Fréttablaðið - 29.05.2008, Side 42

29. MAÍ 2008 FIMMTUDAGUR6 ● fréttablaðið ● vesturland
Á ferð um Snæfellsnes er gaman að fá tíu dropa
á kaffihúsinu Gamla Rifi. Þar er boðið upp á
heimagerðan mat og drykk ásamt skiptibóka-
markaði og listasýningum.
Á Rifi í Snæfellsbæ er að finna kaffihúsið Gamla
Rif. Það var opnað í fyrsta skipti síðastliðið sumar
en stöllurnar Sigríður Margrét Vigfúsdóttir og Anna
Þóra Böðvarsdóttir eru eigendur þess. Kaffihúsið er
nefnt eftir húsinu sjálfu, sem er yfir 100 ára gam-
alt. Það var upphaflega byggt sem bóndabær en
varð síðar að vélsmiðju áður en það komst í núver-
andi horf. „Þetta byrjaði á því að núverandi eigend-
ur hófu að gera húsið upp. Við Anna höfðum lengi
gengið með þann draum í maganum að opna kaffi-
hús og ákváðum að láta verða af því síðasta sumar,“
segir Sigríður.
Húsið á sérstakan stað í hjarta Rifsara, enda eru
flestir annaðhvort komnir af hjónunum sem byggðu
húsið eða tengdir fjölskyldu þeirra á einn eða annan
hátt. „Fólk er mjög ánægt með kaffihúsið og líður al-
mennt vel hér inni. Það finna allir að gömlu hjónin
eru enn í húsinu og fólk er ánægt með það.“
Á Gamla Rifi er boðið upp á heimagerðan mat og
kökur. „Við erum með fiskisúpu sem er mjög vin-
sæl. Hún hefur spurst út og fólk kemur langt að til
að smakka hana. Síðan erum við með heimabakað
brauð og kökur.“ Annað sem dregur gesti að er kaffi-
vélin á staðnum og gæðakaffi frá Kaffitári. „Það er
ekki algengt á þessum slóðum að fá kaffi úr alvöru
kaffivél,“ segir Sigríður.
Þrátt fyrir að kaffihúsið sé aðeins árs gamalt
hefur starfsemin gengið vonum framar. Ýmsir er-
lendir ferðahópar stíga inn á Gamla Rif og enn fleiri
Íslendingar. „Við vorum alveg hissa á því hversu
mikið af íslensku ferðafólk kemur hingað. Ég held
að fólk sé að átta sig betur á því hvað Snæfellsnes
er í raun og veru stutt frá höfuðborginni. Maður er
bara tvo og hálfan tíma að keyra hingað svo þetta er
upplagður dagsrúntur.“
Á Gamla Rifi er hægt að gera fleira en borða og
drekka. Boðið er upp á skiptibókamarkað þar sem
fólk getur komið með bókina sem það er búið að lesa
og skipt út fyrir aðra. Einnig eru myndlistarsýning-
ar haldnar á staðnum. „Við erum að fara að setja
upp sýningu með málverkum eftir börn, en þau mál-
uðu Snæfellsjökulinn á striga. Síðan mun listakonan
Hjördís Alexandersdóttir frá Rifi sýna hér síðar í
sumar.“
Gamla Rif er opið á sumrin, frá því í byrjun júní
fram í lok ágúst, alla daga frá klukkan 12 til 20. - mth
Kíkt í kaffi á Gamla Rifi
Stöllurnar Anna Þóra Böðvarsdóttir og Sigríður Margrét Vig-
fúsdóttir eiga kaffihúsið saman.
Íbúar á Rifi flykkjast á kaffihúsið enda notalegt að setjast þar
niður. Ferðamenn eru einnig duglegir að renna við.
Rifsarar voru mjög ánægðir með tilkomu
kaffihússins og veittu Önnu og Sigríði mikla
hjálp, meðal annars við gerð þessa skiltis.
Húsið Gamla Rif var byggt
árið 1896 en hefur verið
mikið gert upp síðan.
Golfiðkendum til gleði bætist ört
við golfvellina í Borgar firðinum.
Þar eru Húsafellsvöllur, Hamars-
völlur og Glanni en sá nýjasti er
Reykholtsdalsvöllur sem Bjarni
Guðráðsson í Nesi er að vinna að
og reiknar með að taka í notkun
um sumarsólstðður.
„Fyrst var hér mýri og mói,
síðan tún, aftur óræktarland og
nú níu holu golfvöllur með mis-
löngum brautum og ekki þrauta-
lausum,“ segir Bjarni. Auk vall-
arins hefur hann útbúið fyrir-
taks æfingasvæði, púttflöt og
golfskála.
- Kostar það ekki mikið umstang
að útbúa golfvöll?
„Jú, nokkuð. Ég fékk Hannes
Þorsteinsson golfvallarhönn-
uð til mín til að athuga hvort
vit væri í hugmyndinni. Hann
taldi landið að ýmsu leyti álit-
legt, teiknaði upp skissu að golf-
velli sem nú er að verða að veru-
leika.“
- Hefur þetta tekið mörg ár?
„Ég er búinn að
undir búa landið í
þrjú til fjögur
ár.“
- Kauplaus á
meðan?
„Já, ég rak
hér kúabúskap en
seldi framleiðsluréttinn
og breytti búskaparhátt-
um jarðarinnar í þennan
golfvöll og svo heyja ég líka.
Ég hætti sjálfur mjólkur-
framleiðslu 1999 og hafði þá
búið með kýr í 43 ár. Svo leigði
ég jörðina en þegar leigjand-
inn gafst upp og hætti seldi ég
framleiðsluréttinn og sneri mér
að þessu.“
- Fækkar bændum í Reykholts-
dal?
„Já, það fjarar undan land-
búnaðinum. Ungt fólk þarf að
hafa hugsjón og heilsu til að
taka við búskap. En að vísu er
dálítill vindur í öðru og í kring-
um Reykholt er góð starfsemi.
Þar hefur fólki fjölgað.“
- Ertu kominn með fasta golf-
iðkendur á völlinn þinn?
„Nei, ég vildi vita hvort völl-
urinn yrði að alvöru áður en ég
færi að auglýsa en nú fer að
reyna á hvort einhverjir vilja
mynda golfklúbb í kringum
hann.“
- Spilarðu golf sjálfur?
„Nei, en hver veit nema ég
rölti einn og einn
hring með
vinum
mínum.
Ég hef farið
einn hring á
ævinni. Sló hundr-
að metra upphafshögg
sem var vel viðunandi.“
- En komstu kúlunum í
holurnar?
„Já, þolinmæði þrautir
vinnur allar.“ - gun
Kylfunum sveiflað
um sumarsólstöður
Bjarni er búinn að byggja myndarlegan golfskála við völlinn og fá sér sláttu-
græjur.
Á Langasandi á Akranesi er oftar en ekki margt um
manninn þegar vel viðrar. Heimamenn leggja reglu-
lega leið sína á sandinn enda alltaf gaman að koma
þangað.
Langisandur liggur að sjónum og frá honum sést til
höfuðborgarinnar. Hlauparar og göngufólk eru dug-
leg að skilja spor sín eftir í sandinum og yngri kyn-
slóðin er mjög hrifin af því að leika sér í sandinum,
moka og busla.
Fyrir ofan sandinn liggur göngustígur sem hjól-
reiðamenn nota til þess að komast sem næst sandin-
um. Á heitum sólardögum gefur Langisandur fræg-
um sólarströndum við Miðjarðarhafið ekkert eftir.
- mmr
Fjölskylduvænn og fjölfarinn staður
Gott er kæla sig í sjónum á heitum degi. MYND/EIRÍKURLangisandur er vinsæll staður hjá yngri kynslóðunum. MYND/EIRÍKUR Ekkert verra en á sólarströnd. MYND/EIRÍKUR