Fréttablaðið - 29.05.2008, Qupperneq 35

[ ]Fluguhnýtingar eru skemmtilegt áhugamál og gaman er að nota sínar eigin flugur þegar farið er að veiða. Fluguhnýting er líka góð fyrir fínhreyfingarnar og hugmyndaflugið.
Þriggja daga fluguveiðiskóli
verður haldinn í Langá á
Mýrum í júní næstkomandi.
Fluguveiðiskólinn mun standa
yfir frá 23.-25. júní.
„Þátttakendur munu fá kennslu í
flestu sem viðkemur fluguveiði
og er þetta því athyglisvert nám-
skeið fyrir alla þá sem vilja ná
betri tökum á greininni,“ segir
Ingvi Hrafn Jónsson hjá Langá.
Fluguveiðiskólinn stendur frá
morgni til kvölds í þrjá daga.
Fyrsta daginn er tekið á móti
hópnum og boðið upp á kaffi og
vöfflur. Eftir kaffið eru allar
veiðigræjurnar teknar saman og
haldið á valið veiðisvæði þar
sem kastæfingar hefjast.
„Kennarar eru með hópnum
og leiðbeina nemendum og fara
yfir helstu reglurnar. Köstin eru
æfð fram eftir degi og nemend-
urnir ná tökum á þeim og venj-
ast því hvernig á að beita flugu-
stöng. Til að forðast ofreynslu á
vöðvana er ekki kastað langt
fram eftir kvöldi,“ útskýrir
Ingvi Hrafn og bætir við: „Þegar
í veiðihúsið er komið er boðið til
kvöldverðar og eftir kvöldmat-
inn er nemendunum skipt í hópa
sem kennararnir sjá um og
kenndir verða helstu veiðihnút-
arnir enda mikilvægt að þekkja
þá.“
Annan daginn er vaknað klukk-
an átta og byrjað á morgunmat.
„Eftir morgunmatinn er haldið
niður að á, fluga hnýtt á línuna
og veiðar stundaðar til klukkan
eitt eftir hádegi. Nemendurnir
skiptast fjórir saman á hvern
kennara og þeir kasta í ánni á
meðan hinir hóparnir æfa köstin
á árbakkanum. Í hádegishléinu
eru æfðir hnútar og spurningum
nemenda svarað,“ segir Ingvi
Hrafn. Eftir það er tekin hvíld til
fjögur og þá verður haldið á ný
niður að á og veitt til tíu um
kvöldið.
Þriðja daginn er vaknað klukk-
an átta og borðaður morgun-
matur og síðan haldið til veiða til
klukkan tólf en þá fara nemend-
ur í hádegismat og síðan er
útskrift fluguveiðiskólans.
Verð í fluguveiðiskólanum
með kennslu,veiði og gistingu er
62.000 þúsund krónur, en með
fæði bætast við 7.500 krónur.
Hægt er að skrá sig með því að
senda póst á ihj@langa.is eða
hafa samband í síma 864-2879.
mikael@frettabladid.is
Vertu fullfær í fluguveiði
Langá á Mýrum er fallegur staður til að
æfa og stunda fluguveiði. FRÉTTABLAÐIÐ/GVA
Rennt fyrir lax við foss í Langá. Áin er ein af gjöfulustu á landinu. FRÉTTABLAÐIÐ/GVA
Blaðberinn
bíður
þín
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...
Hringdu í síma
ef blaðið berst ekki
Veiðikortið veitir aðgang að rúmlega 30
vatnasvæðum vítt og breitt um landið fyrir aðeins
5000 kr.–Og þú velur hvar og hvenær þú veiðir!
Frí heimsending þegar verslað er beint á www.veidikortid.is
Fleiri veiðisvæði!
LAXÁ Á REFASVEIT
Það var að losna holl 21.-23. júlí
Eigum laust: 2 holl í júlí · 1 holl í ágúst · 4 holl í september
Upplýsingar veitir Stefán í síma 898-3440