Fréttablaðið - 29.05.2008, Qupperneq 12

12 29. maí 2008 FIMMTUDAGUR
GULLUNGI Silfurapamóðir í apa-
miðstöð Japans í Inuyama heldur á
gulllituðum unga sínum, sem fæddist
fyrir helgi. Hann vó 350 grömm og
mældist 20 sentímetrar. FRÉTTABLAÐIÐ/AP
MANNRÉTTINDI „Það er ekkert
annað en hneyksli að Amnesty
International þurfi í ár að gefa
enn einu sinni út svarta skýrslu
sem er upp á nærri 400 síður,“
segir Jóhanna K. Eyjólfsdóttir,
framkvæmdastjóri Íslandsdeild-
ar Amnesty International, þegar
hún kynnti nýja ársskýrslu sam-
takanna í gær.
Mannréttindasamtökin gagn-
rýna harðlega bæði Bandaríkin
og Evrópuríki í skýrslunni, sem
kynnt var í gær.
Bandaríkin eru sögð hunsa
alþjóðalög með mjög svo augljós-
um hætti, og Evrópusambands-
ríki eru sökuð um tvískinnung í
mannréttindamálum.
„Sem valdamesta ríki heims
leggja Bandaríkin stjórnvöldum í
öðrum ríkjum línurnar um hegð-
unarviðmið,“ segir í ársskýrsl-
unni.
Samt hafi Bandaríkin, „með
þvílíkum lagaflækjum að menn
standa á öndinni, haldið áfram að
grafa undan algeru banni við
pyntingum og annarri illri með-
ferð“.
Háttsettir ráðamenn neituðu
að fordæma hinar alræmdu
vatnspyntingar og Bandaríkja-
forseti heimilar leyniþjónustunni
CIA að halda áfram leynilegum
handtökum og yfirheyrslum.
Næsti forseti Bandaríkjanna,
sem kosinn verður í haust, er
meðal annars hvattur til að nota
næsta kjörtímabil til þess að loka
fangabúðunum við Guantánamo
á Kúbu og annaðhvort láta fang-
ana lausa eða draga þá fyrir
almenna dómstóla í Bandaríkjun-
um. Tvískinnungur Evrópusam-
bandsins er meðal annars sagður
birtast í því að strangar kröfur
eru gerðar í mannréttindamálum
til þeirra ríkja, sem sækja um
aðild að sambandinu, en þegar
þau eru svo kominn in fyrir þá
geta þau í raun farið sínu fram að
mestu án þess að þurfa að svara
til saka.
„Sannleikurinn er sá að Evr-
ópusambandið er ófært um að
kalla aðildarríki sín til ábyrgðar í
mannréttindamálum sem falla
utan laga Evrópusambandsins.“
„Við erum að sjá breyttan heim,
sem lýsir sér í því að ríki sem
áður höfðu vægi til að gagnrýna
mannréttindabrot hafa í raun
ekki efni á því lengur,“ segir
Jóhanna.
„Einnig eru að koma ný ríki inn
á sviðið sem hafa engan áhuga á
mannréttindum,“ bætir hún við,
og á þar meðal annars við Kína,
sem hikar ekki við að eiga við-
skipti við lönd á borð við Búrma,
Súdan og Simbabve.
Í ár verða sextíu ár liðin frá því
að Sameinuðu þjóðirnar sam-
þykktu mannréttindayfirlýsingu
sína, en ákvæði hennar eru enn
þverbrotin víða um heim.
gudsteinn@frettabladid.is
Svört skýrsla frá Amnesty
Amnesty International gagnrýnir bæði Bandaríkin og Evrópuríki í nýrri ársskýrslu sinni um mannrétt-
indabrot í heiminum. Skýrslan endurspeglar minni áhuga valdamestu ríkjanna á mannréttindum.
DÓMSMÁL Karlmaður hefur verið
dæmdur í eins mánaðar skilorðs-
bundið fangelsi fyrir að ráðast á
konu sem var gestur á heimili
hans í Hveragerði.
Maðurinn réðst á konuna með
höggum og spörkum bæði í andlit
og líkama. Hún hlaut marbletti á
útlimum og andliti. Í dómnum
segir að komið hafi til átaka milli
mannsins og konunnar eftir
rifrildi þeirra á milli. Maðurinn
neitaði sök og sagði konuna hafa
barið sig og sparkað í sig.
Dómurinn taldi það ekki rétt en
hins vegar að það væri sannað að
hann hefði veist að konunni og
slegið hana í gólfið. - jss
Dæmdur fyrir líkamsárás:
Lúbarði gest-
komandi konu
ALÞINGI Vitað er um eitt tilvik þar
sem verslun hefur verið lokað
vegna brota á reglugerð um
smásölu tóbaks. Fáum áminning-
um hefur verið beitt undanfarin
ár vegna brota á reglum.
Þetta kemur fram í svari
umhverfisráðherra við fyrirspurn
Þuríðar Backman, VG, um eftirlit
með útsölustöðum tóbaks. Í
svarinu kemur jafnframt fram að
fáir útsölustaðir hafi sótt um
undanþágu frá aldurstakmörkum
afgreiðslufólks og að ráðherra
telji heilbrigðiseftirlit sveitarfé-
laganna hafa nægilegt bolmagn til
að sinna eftirliti með útsölustöð-
um tóbaks. - bþs
Brot á lögum um tóbakssölu:
Einu sinni lokað
Opna á A-Evrópubúa
Nicolas Sarkozy Frakklandsforseti
upplýsti í gær að 1. júlí myndu
Frakkar falla frá fyrirvara við frjálsa för
launafólks frá Póllandi og sjö öðrum
nýjustu aðildarríkjum ESB. Fyrirvarinn
mun þó gilda um sinn áfram fyrir
Rúmeníu og Búlgaríu.
FRAKKLAND
Spurt um tilskipanir ESB
Atli Gíslason, VG, hefur lagt fram
fyrirspurn til utanríkisráðherra um hve
margar tilskipanir ESB bíði innleiðing-
ar og upptöku. Spyr hann einnig um
tímafresti óinnleiddra tilskipana og
hvort eftirlitsstofnun EFTA hafi gert
athugasemdir við drátt á innleiðingu.
ALÞINGI
HEILBRIGÐISMÁL Umræðan um brot
Magnúsar Skúlasonar, geðlæknis á
Sogni, sem vikið hefur verið frá
störfum fyrir að svíkja út lyf í nafni
skjólstæðinga sinna hefur reynt
mjög á starfsfólkið á réttargeð-
deildinni að sögn Drífu Eysteins-
dóttur, deildarstjóra þar. Drífa
segir að vegna eðlis stofnunarinnar
og þagnarskylduákvæða geti starfs-
menn ómögulega svarað fyrir ein-
staka ásakanir en fullyrðir að allir
leggi sig fram við að veita skjól-
stæðingunum sem þar dvelja hina
bestu þjónustu.
Óskar Reykdalsson, fram-
kvæmdastjóri lækninga á Heil-
brigðisstofnun Suðurlands, vonar
að sú umræða sem farið hefur fram
um Sogn verði til jákvæðrar upp-
byggingar starfseminnar. Hann
segir fólk sem dvelur á Sogni ávallt
meðhöndlað eins og best verður á
kosið. Óheppilegt sé að svara fyrir
mál einstaka skjólstæðinga. „Það
er þó rétt að margt má betur fara í
tengslum við húsakynnin á Sogni.
Við teljum þó miklar líkur á að heil-
brigðisráðuneytið gangi í að vinna
að því að frekari úrbætur á Sogni
verði innan skamms,“ segir Óskar
en fyrir tveimur árum skilaði
vinnuhópur frá heilbrigðisráðu-
neytinu áliti þar sem fram kom að
nauðsynlegt væri að stækka deild-
ina úr sjö rýmum í um það bil 20 og
gera ýmsar viðbætur til að auka
enn á gæði þjónustunnar. Óskar
bendir þó á að mjög góður árangur
hafi náðst innan Sogns þótt þar
dvelji afar erfiður hópur. - kdk
Umræða um brot Magnúsar Skúlasonar reynir á starfsfólk réttargeðdeildarinnar:
Kapp lagt á að efla Sogn
RÉTTARGEÐDEILDIN Aðstoðarlandlæknir
vonast til að umræðan á Sogni í kjölfar
brottvikningar Magnúsar Skúlasonar
geðlæknis verði stofnuninni til góða.
FRÉTTABLAÐIÐ/RÓBERT