Fréttablaðið - 15.05.2008, Blaðsíða 18
18 15. maí 2008 FIMMTUDAGUR
nær og fjær
„ORÐRÉTT“
„Það er nóg að gera enda er ég hálfgerður
alltmúligmann, mér leiðist að hjakka
í sama farinu,“ segir Friðrik Karls-
son tónlistamaður sem hefur verið
búsettur í Lundúnum í 12 ár. „Þessa
dagana er ég að vinna í upptökum á
nýjustu plötu Garðars Thors Cortes.
Ég er sem sagt upptökustjóri. Það
var afskaplega ánægjulegt að hann
skildi vera tilnefndur til verðlauna
hér í Bretlandi fyrir síðustu plötu og
ég vona að þessi verði ekkert síðri,
en Íslendingar munu geta dæmt um
það þegar hún kemur út í haust.
Svo hef ég lengi verið að vinna
fyrir Simon Cowell, sem flestir
þekkja sem hinn harða dómara
í Idol þáttunum í Bandaríkjun-
um. Það má reyndar segja
að þar komi hann til dyranna eins og hann er
klæddur, hann er ósköp líkur sjálfum sér þegar
hann er að hella sér yfir fólk í Idolinu. Þannig að
hann lætur menn heyra það ef honum mislíkar
eitthvað, en ég hef verið að vinna með honum
í mörg ár svo eitthvað hlýt ég að vera að gera
sem stenst kröfur hans. Nú er ég að spila
í nýju þáttunum hans, Britain’s Got
Talent. Þar spila ég undir hjá þeim
sem komast í úrslit.“
Það getur verið stressandi
að vinna með þessum miður
geðþekka dómara. Það kemur
sér afar illa fyrir Friðrik sem hefur
undanfarin ár samið og gefið út
slökunartónlist. „Ég á hús í Almer-
íu á Spáni og ég fer þangað annað
slagið til að semja slökunartónlist,
þar er ró og friður.“
HVAÐ ER AÐ FRÉTTA? FRIÐRIK KARLSSON TÓNLISTARMAÐUR
Spilar fyrir Simon Cowell hinn hrjúfa
Magnús Þór Hafsteinsson, varabæj-
arfulltrúi Frjálslyndra á Akranesi og
formaður félagsmálaráðs, telur að
Akranesbær sé ekki í stakk búinn
að taka við 30
palestínskum
flóttamönnum eins
og lagt hafði verið
til. Af þeim sökum
hefur hann lagst
gegn hugmyndinni
og það hefur vakið
sterk viðbrögð í
þjóðfélaginu. Hvað
segir Lúðvík Geirs-
son, bæjarstjóri
Hafnarfjarðar?
„Mér þykir það nokkuð undarlegt að
við í allsnægtaþjóðfélaginu getum
ekki tekið við fólki sem býr við bágar
aðstæður,“ segir hann. En er þetta
ekki rökrétt hjá Magnúsi ef hann
telur bæinn ekki í stakk búinn að
taka við fólkinu? „Ég held ekki að
hann sé að hugsa um hag fólksins.
Því miður held ég að hann sé hrein-
lega þeirrar skoðunar að hann vilji
ekki fá það.“
Fengi fólkið aðrar viðtökur í Hafnar-
firði? „Við erum alltaf til í að taka við
fólki sem vil búa hjá okkur. Nú þegar
búa hér á annað þúsund manns sem
er af erlendu bergi brotið og það er
mikill fengur í því.“
SJÓNARHÓLL
MAGNÚS ÞÓR HAFNAR KOMU
FLÓTTAMANNA TIL AKRANESS
Eru velkomin í
Hafnarfjörð
LÚÐVÍK
GEIRSSON
BÆJARSTJÓRI Í
HAFNARFIRÐI
Haldið verður Hamfara-
hlaup á næsta ári þar sem
hlaupnir verða 206 kíló-
metrar frá Herðubreið
meðfram Jökulsánni í
Ásbyrgi á þremur dögum
og gist í tjöldum. Talið er
að erlendir hlauparar verði
mjög spenntir fyrir hug-
myndinni.
Stefnt er að því að halda Hamfara-
hlaup, lengsta hlaup sem haldið
hefur verið á Íslandi, á næsta ári.
Hlaupið yrði frá rótum Vatnajök-
uls norður að brúnni við Gríms-
staði á Fjöllum og þaðan vestan-
megin meðfram Jökulsá á Fjöllum
niður í Ásbyrgi, alls 206 kílómetra
leið, á þremur dögum, eða tæpa 70
kílómetra á dag. Gist verður í
tvær nætur á hálendinu, líklega í
tjöldum.
„Þetta yrði kallað Hamfara-
hlaup því að það yrði hamfara-
hlaup í Jökulsánni ef Vatnajökull
myndi gjósa og hraunið rynni í
norður en ekki suður. Þess vegna
notum við sama orð,“ segir Soffía
Gísladóttir, hlaupari á Akureyri,
sem vinnur að því að skipuleggja
hlaupið ásamt öðru góðu fólki.
Hlaupið yrði haldið samhliða
Jökulsárhlaupinu sem haldið er
síðustu helgina í júlí ár hvert. Þátt-
takendur í Hamfarahlaupinu yrðu
ræstir tveimur dögum fyrr þannig
að þriðja daginn í Hamfarahlaup-
inu væru allir að koma í mark á
sama tíma, hvort sem þeir hefðu
hlaupið 206 kílómetra í Hamfara-
hlaupinu eða í Jökulsárhlaupinu;
32 kílómetra frá Dettifossi, 21
kílómetra frá Hólms ártungum eða
13 kílómetra frá Hljóðaklettum í
Ásbyrgi.
Soffía telur ekki óraunhæft að
halda fyrsta Hamfarahlaupið á
næsta ári. „Þetta krefst gríðarlegs
undirbúnings og við þurfum fjár-
mögnun og mikinn starfsmanna-
fjölda í kringum öryggismál. Svo
þurfum við að auglýsa erlendis
því að það er ekki svo stór hópur
innanlands sem hleypur svona
vegalengd,“ segir hún.
Hlaupaleiðin liggur um hálend-
ið þar sem veður getur breyst
skyndilega og umhverfið er mjög
gróft með stórgrýti og klettum.
Fylgjast þarf með hlaupurunum
alla leiðina, hvort sem það yrði
gert á hjólum, bílum eða með
þyrlu. „Við eigum eftir að finna
út úr því,“ segir hún.
Soffía bendir á að hlaupið yrði
mjög sérstakt, ekki bara innan-
lands heldur líka erlendis, ekki
síst vegna þess að hlaupið er í ein-
stökum þjóðgarði langt inni á
öræfum og hlaupaleiðin lægi
meðfram hinni stórkostlegu Jök-
ulsá og Jökulsárgljúfrum. Fara
þyrfti um háan klettavegg og
klifra í klettum þannig að hlaup-
ararnir þyrftu að vera í góðu
líkamlegu formi.
„Við erum góð ef við fáum tíu til
fimmtán hlaupara í fyrsta hlaupið
en svo fer þessi hópur hratt
stækkandi sem hleypur 100 kíló-
metra og lengra svo þátttakend-
um fer örugglega ört fjölgandi.“
ghs@frettabladid.is
Þriggja daga Hamfarahlaup
TÍU TIL FIMMTÁN FYRST „Við erum góð ef við fáum tíu til fimmtán hlaupara í fyrsta
hlaupið,“ segir Soffía Gísladóttir, hlaupari á Akureyri, um þátttökuna til að byrja með.
FRÉTTABLAÐIÐ/HEIÐA.IS
■ Eitt mest tilvitnaða
ártal 20. aldar er árið
1968 en fyrir réttum
40 árum, í maí 1968,
náði stúdentauppreisn
í Frakklandi hámarki. Við aðgerðir
námsmanna bættust verkföll sem
nánast lömuðu samfélagið og
það ástand sem við það skapaðist
komst nærri því að fella frönsku
ríkisstjórnina og forsetann, Charles
de Gaulle. Sú hugmyndafræðilega
hreyfing sem kennd er við 1968
og þykir einkenna kynslóðina sem
var fædd á fimmta áratugnum var
alþjóðleg og átti sér ýmsar birtingar-
myndir eftir löndum. Sameiginlegir
drættir voru meðal annars andstaða
við valdboð og höfnun svart-hvítrar
tvískiptingar heimsins.
UMTALAÐ ÁRTAL
1968
Mikil uppbygging er fyrirhuguð hjá fyrirtæk-
inu Kjarnabúð í Bolungarvík og var í síðustu
viku skrifað undir 700 milljón króna samning
við þýsku ferðaskrifstofuna Kingfisher Reise.
Fyrirhugað er að reisa tuttugu hús til
gistingar, smíða tuttugu báta til sjóstang-
veiða, bryggju fyrir bátana, torgi, verslun og
fleiru.
Framkvæmdir munu kosta 300 milljónir og
að auki tekur ferðaskrifstofan frá fjórtán
vikur á ári fyrir viðskiptavini sína. Fyrstu tíu
hús og bátar eiga að vera tilbúin næsta sumar,
en afgangurinn árið 2010.
Soffía Vagnsdóttir er einn forsvarsmanna
Kjarnabúðar. „Þetta er stór dagur í Bolungar-
vík. Það er stórkostlegt að geta stuðlað að
nýsköpun með erlendu fjármagni,“ segir
Soffía, en ítrekar að eftir eigi að afgreiða
lóðaumsókn fyrirtækisins.
Kingfisher Reise er virt ferðaskrifstofa
sem sérhæfir sig í sjóstangveiðiferðum.
Soffía segir að fulltrúar hennar séu mjög
spenntir yfir uppbyggingunni í Bolungarvík.
Soffía segir að vonast sé til að heimamenn
fái vinnu við uppbygginguna. „Við erum að
vinna í að bæði bátar og hús verði smíðuð hér.
Það ætti að geta skapað þó nokkur störf. Þar
að auki verða til störf í þjónustu þegar
uppbyggingu er lokið.“ - kóp
Nýsköpun í ferðaþjónustu í Bolungarvík:
Ný gistihús, bátar og bryggja
ÞJÓÐLEGT Húsin
munu verða í
þjóðlegum stíl.
700 MILLJ-
ÓNIR Skrifað
var undir
700 milljóna
króna
samning í
Bolungarvík
í gær.
Stór samvinnusjóður
„Við látum ekkert uppi um
þetta en Samvinnusjóðurinn
verður mjög stór.“
KRISTINN HALLGRÍMSSON FORMAÐ-
UR SKILANEFNDAR EIGNARHALDS-
FÉLAGS SAMVINNUTRYGGINGA
Markaðurinn 14. maí 2008
Lögfræðidrama
„Við erum ekki eins leiðinleg-
ir og menn kynnu að halda.“
BRYNJAR NÍELSSON LÖGMAÐUR
Fréttablaðið 14. maí 2008
HLAUPALEIÐIN Kortið sýnir hlaupaleið-
ina frá rótum Jökulsár á Fjöllum yfir
Jökulsána við Grímsstaði og norður í
Ásbyrgi.
Ásbyrgi
Herðubreiðarfjöll
Herðubreiðarlindir
Ód
áð
ah
rau
n
Öxarfjörður
Vatnajökull
HLAUPALEIÐIN
Flugöryggisfundur
Fimmtudaginn. 15. maí 2008
Hótel Loftleiðum kl. 20:00
DAGSKRÁ
Fundarstjóri: Matthías Sveinbjörnsson
20:05 - 20:10 Opnun
20:10 - 21:00 Alvarleg fl ugatvik árið 2007 -
Rannsóknarnefnd fl ugslysa
[Þorkell Ágústsson / Bragi Baldursson]
21:00 - 21:15 Kaffi hlé
21:15 - 21:40 Viðhald einkafl ugvéla - breytingar
[Sigurjón Sigurjónsson]
21:40 - 22:05 Mannlegi þátturinn og einkafl ug
[Hlín Hólm]
22:05 Stutt kvikmynd
Fyrirspurnir í lok hvers dagskrárliðar.
Kaffi veitingar í boði Flugmálastjórnar Íslands
Allt áhugafólk um fl ugmál velkomið.
Flugvélaeigendur og einkafl ugmenn eru
hvattir til að mæta.
Flugmálafélag Íslands
Flugmálastjórn Íslands
Flugstoðir
Rannsóknarnefnd fl ugslysa
www.fl ugmal.is