Fréttablaðið - 15.05.2008, Síða 66
46 15. maí 2008 FIMMTUDAGUR
Sýningin List mót bygg-
ingarlist verður opnuð á
morgun í Listasafni Íslands.
Eins og titill sýningarinnar
gefur til kynna er viðfang
hennar tök myndlistar á
byggingarlist, en ákveðin
togstreita hefur löngum
ríkt á milli þessara tveggja
greina. Fimm listamenn,
erlendir sem innlendir, hafa
verið fengnir til þess að
vinna verk fyrir sýninguna
og gera þeir það hver með
sínu nefi.
Listamennirnir eru þau Monica
Bonvinici, Finnbogi Pétursson,
Elín Hansdóttir, Steina og Franz
West, en þau eiga það sameigin-
legt að hafa talsvert unnið með
rými og rýmisskynjun í verkum
sínum.
Sýningarstjóri er Halldór Björn
Runólfsson, en hann er jafnframt
safnstjóri Listasafns Íslands.
„Listamennirnir umbreyta
umhverfi safnsins og takast
þannig á við sjálfa bygginguna,“
útskýrir Halldór. „Verkin eru þó
innbyrðis afar ólík. Elín Hans-
dóttir setur upp völundarhús í
einum salnum, Monica Bonvicini
ræðst á karllæga byggingarlist
með ögrandi verki sínu, Franz
West gerir opinbert rými félags-
legt og aðgengilegt, Finnbogi
Pétursson gerir tilraun með opinn
eld og Steina býður upp á afar
áhrifaríkt myndbandsverk. Rými
safnsins verður því undirlagt og
má segja að byggingin þurfi hálf-
partinn að hopa fyrir þessum
listamönnum.“
Síðasta sýning Listasafns
Íslands, Streymið, var samsýning
þriggja ungra listakvenna og
segir Halldór nýju sýninguna
vera rökrétt framhald af þeirri
sem á undan fór. „Á sýningunni
Streymið var rauði þráðurinn tím-
inn og því liggur heldur beint við
að takast nú á við rýmið. Fleira
tengir þessar sýningar; Streymið
sýndi verk þriggja kvenna sem
tilheyra sömu kynslóð, en nú
höfum við leitt saman fimm lista-
menn sem tilheyra hver sinni kyn-
slóð og eru fæddir yfir fjörutíu
ára tímabil. Það verður því afar
áhugavert að sjá hvernig þessar
kynslóðir nálgast rými hver á sinn
hátt.“
Það hefur vart farið framhjá
neinum að byggingarlist og skipu-
lagsmál hafa verið talsvert í umræð-
unni hérlendis undanfarið. Því má
með sanni segja að Listasafn Íslands
hafi puttann á púlsinum. „Bygging-
arlist, hönnun og myndlist hafa
runnið dálítið saman á undanförn-
um árum og að mörgu leyti er orðið
erfitt að draga skýr mörk á milli
þessara greina. Þessi samruni hefur
leitt til mikillar grósku og því er
tímabært að efna til stórrar sýning-
ar á þessari þróun,“ segir Halldór.
List mót byggingarlist er hluti af
dagskrá Listahátíðar í Reykjavík.
Sýningin stendur til 29. júní.
vigdis@frettabladid.is
Rými safns endurskapað
ANDSTÆÐA KARLLÆGRAR BYGGINGARLISTAR Verk eftir ítölsku listakonuna Monicu
Bonvicini.
Gallerí Dvergur, Grundar-
stíg 21, tekur þátt í Listahá-
tíð í Reykjavík líkt og flest
önnur sýningarrými
borgarinnar. Þar verður
opnuð í kvöld kl. 20 sýning
Helgu Óskarsdóttur, en hún
hefur nokkuð gert af því að
draga fram og stækka upp
smáatriði og þannig fangað
falda fegurð í umhverfi
okkar.
Í sýningarýminu Gallerí Dvergur sýnir Helga nýtt staðbundið
verk. Í þessari sýningu nálgast hún viðfangsefni sitt frá nokkuð
nýju sjónarhorni þar sem hún smækkar viðfangsefni sitt og horfir
á það utan frá. - vþ
Minnkað viðfang
í Galleríi Dvergi
UMHVERFI OKKAR Hluti af verki Helgu
Óskarsdóttur í Galleríi Dvergi.
Sýning sem heitir hinu hressilega
og frakka nafni „Hvaða Eldfjöll?“
verður opnuð í Listasafni ASÍ á
morgun kl. 17, en á henni má sjá
verk eftir listamennina Halldór
Ásgeirsson og Paul Armand Gette.
Varla þarf að taka það fram að
sýningin er hluti af dagskrá hinn-
ar yfirgripsmiklu Listahátíðar í
Reykjavík.
Verkin á sýningunni eru inn-
blásin af hinum fjölmörgu eld-
fjöllum Íslands. Í verkum sínum
notar Halldór logsuðutæki til að
umbreyta grófgerðu hrauni í
undursamlega fíngerða glerfugla,
en Gette leitar að hinu kvenlega í
náttúrunni.
Listamennirnir hafa báðir unnið
talsvert áður með eldfjöll og frum-
kraft þeirra og það er því nokkuð
snjöll hugmynd að leiða þá saman
á sýningu sem þessari. Paul Arm-
and Gette er fæddur í Lyon í
Frakklandi 13. maí árið 1927 og
hefur haft áhuga á eldfjöllum frá
því að hann gekk upp á Vesúvíus
tólf ára gamall. Síðan þá hefur
hann starfað markvisst að list-
sköpun sinni og unnið talsvert
með minni úr náttúrunni. Halldór
Ásgeirsson er fæddur í Reykjavík
árið 1956. Hann hóf tilraunir með
hraunbræðslu snemma á tíunda
áratug síðustu aldar og hefur síðan
þá skapað ótrúlega fínleg verk úr
þessum grófa og hrjúfa efnivið.
Listasafn ASÍ er opið alla daga
nema mánudaga og er aðgangur
að því ókeypis. Sýningin „Hvaða
Eldfjöll?“ stendur til 15. júní. - vþ
Hrjúf og fínleg náttúran
HRAUN OG BLÓM Verk eftir Halldór Ásgeirsson.
Færri komust að en vildu síðast
þegar tónlistarmúsin Maxímús
Músíkús tróð upp með Sinfóníu-
hljómsveit Íslands. En nú gefst
annað tækifæri; Maxímús snýr
aftur ásamt hljómsveitinni nú á
laugardag og enn eru fáanlegir
miðar á tónleikana.
Bókin Maxímús Músíkús heim-
sækir hljómsveitina hefur selst
eins og heitar lummur undanfarn-
ar vikur. Í henni segir af kynnum
Maxímúsar af heimi tónlistarinn-
ar og hljóðfæranna, en höfundar
bókarinnar eru tveir meðlimir
Sinfóníunnar, þau Hallfríður
Ólafsdóttir flautuleikari og Þórar-
inn Már Baldursson víóluleikari.
Tónleikarnir á laugardag byggja á
söguþræði bókarinnar og fá áhorf-
endur að upplifa ævintýri Maxí-
músar bæði í leik og tónum.
Leikarinn Valur Freyr Einars-
son flytur söguna og
hljómsveitin sér
um að búa til
viðeigandi leik-
hljóð. Trúðurinn
Barbara lítur við í heim-
sókn, sem og sjálfur heiðurs-
gesturinn Maxímús. Stjórn-
andi er Bernharður
Wilkinson.
Tónleikarnir fara
fram í Háskóla-
bíói og hefjast kl.
14 á laugardag. - vþ
Vinsæl og tónelsk mús
MAXÍMÚS MÚSÍKÚS Mætir
til leiks í Háskóla-
bíói, hress og kátur,
á laugardag.