Fréttablaðið - 29.05.2008, Page 40

29. MAÍ 2008 FIMMTUDAGUR
Einar einstaki er yngsti alvöru
töframaður lýðveldisins, að-
eins tólf ára gamall. Á Akureyri
spilar hann fótbolta og ber
út blöð á milli þess sem hann
situr á skólabekk og æfir sig
í töfrabrögðum, en ótrúlega
hæfni Einars einstaka má sjá á
www.youtube.com.
Hvernig kom það til að þú fórst að
stunda töfrabrögð?
Þetta byrjaði allt þegar Jón Víðis
Jakobsson gaf út Töfrabragðabók-
ina og sýndi töfrabrögð á Glerár-
torgi fyrir jólin 2005. Þá var ekki
aftur snúið því ég heillaðist upp úr
skónum og fékk svo bókina í jóla-
gjöf frá Jóel, bróður mínum, og
byrjaði að æfa mig. Sumarið 2006
fórum við fjölskyldan svo til Dan-
merkur á dönskunámskeið og þar
var dótabúð með fullt af töfrasett-
um til sölu og ég fékk eitt í afmælis -
gjöf frá mömmu og pabba. Einnig
var þar strákur sem passaði litlu
krakkana og kunni sjónhverfingar,
og ekki minnkaði áhuginn við það.
Tekur langan tíma að verða góður
að gera töfrabrögð?
Já, maður þarf virkilega að æfa sig
og allur minn frítími fer í að æfa
mig, velta fyrir mér töfrabrögðum
og sjá hvort ég ráði við hin ýmsu
trikk. Ég fæ líka mikla hjálp frá
pabba, sem er minn stuðnings-
maður númer eitt.
Ertu í töframannafélagi?
Ég þarf að vera orðinn átján ára
til að fá aðgang að Hinu íslenska
töframannagildi, en ég hef sett
mig í samband við þá og þeir hafa
tekið mér alveg sérstaklega vel,
sent mér gjafir, góð ráð og sumir
hitt mig.
Hvernig útskýrir þú galdurinn á
bak við töfrabrögð?
Þetta eru bara sjónhverfingar til
að blekkja auga þess sem horfir á
mig og fær fólk til að trúa því sem
það vill sjá. Sumt er rosalega erf-
itt en margt mjög einfalt þótt alltaf
sé mjög mikil vinna á bak við ein-
föld atriði svo ekki komist upp um
trikkið.
Hver eru uppáhaldstöfrabrögðin
þín?
Mér finnst skemmtilegast að sýna
galdra með rauðum svampboltum
og henda frá mér pappírsrusli sem
endar sem langur, langur strimill í
munni mínum.
Hvað ætlar þú að verða þegar þú
ert orðinn stór?
Fyrst ætlaði ég alltaf að verða
múrari því afi minn og föðurbróðir
eru báðir múrarar og þegar þeir
byggðu húsið hans afa var stór
sandhóll á stofugólfinu þar sem ég
lék með skóflu og þóttist vera múr-
ari. Í jarðarförinni hennar ömmu
varð ég staðráðinn í að verða
prestur, en núna kemst ekkert að í
framtíðinni annað en að vera töfra-
maður. Ég þarf samt að læra eitt-
hvað skemmtilegt líka til að vinna
með töfrabrögðunum.
Býrðu til þín eigin töfrabrögð?
Það kemur fyrir, en oftast þróa ég
þau og æfi þannig að þau henti mér
best og tengi saman við önnur svo
að úr verði ein heild. Hvert atriði
tekur frá þremur sekúndum upp í
tvær mínútur.
Hvernig kom listamannsnafnið
Einar einstaki til?
Ég vildi hafa það Einar-eitthvað
en vissi ekki hvað, svo ég spurði
pabba og hann reddaði mér. Mér
fannst nafnið strax passa því ég er
auðvitað einstakur, eins og strák-
arnir í Hinu íslenska töframanna-
gildi hafa sagt. Þeir hafa hvatt mig
til að vera ég sjálfur, vera Einar
einstaki og enginn annar og herma
aldrei eftir öðrum.
Ertu orðinn frægur?
Margir í skólanum vita hver ég er,
sérstaklega eftir öskudaginn þegar
vinur minn trommaði undir töfra-
brögð sem ég sýndi í búðum í stað
þess að syngja, en við fengum mjög
mikið nammi að launum.
Áttu orðið mikið af töfradóti?
Já, ég á orðið mjög stórt safn,
get sýnt fimmtíu trikk og kann
miklu fleiri. Ég veit hvernig
fólk er sagað í sundur, hvernig
fólki er breytt í tígrisdýr í búri
og hvernig fíll hverfur ef maður
smellir fingrum, en þannig trikk
eru rosalega dýr. Pabbi pantar
mikið af dóti í gegnum netið og
þá fyrir aðra í fjölskyldunni líka
svo allir geti gefið mér. Mamma
er mest ánægð með mig í töfra-
brögðum vegna þess að nú þarf
hún ekki að hafa áhyggjur af því
hvað á að gefa mér í afmælis- og
jólagjafir.
Hvar er hægt að sjá þig sýna listir
þínar?
Ég sýni fullt af töfrabrögðum á
www.youtube.com undir Einar ein-
staki, og býð upp á tuttugu mínútna
töfrasýningu gegn vægu gjaldi,
eða 2.000 krónur, sem er tilvalin
uppákoma í barnaafmælum og við
önnur tilefni.
Áttu þér fyrirmynd meðal töfra-
manna?
Fyrirmynd mín er allir góðir töfra-
menn. Við stöndum saman og
þekkjumst innbyrðis, en það er
ófrávíkjanleg regla að endurtaka
aldrei töfrabragð og segja aldrei
frá neinum trikkum.
Ertu samt ekki til í að útskýra
hvernig þú gerir galdurinn með
rauða boltann?
Aldrei. Það bara gerist ekki.
Ekki séns?
Nei, þá sleppi ég frekar að koma
fram í þessu blaði.
Þeim sem vilja hafa samband
við Einar einstaka eða panta hjá
honum töfrasýningu er bent á net-
fang hans: einareinstaki@gmail.
com. - þlg
Einar Aron Fjalarson er tólf ára skólastrákur á Akureyri sem einnig stendur í fremstu
röð íslenskra töframanna, en stórkostlegt er að fylgjast með Einari einstaka fram-
kvæma fjölbreyttar sjónhverfingar. FRÉTTABLAÐIÐ/ARNÞÓR
Einstakur töframaður
ÞAR SEM ALLT SNÝST
UM FÓTBOLTA!
NÝTT
Á GR
AS.IS
Fréttir og Íþróttir Leikir Skemmtun
NÚ FÆRÐU GRAS.IS
FÉTTIR Í SÍMANN!