Fréttablaðið - 18.05.2008, Síða 83

SUNNUDAGUR 18. maí 2008 23
Kreppuógnin vofir yfir
heimsbyggðinni eins og geð-
vondur draugur með tann-
pínu og hafa margir orðið
ansi skelfdir við tilhugsun-
ina um hamfarirnar sem
henni munu óhjákvæmilega
fylgja. Bókaútgefandinn
Benedikt Lafleur er ekki í
þeim hópi; það koma út tíu
titlar hjá Lafleur útgáfunni
á árinu og er framboðið fjöl-
breytt.
Benedikt er ekki lengi að koma sér
að efninu, spurður um hvað beri
hæst hjá útgáfunni þetta árið. „Það
er klárlega Númeralógían - Talna-
speki fyrir byrjendur og lengra
komna, eftir sjálfan mig. Þessi bók
byggir á fimmtán ára vinnu, nám-
skeiðum og greinum og er fyrsta
bók sinnar tegundar sem kemur út
hér á Íslandi. Bókinni er skipt í tvo
hluta og þannig er hún eiginlega
tvær bækur í einni. Í fyrri hlutan-
um er fræðilega hliðin á talnaspeki
kynnt fyrir lesandanum og honum
gefið tækifæri á að læra að stunda
sjálfur talnaspeki. Í síðari hlutan-
um eru ýmsir þjóðþekktir einstakl-
ingar talnagreindir og er óhætt að
segja að ýmislegt óvænt komi út út
því.“
Sem fyrr segir spanna bækur
Lafleur útgáfunnar breitt svið við-
fangsefna og því er líklegra en ekki
að flestir finni eitthvað við sitt hæfi
í flórunni. „Þýðing Sigruðar Páls-
sonar á Líf mitt með Mozart eftir
Eric-Emmanuel Schmitt kemur út
seinna á árinu og með henni fylgir
hljómdiskur með tónlist eftir Moz-
art. Þess má til gamans geta að
stefnt er að því að setja leikgerð
þessarar sögu upp á fjölum Íslenku
óperunnar í haust. Að auki koma út
ljóðabækur, þeirra á meðal bók eftir
Kára Svansson sem heitir Hávamál
in nýju. Í henni má finna ljóð sem
Kári hefur ort eftir sama ljóðformi
og hin upprunalegu Hávamál, þó að
innihald og niðurstaða ljóða hans sé
að sjálfsögðu allt önnur. Svo er líka
vert að minnast á Miskunnsemi
andskotans - Kvikmyndasögu
Bandaríkjanna eftir Jónas Knúts-
son, en þar er á ferð gífurlega metn-
aðarfullt verk prýtt fjölmörgum
ljósmyndum,“ segir Benedikt.
Sem sjá má er engan bilbug að
finna á bókaútgefandanum Bene-
dikt sem lætur krepputal sér sem
vind um eyru þjóta. „Maður þarf
bara að vera raunsær í þessum
útgáfubransa,“ segir hann. „En það
er stundum fylgifiskur niðursveiflu
í efnahagslífinu að þá fer fólk að
leita meira inn á við og verða íhug-
ult og það getur verið gott fyrir list-
ir og bókmenntir. En ég hef að sjálf-
sögðu tröllatrú á
viðskiptafrömuðunum okkar hér á
landi og er viss um að þeir munu
stýra okkur út úr þessum efnahags-
kröggum.“ vigdis@frettabladid.is
Það er gömul saga og ný að enginn
veit hvað átt hefur fyrr en misst
hefur. Aðalpersónan í skáldsög-
unni Áður en ég dey er sextán ára
stelpa og lífsþyrstur hvítblæði-
sjúklingur. Frá fyrstu síðu er saga
hennar baráttusaga ungrar mann-
eskju sem þráir að upplifa sem
mest og skilja eitthvað eftir sig
áður en hún deyr. Tessa er dauð-
vona og stríðir við sinn sjúkdóm á
sama tíma og hún glímir við erfið-
leika unglingsáranna, kynslóðabil,
ósátta foreldra, hormóna og hug-
myndir um ástina.
Tessa ákveður að setja saman
lista yfir hlutina sem hún vill
framkvæma áður en hún deyr og
sagan rekur síðan hvernig hún fer
að því að nýta sína síðustu daga.
Eins og gefur að skilja eru nokkrir
forvitnilegir hlutir á listanum –
hún vill til að mynda missa mey-
dóminn, koma foreldrum sínum
saman að nýju og brjóta lögin.
Tessa vill ekki deyja án þess að
hafa lifað og krafa hennar er vit-
anlega sanngjörn því hlutskiptið
er hræðilegt.
Tessa er um margt áhugaverð
persóna en það er eitthvað við frá-
sagnarmátann sem framandgerir
hana í augum lesandans. Hún er
mótsagnakennd persóna (sem
kannski er skiljanlegt þegar
maður er bara sextán) að því leyti
að hún er ungæðisleg en á köflum
óhemju skáldleg og skynsöm á
sama tíma. Mér finnst vanta tölu-
vert upp á trúverðugleikann í bók-
inni, einnig þegar kemur að auka-
persónunum sem eru lítt mótaðar.
Besta vinkonan, Zoey, og sæti
strákurinn í næsta húsi, Adam,
eru til að mynda eins og klippt út
úr fyrirsjáanlegri unglingamynd.
Önnur viðfangsefni svo sem það
að prófa dóp, sofa hjá, stela úr
búðum og skilja ekki foreldra sína
eru líka afar kunnugleg og hlut-
skipti Tessu, sem lýst er í settlegri
fyrstu persónu, bætir þar litlu við.
Dramatíkin sem fylgir dauðanum
sem vokað gæti yfir sögunni er
merkilega lítil. Það er mjög hægur
stígandi í bókinni fyrir utan ástar-
söguna og flest „vandamál“ Tessu
eru afgreidd frekar auðveldlega
og snyrtilega af höfundarins
hendi.
Áður en ég dey er skáldsaga um
lífið en ekki dauðann. Hún er afar
létt aflestrar og lipurlega þýdd.
Þessi saga mun án efa vekja
áhugaverðar spurningar meðal
yngri lesenda um heimspeki lífs-
ins og tilgang.
Kristrún Heiða Hauksdóttir
Lífsþorsti og sjálfsþroski
Útgáfa í fullum blóma
Í tengslum við sýninguna Endurkast sem nú stendur yfir í
Þjóðminjasafninu munu ljósmyndararnir sem þar sýna vera með
leiðsögn á sunnudögum kl. 14. Í dag gefst gestum safnsins kostur á
að ganga með sýninguna með þeim Spessa og Braga Þór Jósefssyni
og fræðast um þeirra sýn á stöðu ljósmyndunar á Íslandi í dag.
Sýningin Endurkast er samsýning nokkurra listamanna þar sem
leitast er við að marka ljósmyndinni sérstakan sess sem listgrein,
einkum innan íslenskr-
ar myndlistar, þar sem
ljósmyndin hefur
löngum verið talin
hafa meira heimildar-
gildi en listrænt gildi.
-vþ
Ljósmyndarar um list sína
ÞJÓÐMINJASAFNIÐ Býður
gestum sínum oft og
reglulega upp á leiðsagnir
um sýningar.
BÓKMENNTIR
Áður en ég dey
eftir Jenny Downham
Þýðandi: Ísak Harðarson
Forlagið
★★
Áhugaverð en fyrirsjáanleg þroskasaga
BENEDIKT
LAFLEUR Lafleur
útgáfan sendir
ýmislegt áhuga-
vert frá sér á
árinu.
BÖRN OG VANRÆKSLA
Dagskrá í samvinnu við NFBO - Norræna félagið gegn illri meðferð á börnum
NORRÆNA HÚSIÐ - NORDENS HUS - POHJOLAN TALO - NORDIC HOUSE www.nordice.is nh@nordice.is sími: 551 7030
LIST ÁN LANDAMÆRA alla daga í sýningarsal. Bókasafnið er opið alla daga vikunnar 12-17.
Bistro Alvar A er opið virka daga 10-17, helgar 12-17 og þegar viðburðir eru í húsinu.
Þri. 20. maí kl. 10.40 – 12.00
MISNOTKUN INNAN
STOFNANA
Pallborðsumræður í tengslum
við ráðstefnu NFBO. Þátttakendur:
Anders Nyman, Róbert Ragnar
Spanó, Bragi Guðbrandsson og
Páll Rúnar Elísson.
Sun. 18. maí kl. 20.00
KÆRLEIKUR
OG STÁLULL
Sænski rithöfundurinn
Lisbeth Pipping les
úr bók sinni um börn
sem alast upp með
seinfærri móður.
Mán. 19. maí kl. 13.00
ÚTHVERFABÖRN
Verðlaunakvikmynd eftir
Catti Edfeldt og Ylva
Gustavsson. Sænsk/
finnski rithöfundurinn
Susanna Alakoski heldur
fyrirlestur.
Mán. 19. maí kl. 19.30
SVÍNASTÍURNAR
OG VEÐRAMÓT
Susanna Alakoski heldur fyrirlestur og
les úr bók sinni um börn sem alast upp
hjá foreldrum sem eru alkóhólistar.
Lisbeth Pipping heldur fyrirlestur.
VEÐRAMÓT eftir Guðnýju Halldórsdóttur.
Enginn aðgangseyrir