörmanna“ og ætlar að berjast til þrautar:
Segist sigurstranglegri en McCain
HILLARY CLINTON Ætlar að halda áfram
þar til síðasta prófkjörinu lýkur.
FRÉTTABLAÐIÐ/AP
BÚRMA, AP Óttast var í gær að ný
bylgja hamfara skylli á Búrma með
enn fleiri dauðsföllum, þar sem nýr
fellibylur virtist í mótun og virtist
ætla að stefna yfir sömu óseyra-
svæði og fellibylurinn Nargis fór
yfir fyrir nærri tveimur vikum.
Búrmastjórn segir að Nargis
hafi til þessa kostað nærri 35
þúsund manns lífið, svo vitað sé, en
að auki sé nærri 28 þúsund manns
saknað. Talið er að 1,5 til 2
milljónir manna þurfi á neyðarað-
stoð að halda, en Sameinuðu
þjóðirnar og aðrar hjálparstofnan-
ir hafa til þessa ekki náð að veita
nema 270 þúsund manns aðstoð. - gb
Óttast fellibyl að nýju í Búrma:
Ný hrina ham-
fara á leiðinni
HELLIDEMBA Í BOGALAY Börnin skýldu
sér fyrir úrhellis rigningu með því að
breiða yfir sig dúk. NORDICPHOTOS/AFP
MENNTUN „Það er fróðlegt fyrir
vini og vandamenn að reka inn
nefið,“ segir Edda Huld Sigurðar-
dóttir, skólastjóri Skóla Ísaks
Jónssonar en í dag, föstudag er
opið hús í skólanum.
Er þá vinum og velunnurum
skólans boðið að ganga um skólann
og fylgjast með skólastarfinu.
Dagskráin hefst klukkan 8.30 með
söng nemenda og að honum
loknum eru atriði í salnum fram
eftir degi. Edda Huld segir
nemendur hafa unnið með
einkunnarorð skólans sem eru
starf, háttvísi, þroski og hamingja.
„Afrakstur þessarar vinnu er
sýnilegur á veggjum skólans og í
ræðu og riti í salnum.“ Hún segir
einkunarorðin þau sömu nú og í
upphafi skólans árið 1926 og þau
enn vera í fullu gildi. - ovd
Opið hús í Ísaksskóla:
Fróðlegt að
reka inn nefið
Á SAL Starf, háttvísi, þroski og hamingja
hafa frá upphafi verið einkunnarorð
skólans. FRÉTTABLAÐIÐ/GVA
SVÍÞJÓÐ Lögreglan í Svíþjóð hefur
handtekið um þrjátíu manns fyrir
barnaklám. Talið er að um klám-
hring sé að ræða sem dreifist um
alla Svíþjóð, að sögn Aftonbladet.
Hinir handteknu eru sakaðir um
að hafa dreift og tekið á móti
barnaklámi á netinu og rætt
kynferðislegt ofbeldi gagnvart
börnum á umræðuvefjum. Nokkrir
í hópnum eru grunaðir um að hafa
nauðgað börnum. - ghs
Sænska lögreglan:
Fjöldahandtaka
fyrir barnaklám
DÓMSMÁL Gæsluvarðhaldsúrskurð-
ur yfir háskólakennara sem
grunaður er um ítrekuð kynferðis-
brot gegn börnum var í gær
framlengdur til 13. ágúst.
Maðurinn hefur þegar setið í
gæsluvarðhaldi í tvo mánuði en
hann er grunaður um kynferðis-
brot, meðal annars gegn sínum
eigin börnum. Meint brot ná yfir
langt tímabil og eru gegn mörgum
börnum. Eru nokkur brotanna
talin fyrnd. Þar til nýlega var
maðurinn kennari við Háskólann í
Reykjavík en áður starfaði hann
við grunnskóla. - ovd
Grunaður um kynferðisbrot:
Þriggja mánaða
gæsluvarðhald
SPURNING DAGSINS